ತುಳು ನೆಂಪು ಸಂಚಿಕೆಲೆನ ಸಮೀಕ್ಷೆ

ಮುರಳೀಧರ ಉಪಾಧ್ಯ ಹಿರಿಯಡಕ

1983ಡ್ದ್ - 2009ನೆ ಇಸ್ವಿ ಮುಟ್ಟ ತುಳು ಸಾಹಿತ್ಯೊಗು ಸಂಬಂಧಪಟ್ಟಿನ 9 ನೆಂಪುದ ಸಂಚಿಕೆಲು ಅಚ್ಚಾತ.ಈ ನೆಂಪುದ ಸಂಚಿಕೆಲ್ಡ್ ಇಪ್ಪುನ ತುಳು ಸಾಹಿತ್ಯದ ಒಂಜಿ ಎಲ್ಯ ಸಮೀಕ್ಷೆ ಈ ಲೇಖನೊದ ಉದ್ದೇಶ. ಏತೊ ಲೈಬ್ರೆರಿಲೆಡ್ ಇಂಚಿ ನೆಂಪುದ ಸಂಚಿಕೆಲೆನ್ ಒರಿಪ್ಪಾವೊಂದು ಬಪರ್ುಜ್ಜೆರ್. ಅಂಚಾದ್ ಒಂಜಿ ನೂದು ವರ್ಷ ಆಯಿಬೊಕ್ಕ ಈ ಸಂಚಿಕೆಲೆಡ್ ಏರೆರ್ ಎಂಚಿನ ಬರೆದೆರ್ಂದ್ ನಾಡೊರೆ ಸಂಶೋಧಕರೆಗ್ ಬಂಗ ಆವುಂಡು.
ತುಳುಕೂಟ ಬೆಂಗಳೂರುದಗುಲು ನಡಪುಡಾದ್ ಕೊರಿನ ತುಳುಸಾಹಿತ್ಯ ಸಮ್ಮೇಳನ ಬೆಂಗಳೂರ್ದ ಚೌಡಯ್ಯ ಮೆಮೋರಿಯಲ್ ಹಾಲ್ಡ್ 1983ನೆ ಇಸ್ವಿ ಫೆಬ್ರವರಿ 10-21ನೆ ತಾರೀಕ್ ನಡತ್ಂಡ್. ಈ ಸಮ್ಮೇಳನೊದ ಅಧ್ಯಕ್ಷರ್ ಪ್ರೊ. ಕು. ಶಿ ಹರಿದಾಸ ಭಟ್ರ್. ಬೆಂಗಳೂರು ತುಳುಕೂಟದ ಅಧ್ಯಕ್ಷರ್ ವಿಶುಕುಮಾರ್, ಪ್ರಧಾನ ಕಾರ್ಯದಶರ್ಿ ಮಂ. ಆನಂದ ಶೆಟ್ಟಿ, ಸ್ವಾಗತ ಸಮಿತಿ ಅಧ್ಯಕ್ಷೆರ್ ಕೆ. ಸದಾನಂದ ಶೆಟ್ಟಿ, ಆದಿತ್ತೆರ್. ಈ ಸಮ್ಮೇಳನೊಡು ಎಂ. ವಿ. ಹೆಗ್ಡೆ (ಪತ್ರಿಕೋದ್ಯಮ ಸ್ವಾತಂತ್ರ್ಯ ಹೋರಾಟ), ಬಿ. ದೂಮಪ್ಪ ಮಾಸ್ತರ್ (ತುಳು ಸಾಹಿತ್ಯ ಅಧ್ಯಯನ), ಕುಂಬಳೆ ತಿಮ್ಮಪ್ಪ (ಯಕ್ಷಗಾನ), ಶಾಮಸುಂದರ್ ಶೆಟ್ಟಿ (ಚಲನಚಿತ್ರ) ಮೊಗುಲೆಗ್ ಸನ್ಮಾನ ಮಲ್ತೆರ್. ತುಳು ಪತ್ರಿಕೆ ನಡಪಾವುನ ಅಮ್ಮೆಂಬಳ ಬಾಳಪ್ಪ, ಮೊಕ್ಲೆಗ್ ಈ ಸಮ್ಮೇಳನೊಡು ಗೌರವ ಸಮರ್ಪಣೆ ಮಲ್ತ್ಂಡ್.
ಬೆಂಗಳೂರು ತುಳು ಸಮ್ಮೇಳನೊದ ನೆಂಪುದ ಸಂಚಿಕೆದ ಪುದರ್ 'ಪೊಲರ್ು'. ಈ 'ಪೊಲರ್ು' ಸಂಚಿಕೆದ 'ತಿರ್ಲ್'ಲಾ ಗಟ್ಟಿಉಂಡು. ಡಾ| ಉಳಿಯಾರು ಪದ್ಮನಾಭ ಉಪಾಧ್ಯಾಯರೆನ 'ದ್ರಾವಿಡ ಬಾಸೆಲೆಡ್ ತುಳುತ ಸ್ಥಾನ', ಹೈದರಾಬಾದ್ದ ಡಾ| ಬಿ. ರಾಮಚಂದ್ರ ರಾಯೆರೆನ 'ದ್ರಾವಿಡ ಬಾಸೆಲೆಡ್ ತುಳುತ ಸ್ಥಾನ', ಡಾ| ಮ. ರಾಜೀವ ಆರೆನ 'ತುಳುವರು - ಇತಿಹಾಸ ಸಂಸ್ಕೃತಿ ಮತ್ತು ಭಾಷೆ', ಡಾ| ಯು. ಪಿ. ಉಪಾಧ್ಯಾಯೆರ್ ಬೊಕ್ಕ ಡಾ| ಸುಶೀಲಾ ಉಪಾಧ್ಯಾಯೆರ್ನ 'ತುಳು ಸಂಸ್ಕೃತಿದ ಸಂರಕ್ಷಣೆ', ಬಿ. ರಾಮ ಕಿರೋಡಿಯನ್ರೆನ 'ತುಳು ನಾಟಕ ರಂಗ ಎಡ್ಡೆ ಆವಾ?', ಗೀತಾ ಕುಲಕಣರ್ಿ ಬರೆದಿನ 'ತುಳು ಪೊಂಜೋವು ಆನಿ-ಇನಿ', ಸುನೀತಾ ಶೆಟ್ರೆನ 'ಬದಿ', ಎಂ. ಶಂಕರ ನಾರಾಯಣ ಸಾಮಗೆರೆನ 'ಯಕ್ಷಗಾನೊಡು ತುಳು ಅತ್ತಡ್, ತುಳುಟ್ ಯಕ್ಷಗಾನ ಅಂದ್ದ್', ಕಯ್ಯಾರ ಕಿಞ್ಞಣ್ಣ ರೈಕುಲು ಬರೆದಿನ 'ತುಳು ಕವಿತೆದ ಮೂಲ ಪಾಡ್ದನ', ಲೇಖನೊಲು ಈ ನೆಂಪು ನಂಬಿಕೆಟ್ ಉಲ್ಲ. ಡಾ| ಎಂ. ರಾಮ ಬರೆದಿನ  ಅಂಟಿಕ್ವಿಟಿ ಆಫ್ ತುಳುನಾಡು, ಪೀಪ್ಲ್ ಆಂಡ್ ಲಾಂಗ್ವೆಜ್ ಡಾ| ರಾಮಕೃಷ್ಣ ಟಿ. ಶೆಟ್ರ್ ಬರೆದಿನ ಸಮ್ ಸುಪರ್ಸ್ಟಿಷನ್ಸ್ ಆಫ್ ಹಿಂದು ತುಳುವ ಉಮೆನ್ಸ್ ಲೈಫ್ ಸೈಕಲ್ ನಯ್ಯಂವಳ್ಳಿ ಸದಾಶಿವ ಜತ್ತನ್ನೆರೆನ ತುಳುನಾಡು - ಎ ಬರ್ಡ್ಸ್ ಐ ವ್ಯೂ ಈ ನಂಬಿಕೆಡುಪ್ಪುನ ಇಂಗ್ಲಿಷ್ ಲೇಖನೊಲು.
ತುಳುನಾಡ್ದ ಇತಿಹಾಸ, ಸಂಸ್ಕೃತಿ, ಸಿನಿಮಾ, ನಾಟಕ, ಆಥರ್ಿಕ ಪ್ರಗತಿದ ಮಿತ್ತ್ ಕೇಂಡಿನ ಪ್ರಶ್ನೆಲೆಗ್ ಎ. ವಿ. ನಾವಡ, ಕನರಾಡಿ ವಾದಿರಾಜ ಭಟ್ಟ, ಕೆ. ವೆಂಕಟರಾಮಾಚಾರ್ಯ ಸುರತ್ಕಲ್, ಪ್ರೊ. ಶ್ರೀಪತಿ ತಂತ್ರಿ, ವಡಾರು ಮಹಾಬಲೇಶ್ವರ ಭಟ್ಟ, ಪ್ರೊ. ಎಂ. ರಾಜಗೋಪಾಚಾಲಾರ್ಯ, ಸೀತಾನದಿ ಗಣಪಯ್ಯ ಶೆಟ್ಟಿ, ಎನ್. ಶಂಕರನಾರಾಯಣ ಭಟ್ಟ, ಎಂ. ಪ್ರಭಾಕರ ಜೋಶಿ, ನಾ. ವುಜಿರೆ, ಶಶಿಕಲಾ ರಾಜಶೇಖರ್, ಚಿರಂಜೀವಿ' ಉಜಿರೆ, ಕೆ. ಜೆ. ಶೆಟ್ಟಿ ಕಡಂದಲೆ, ಅ. ಬಾಲಕೃಷ್ಣ ಶೆಟ್ಟಿ ಪೊಳಲಿ ಮೊಗುಲು ಮಾತಾ ಗೊರ್ತಿನ ಉತ್ತರ 'ಪೊಲರ್ು'ಡ್ ಅಚ್ಚಾತಂಡ್. ಪಾ. ವೆಂ. ಆಚಾರ್ಯ, ಮಂದಾರ ಕೇಶವ ಭಟ್, ವೆಂಕಟರಾಜ ಪುಣಿಂಚತ್ತಾಯ, ಕುದ್ಕಾಡಿ ವಿಶ್ವನಾಥ ರೈ, ವಾಮನ ನಂದಾವರ, ಏರ್ಯ ಚಂದ್ರಭಾಗಿ ರೈ ಮೊಗುಲೆನ ಕವಿತೆಲು ಈ ಸಂಚಿಕೆಡ್ ಉಲ್ಲ. ಕವಿತೆ ಸ್ಪಧರ್ೆಡ್ ಬಹುಮಾನ ಪಡೆಯಿನ 'ಕಾಲಚಕ್ರ' (ಎಚ್. ಶಕುಂತಲ), 'ಎನ್ನ ಕ್ರಾಂತಿ' (ಪ್ರಭಾಕರ ಶಿಶಿಲ) ಕಬಿತೆಲು, ಬಹುಮಾನ ಪಡೆತಿನ ಕತೆ 'ಸತ್ಯದ ನೆತ್ತಿಡ್ ಅಲರ್ುನಿ' (ರಾಜಾ ಬಂಟ್ವಾಳ) ಮೂಲು ಅಚ್ಚಾದುಲ್ಲ.
ಕುಡ್ಲದ ತುಳುಕೂಟ ನಡಪುಡಾಯಿನ ಮೂಜಿನೇ ಸಮ್ಮೇಳನತ (11-2-1984) ನೆಂಪುದ ಸಂಚಿಕೆ - 'ಮದಿಪು'. ಅಧ್ಯಕ್ಷರಾದಿತ್ತಿನ ಎಂ. ವಿ. ಹೆಗ್ಡೆರೆನ ದರ್ಬದ ಗುರಿಕಾಮರ್ೆದ ಪಾತೆರ 'ಪರ್ಬದ ಪಂದರ್್ಕಾಯಿ'ಕ್ ಐತಿಹಾಸಿಕ ಮಹತ್ವ ಉಂಡು. ಸತ್ಯಮಿತ್ರ ಬಂಗೇರೆನ 'ಅಳಿಯಸಂತಾನ ಕಟ್ಟದ ಗುಟ್ಟು', ಧಮರ್ಾಧಿಕಾರಿ ಡಿ. ಮಂಜಯ್ಯ ಹೆಗ್ಡೆರೆನ 'ದೇವೆರ್' ಈ ನಂಚಿಕೆಡಿಪ್ಪುನ ಲೇಖನೊಲು. ಎಂ. ವಿ. ಹೆಗ್ಡೆರೆನ 'ಮದ್ಮೊಳತ್ತ್ ಮರ್ಮಾಯೆ' ಒಂಜಿ ಪೊಲರ್ುಗಂಟ್ ಕತೆ. ಎಂ. ವಿ. ಹೆಗ್ಡೆ, ಸಂಕಯ್ಯ ಭಾಗವತೆರ್, ಬಡಕಯಿಲ್ ಪರಮೇಶ್ರಯ್ಯ, ಎಂ. ಆರ್. ಸುಬ್ರಹ್ಮಣ್ಯ ಶಾಸ್ತ್ರಿ, ಪರ್ಕಳ ಮಾರಪ್ಪ ಶೆಟ್ಟಿ, ಬಿ. ದೂಮಪ್ಪ ಮಾಸ್ಟರ್, ಅಮೃತ ಸೋಮೇಶ್ವರ, ಮಂದಾರ ಕೇಶವ ಭಟ್ಟ, ಪ್ರಮೋದ ಸುವರ್ಣ, ಈಶ್ವರ ಭಟ್ಟ ಪುತ್ತಿಗೆ ಈ ಕವಿಕುಲೆನ ಕವಿತೆಲು 'ಮದಿಪು'ಡು ಉಲ್ಲ.
ಕುಡ್ಲದ ತುಳು ಕೂಟ ನಡಪುಡಾಯಿನ ಮೂಲ್ಕಿದ ಅಖಿಲ ಭಾರತ ತುಳು ಸಮ್ಮೇಳನೊಡು (ಎಪ್ರಿಲ್ 15, 1989) ನೆಂಪುದ ಸಂಚಿಕೆ 'ಪನಿಯಾರ'. ಕಾವ್ಯ (ಪಾದೇಕಲ್ಲು ವಿಷ್ಣು ಭಟ್) ಯಕ್ಷಗಾನ ಪುನಂಗೊಲು (ಪುರುಷೋತ್ತಮ ಬಿಳಿಮಲೆ) ಗದ್ಯ (ಪಿ. ಗಣಪತಿ ಭಟ್), ನಾಟಕೊಲು (ಎಂ. ಪ್ರಭಾಕರ ಜೋಶಿ), ಕಾದಂಬರಿ ಕಿನ್ಯ ಕತೆಕುಲೆನ (ಮೋಹನ ಪಾರೆಪ್ಪಾಡಿ) ವಿಮಶರ್ೆ ಈ ಸಂಚಿಕೆಡ್ ಉಂಡು. 'ಪನಿಯಾರ'ದೊ ಮೂಜನೆ ಅದೆಟ್ ಉಪ್ಪುನ, ಅಧ್ಯಯನ ಮಲ್ಪೆಡಾಯಿನ ಲೇಖನೊಲು-ತುಳು-ಕೋಡೆ-ಇನಿ-ಎಲ್ಲೆ (ಬಾಲಕೃಷ್ಣ ಶೆಟ್ಟಿ, ಪೊಳಲಿ), ತುಳು ಬಾಸೆದ ಅಮೂಲ್ಯ ಕಾವ್ಯಗ್ರಂಥೊಲು (ವೆಂಕಟರಾಜ ಪುಣಂಚಿತ್ತಾಯ), ತುಳು ಬಾಸೆ (ಡಾ| ರಾಮಕೃಷ್ಣ ಬಿ. ಶೆಟ್ಟಿ), ತುಳುನಾಡ್ದ ಜನಪದ ನಲಿಕೆಲು (ಪಾಲ್ತಾಡಿ ರಾಮಕೃಷ್ಣ ಆಚಾರ್) 'ಸಿರಿ ಜಾತ್ರೆ' (ಡಾ| ಪೀಟರ್. ಜೆ. ಕ್ಲಾನ್ | ಎ. ವಿ. ನಾವಡ) ತುಳುನಾಡ್ದ ಐತಿಹ್ಯೊಲು (ತಾಳ್ತಜೆ ವಸಂತ ಕುಮಾರ್), ನಾಗಾರಾಧನೆ (ಸಿದ್ಧಾಪುರ ವಾಸುದೇವ ಭಟ್ಟ) ಪಾಡ್ದನ-ಭೂತಾರಾಧನೆತ ಸಂಶೋಧನೆ (ಡಾ| ಸುಶೀಲಾ ಉಪಾಧ್ಯಾಯ), ತುಳು ಯಕ್ಷಗಾನ (ಭಾಸ್ಕರ ರೈ ಕುಕ್ಕುವಳ್ಳಿ), ತುಳು ಯಕ್ಷಗಾನ ಕವಿಕುಲು (ಅಗ್ರಾಳ ಪುರಂದರ ರೈ). ತುಳು ಬಾಸೆದ ನಿಘಂಟುಲು (ಡಾ| ಯು. ಪಿ. ಉಪಾಧ್ಯಾಯ), ತುಳು ಪತ್ರಿಕೋದ್ಯಮ (ಯನ್. ಪದ್ಮನಾಭ ಭಟ್ ಎಕ್ಕಾರ್), ಕಂಬುಳ ಬೊಕ್ಕ ಕೋರಿದ ಕಟ್ಟ (ಅಭಯ್ ಕಾತ್ರಾಡಿ), ತುಳುನಾಡ್ದ ಜನಾಂಗೊಲೆ ಅಧ್ಯಯನ (ವಾಮನ ನಂದಾವರ), ನಾಡ್ದ ಪಂಡಿತೆರ್ ಬೊಕ್ಕ ತುಳು ಬಾಸೆ, ಸಂಸ್ಕೃತಿ ಅಧ್ಯಯನ (ಕನರಾಡಿ ವಾದಿರಾಜ ಭಟ್ಟ), 'ತುಳುವೆರೆ ಅಟಿಲ್ದ ತಿರ್ಲ್ವೊರ್ಲು' (ಗೀತಾ ಕೆ.), ತುಳುತ್ತ ಕಿಞ್ಞ ಕತೆಕ್ಲು (ಮುದ್ದು ಮೂಡುಬೆಳ್ಳೆ), ತುಳುಕಾವ್ಯ (ಮುರಳೀಧರ ಉಪಾಧ್ಯ ಹಿರಿಯಡಕ), ತುಳು ನಾಟಕೊಲು (ಐ. ಕೆ. ಬೊಳುವಾರ್), 'ವಸಾಹತು ಚರಿತ್ರೆದ ನೆಯ್ಗೆ-ತುಳು ಕಾದಂಬರಿ' (ಡಾ| ಶಿವರಾಮ ಪಡಿಕ್ಕಲ್), 'ತುಳುತ ಬೆನ್ನಿ ಓಲು? ಏಪ? ಎಂಚ?'(ಬಿ. ಶಿವರಾಮ ಶೆಟ್ಟಿ).
ಅಖಿಲಭಾರತ ತುಳು ಒಕ್ಕೂಟದಗುಲು ನಡಪಾಯಿನ ವಿಶ್ವತುಳುಸಮ್ಮೇಳನ ಕುಡ್ಲಡ್ (1994 ಎಪ್ರಿಲ್ 22, 23, 24) ಕ್ಷೇತ್ರ ಧರ್ಮಸ್ಥಳತ್ತ ಧಮರ್ಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಡೆರೆನ ಅಧ್ಯಕ್ಷತೆಟ್ ಪೊಲರ್ಾಂಡ್. ಈ ಸಮ್ಮೇಳನೊತ್ತ ನೆಂಪುದ ಸಂಚಿಕೆ - 'ಕದಿಕೆ'. ತಾಳವ ಸಂಸ್ಕೃತಿದ ಬೇತೆಬೇತೆ ಮೋನೆಲೆನ್ ತೋಜವುನ ಎಡ್ಡೆಡ್ಡೆ ಲೇಖನೊಳು 'ಕದಿಕೆ'ಡ್ ಉಲ್ಲ. 'ತುಳುನಾಡಿನ ಪ್ರಾಚೀನತೆ' (ಡಾ|. ಬಿ. ವಸಂತ ಶೆಟ್ಟಿ), 'ತುಳು ಲಿಪಿ' (ಎಸ್. ಆರ್. ವಿಘ್ನರಾಜ), 'ತುಳುನಾಡ್ದದ ಧಾಮರ್ಿಕ ಪರಂಪರೆ' (ಎಂ. ಪ್ರಭಾಕರ ಜೋಶಿ), 'ತುಳುನಾಡ್ದ್ ಧಾಮರ್ಿಕ ರಂಗೊದ ನಮನೊಲು' (ಅಮೃತ ಸೋಮೇಶ್ವರ), 'ತುಳು ನಾಡ್ದ ಪಬರ್ೊಲು' (ವಾಮನ ನಂದಾವರ), ತುಳುನಾಡಿನ ದೇವಾಲಯಗಳ ವಾಸ್ತುಶಿಲ್ಪ (ವಿಜಯನಾಥ ಶೆಣೈ), 'ತುಳು ನಾಡ್ದ ಪುಲಮದರ್್ - ಅಜ್ಜಿಮದರ್್' (ಡಾ| ಎಸ್. ಎನ್. ಅಮೃತ ಮಲ್ಲ), ಟ್ಯೂಬಿಂಗ್ನಡ್ ಜುಮಾದಿ ಮಲರಾಯ - ಬಲರ್ಿನ್ಡ್ ಭೂತಾಳ ಪಾಂಡೊ (ಡಾ| ಬಿ. ಎ. ವಿವೇಕ ರೈ), 'ನಮ್ಮ ನಂಬಿಕೆಲೆನ ವಿಶ್ವರೂಪ' (ಪ್ರೊ| ಸುನೀತಾ ಶೆಟ್ಟಿ), 'ಜಾನಪದ ಬೊಕ್ಕ ತುಳುನಾಡ್ದ ಸತ್ಯ ಜಾನಪದ' (ಬಿ. ಶಿವರಾಮ ಶೆಟ್ಟಿ), 'ತುಳುನಾಡ್ದ ಪ್ರಾಣಿ ಜಾನಪದೊ' (ಅಶೋಕ್ ಆಳ್ವ), ತುಳು ಜಾನಪದ ಬೇಲೆದ ಪೊಸ ಸಾದಿಲು (ಡಾ| ಕೆ ಚಿನ್ನಪ್ಪ ಗೌಡ), ತುಳುನಾಡ್ದ ಪ್ರೇಕ್ಷಣೀಯ ಜಾಗೊಲು (ಗಣನಾಥ ಶೆಟ್ಟಿ ಎಕ್ಕಾರ್), ದ. ಕ. ಜಿಲ್ಲೆದ ದಲಿತೆರೆನ ಜೀವನ ವಿಧಾನ (ಪಿ. ಕಮಲಾಕ್ಷ), 'ತುಳು ಪೊಂಜೊವುಲೆನ ಬೆಂಗ್, ಬೇನೆ, ಬೇಸರ್' (ಡಾ| ಸುಶೀಲಾ ಉಪಾಧ್ಯಾಯ), ತುಳು ರಂಗಭೂಮಿದ ಸಮಸ್ಯೆಲು (ಯು. ಆರ್. ಚಂದರ್), ತುಳು ಸಿನೆಮ ನಡತ್ತ್ ಬತ್ತಿ ಸಾದಿ (ಲೋಕೇಶ ಕಾಯರ್ಗ), ತುಳುನಾಡ್ದ ಆಥರ್ಿಕ ಪ್ರಗತಿಡ್ ಬ್ಯಾಂಕ್ದ ಪಾತ್ರ (ಡಾ| ನವೀನ ಚಂದ್ರ ತಿಂಗಳಾಯ).
ಉಡುಪಿ ತುಳುಕೂಟೊದ ಪತ್ತನೇ ವಷರ್ೊದ ಪರ್ಬದ ನೆಂಪು ನಂಬಿಕೆ 'ಪತ್ರಾಯೆ' (1995) ಈ ಬೂಕುದ ಸುರತ್ತ ಅದೆಟ್ಟ್ ಏರ್ಯ ಲಕ್ಷ್ಮೀನಾರಾಯಣ ಆಳ್ವ (ತುಳುತ್ತ ಪೊಲರ್ುತಿಲರ್್) ಡಾ| ಯು. ಪಿ. ಉಪಾಧ್ಯಾಯ (ತುಳುನಾಡ್ದ ಧಾಮರ್ಿಕ ಜೀವನ), ಎ. ಬಾಲಕೃಷ್ಣ ಶೆಟ್ಟಿ ಪೊಳಲಿ (ತುಳು ಚಳವಳ), ಕುದ್ಕಾಡಿ ವಿಶ್ವನಾಥ ರೈ (ತುಳುವೆರೆನ ತೆಲಿಕೆ-ನಲಿಕೆ, ಬರವು ನರವು), ನಾಗೇಂದ್ರ ರಾವ್ (ಗ್ರಾಮ ಪದ್ಧತಿ) ಮೊಗಲೆನ ಲೇಖನೊಲು ಉಲ್ಲ. 'ಬರವು ನರವು' ಪುದರ್ದ ರಡ್ಡನೇ ಅದೆಟ್ ಪ್ರಾಕ್ದ ಮಾಜಿ ತುಳು ಗ್ರಂಥೊಲೆನ್ ವೆಂಕಟರಾಜ ಪುಣಿಂಚತ್ತಾಯೆರ್, 'ಕಾವೇರಿ'ನ್ ಪದ್ಮನಾಭ ಕೇಕುಣ್ಣಯೆರ್, 'ಶ್ರೀಭಾಗವತೊ'ನು ಪಾದೆಕಲ್ಲ್ ವಿಷ್ಣುಭಟ್ಟ, 'ಕಾನಿಗೆ'ನ ನಿಟ್ಟೂರು ಸಂಜನ ಭಂಡಾರಿ, ಮಂದಾರ ರಾಮಾಯಣದ ಅಪ್ಪಣ್ಣ ಗುರಿಕಾರ್ರೆನ್ ಡಾ| ಶ್ರೀರಮಣಾಚಾಯರ್ೆರ್, ತುಳು ಬರಹೊನು ಜಿ. ಆರ್. ರೈಕುಲು ಪರಿಚಯ ಮಲ್ತ್ದೆರ್.
'ಪತ್ತಾಯೊ'ದ 'ಬದ್ಕ್ ಬಂಗಾರೊ' ಪುದರ್ದ ಮೂಜಿನೇ ಅದೆಟ್ 'ತುಳುವೆರೆನ ಇಲ್ಲ್ ಬಾಕಿಲ್ ದುತ್ತೈತ' (ಡಾ| ಸುಶೀಲಾ ಉಪಾಧ್ಯಾಯ), 'ತುಳುವೆರ್ ಬೊಕ್ಕ ಸಂಪ್ರದಾಯ' (ಆತ್ರಾಡಿ ಅಮೃತಾ ಶೆಟ್ಟಿ) - ಈ ಲೇಖನೊಲು ಉಲ್ಲ. 'ಕಟಕಟ್ಲೆ' ಇಪ್ಪುನ ನಾಲನೇ ಅದೆಟ್ 'ಕೆಡ್ಡಸ' (ಅಮೃತ ಸೋಮೇಶ್ವರ) 'ಬಡಕಾಯಿ ಪರ್ಬ' (ಕ್ಯಾಥರೀನ್ ರಾಡ್ರಿಗಸ್) 'ಗರೋಡಿ-ಬೆಮರ್ೆರ್' (ಗಂಗಾಧರ ಕಿದಿಯೂರು), ದೈವಾವೇಶ (ಅರುಣ್ಕುಮಾರ್ ಎಸ್. ಆರ್.), ಕೇವು ಕಜಿಂಬು (ಅಶೋಕ ಆಳ್ವ) 'ಬಸರೂರಿನ ತುಳುವೇಶ್ವರ ದೇವಾಲಯ' (ಸುಧಾ ಹರಿದಾಸ್ ರಾವ್) ನೆತ್ತ ಮಾತ ವಿಷಯ ಬುಡ್ಪಾದ್ ಪಣ್ತೆರ್. 'ಆಟ-ನಾಟಕ-ವಿಚಾರ' ಪುದರ್ದ ಐನನೇ ಅದೆಟ್ ತುಳುನಾಡ್ದ ನಲಿಕೆಲು (ಡಿ. ಯದುಪತಿ ಗೌಡ), ತುಳು ಯಕ್ಷಗಾನ (ನಾರಾಯಣ ಶೆಟ್ಟಿ ಕಿನ್ನಿಗೋಳಿ ಬೊಕ್ಕ ಅನಂತರಾಮ ಬಂಗಾಡಿ), ದ. ಕ. ವೃತ್ತಿರಂಗಭೂಮಿದ ನಾಧನೆಲು (ವಿಠಲ ಕಬಳ) ಈ ಸಂಗತಿಲೆನ ಪರಿಚಯ ಉಂಡು.
ತುಳುಕೂಟ ಬೆಂಗಳೂರ್ದ ಬೊಲ್ಲಿಪರ್ಬೊದ ನೆಂಪುನಂಚಿಕೆ - 'ಬೊಲ್ಲಿ' (2000) 'ತುಳುನಾಡ್ದ ಪೆರ್ಮೆದ ರಾಣಿ ಅಬ್ಬಕ್ಕ' (ತುಕಾರಾಮ ಪೂಜಾರಿ), ಬೊಂಬಾಯಿಡ್ ತುಳುತ್ತ ಬುಳೆಬ್ಬಿಲ್ (ಡಾ| ಸುನೀತಾ ಶೆಟ್ಟಿ), ತುಳು ಪತ್ರಿಕೆಲು ಕೋಡೆ-ಇನಿ-ಎಲ್ಲೆ (ಪಿ. ಎಸ್. ರಾವ್), ಸಮನ್ವಯ ಸಾಮರಸ್ಯ ತುಳುನಾಡ್ದ ಇತಿಹಾಸ ಭವಿಷ್ಯ (ಆನಂದಕೃಷ್ಣ) 'ತುಳುನಾಡ್ದ ಪಡ್ದೆಯಿ' (ಕೆ. ಉಷಾ ಪಿ. ರೈ) ನರ್ತನ ಬೊಕ್ಕ ನಟನಾ ಜಗತ್ಡ್ ತುಳುವೆರ್ (ಕುದ್ಕಾಡಿ ವಿಶ್ವನಾಥ ರೈ) ಪರವೂರುಡು ತುಳು (ಡಾ| ಸಂಜೀವ ಶೆಟ್ಟಿ, ಮಉಂಬಯಿ), ತುಳು ಯಕ್ಷಗಾನ (ಡಾ| ಪ್ರಭಾಕರ ಜೋಷಿ), ತುಳುನಾಟಕ ಕೇನ್ದಿನ, ತೂತಿನ (ಕ್ಯಾಥರೀನ್ ರೊಡ್ರಿಗಸ್) ಇಂಚಿನ ಎಡ್ಡೆ ಲೇಖನೊಲು 'ಬೊಲ್ಲಿ'ಡ್ ತಿಕ್ಕುವ.
ಡೆಲ್ಲಿದ ತುಳುನಾಡ್ ಡೆವಲೆಪ್ಮೆಂಟ್ ಫೋರಂ ನಡಪಾಯಿನ ತುಳುವೆರೆನ ಸೇರ್ಗೆದ ನೆಂಪು ಸಂಚಿಕೆ - 'ದಿಲ್ಲಿಡ್ ತುಳು ಬೊಲ್ಪು' (2003). ನೆಟ್ಟ ದೆರ್ತ್ ತೋಜುನ ಲೇಖನ - ಡಾ| ವಾಮನ ನಂದಾವರದಾರೆನ ವೈ -ತುಳು ಲಾಂಗ್ವೆಜ್ ಡಿಸರ್ವ್ಸ್ ಪ್ರಾಪರ್ ರೆಕೊಗ್ನಿಷನ್ - ಸದಾನಂದ ಸುವಣರ್ೆರೆನ 'ತುಳು ರಂಗಭೂಮಿ', ಎಂ. ಜಾನಕಿ ಬ್ರಹ್ಮಾವರದಾರೆನ 'ತುಳು ಗದ್ಯ' ನಿನೆವುಡು ಒರಿಪುನ ಲೇಖನೊಲು.
ಕನರ್ಾಟಕ ತುಳು ಸಾಹಿತ್ಯ ಅಕಾಡೆಮಿದ ದಶಮಾನೋತ್ಸವದ ನೆಂಪು ಸಂಚಿಕೆ - 'ಸಾಹಿತ್ಯಸಿರಿ' (2004). ನೆಟ್ಟಪ್ಪುನ ಕತೆ, ಕವಿತೆ, ಲೇಖನೊಲೆನ ಪೈಕಿ ರಡ್ಡೆತ ಪುದರ್ ಮೂಲು ಉಲ್ಲೇಖ ಮಲ್ಪುವೆ - 'ತುಳು ಹರಿಶ್ಚಂದ್ರ ಕಾಪೋ' (ಡಾ| ಸುನೀತಾ ಎಂ. ಶೆಟ್ಟಿ) 'ಐರಾವತೊದೊಟ್ಟಿಗೆ ಒಂಜಿ ಸುತ್ತು' (ಡಾ| ಕಮಲಾಕ್ಷ ಕೆ.)
'ನಿಶಾನಿ' (2007) ಬದಿಯಡ್ಕೊಡ ನಡತ್ತಿನ ತುಳು ಆಯನದೊ ನೆಂಪುತ್ತಗೊ. 'ಕುಂಡುಗರೆ ಬೂತೊದ ಪಿನ್ಪಿರೊ' (ಕೇಶವ ಶಬ್ರಿ ಕೆ. ಆದೂರು), 'ಅಮರ್ ಬೀರೆರ್ ಪಿನ್ಪಿರೊ' (ಎಂ. ಕೆ. ಕುಕ್ಕಾಜೆ) - ಮೂಲು ದಾಖಲಾತ್ಂಡ್. 'ನಿಶಾನಿ'ಡ್ ಪತ್ತ್ ಲೇಖನ, ಪದಿನೇಳ್ ಕಬಿತೆ, ರಡ್ಡ್ ಕತೆ ಉಂಡು. ವೆಂಕಟರಾಜ ಪುಣಿಂಚಿತ್ತಾಯೆರ್ 'ತುಳು ಭಾಗವತದಲ್ಲಿ ವರ್ಣನೆ ಮತ್ತು ನಿರೂಪಣೆ', ಅಮ್ತ ಸೋಮೇಶ್ವರದಾರೆನ 'ತುಳುನಾಡಿನ ಸಾಂಸ್ಕೃತಿಕ ಚಹರೆ ಮತ್ತು ಕೆಲವು ಟಿಪ್ಪಣಿಗಳು', ಡಾ| ವಾಮನ ನಂದಾವರದಾರೆನ 'ತುಳು ಬಾಸೆದ ಬುಳೆಬ್ಬಿಲ್' ಮದಪ್ಪಂದೆ ಓದೊಡಾಯಿನ ಲೇಖನೊಲು.
'ಅರ್ದಲ' (2009) ಬದಿಯಡ್ಕದ ತುಳುವೆರೆ ಅಯನ ಕೂಡದೊ ನೆಂಪುದ ಬೂಕು. ಈ ಬೂಕುಡು ತುಳು ಲಿಪಿಟ್ಟೇ ಅಚ್ಚಾತಿನ ರೆಡ್ಡ ಮೂಜಿ ಲೇಖನ ಉಂಡು. 'ಎಣ್ಣೂರ ಗುತ್ತದ ದಾರಾಮು ಪೊಣ್ಣೋವು' 'ದೆಯೊಕ್ಕು ಮಗಳೆ ಪಾಡ್ದನ' ಮೂಲು ಅಚ್ಚ್ಗ್ ಬೈದ. ಡಾ| ವೆಂಕಟರಾಜ ಪುಣಿಂಚಿತ್ತಾಯರೆನ 'ಐನೂದು ವಸರ್ೊಗು ದುಂಬುತ ತುಳು ಕಾವ್ಯ ಪರಂಪರೆ', ಕೇಶವ ಶೆಟ್ಟಿ ಕೆ. ಆದೂರುದಾರೆನ 'ಕಾಸರಗೂಡು ಜಿಲ್ಲೆಯ ತುಳು ಜನಾಂಗಗಳು' 'ಅರ್ದಲ'ಡಿಪ್ಪುನ ಮದೆಪ್ಪೆರಾವಂದಿನ ಲೇಖನೊಲು.
ಈ ಲೇಖನ ಪುಟಮಿತಿಡ್ಡಾವರ 'ಪಟ್ಟಿ' ಆಪಿನಿ ಅತ್ತಂದೆ ಬೇತೆ ತಾದಿ ತೋಜುಜ್ಜಿ. ಆಂಡ ಪಟ್ಟಿಡ್ ಇಪ್ಪುನ ಲೇಖನೊಳೆನ್  ನಾಡ್ದ್ ಉಂಡು ಬಂಗಾರ್ದ ಪದ್ದೆಯಿ ಪಟ್ಟೀಂದ್ ಗೊತ್ತಾವುಂಡು.
ಪಡ್ದಾಯಿದ, ಯುರೋಪ್ದ ಯಿದ್ದಿಶ್  ತುಳುತ್ತ ಲಕ್ಕನೇ ಒಂತೆ ಲಕ್ಷ ಜನ ಪಾತೆರ್ಪಿನ ಬಾಸೆ. ಆ ಬಾಸೆದ ಸಾಹಿತಿ ಐಸಾಕ್ ಬಾಷೆವಿಸ್ ಸಿಂಗರ್ ಮೇರ್ಗೆ 1978ನೆ ಇಸ್ವಿಡ್ ನೋಬೆಲ್ ಪ್ರಶಸ್ತಿ ಕೊರಿಯೆರ್. ನೋಬೆಲ್ ಪ್ರಶಸ್ತಿ ಗೆತೊಂಡ್ ಮಲ್ತಿನ ಬಾಸಣೊಡು ಸಿಂಗರ್ ಯದ್ದಿಶ್ ಬಾಸೆದ ಬಗ್ಗೆ ಪಣ್ತಿನ ಪಾತೆರ ಎಂಕಲ್ನ ತುಳು ಬಾಸೆ ಸಾಹಿತ್ಯೊಗುಲಾ ಸರಿಯಾದ್ ಕೂಡ್ದು ಬರ್ಪುಂಡು-ನನಗೆ ಯಿದ್ದಿಶ್ ಭಾಷೆ ಹಾಗೂ ಅದನ್ನು ಮಾತನಾಡುವ ಜನತೆ ಬೇರೆಬೇರೆಯಲ್ಲವೆನಿಸಿದೆ. ಯಿದ್ದಿಶ್ ಭಾಷೆಯಲ್ಲಿನ ಬನಿ, ಜೀವನೋತ್ಸಾಹ, ಸಹನೆ ಅಲ್ಲಿನ ಜನರ ಬದುಕಿನಿಂದ ಬಂದದ್ದು. ಈ ಭಾಷೆ ಪ್ರಕಟಿಸುವ ಮಾನವನ ಬಗೆಗಿನ ಗೌರವ-ಘನತೆಯೂ ಆ ಬದುಕಿನ ಫಲವೇ ಆಗಿದೆ. ಯಿದ್ದಿಶ್ನಲ್ಲಿ ಆರೋಗ್ಯಕರ ವಿನೋದವಿದೆ. ದಿನನಿತ್ಯದ ಬದುಕಿನ ಬಗ್ಗೆ ಅಪಾರ ಗೌರವವಿದೆ. ಪ್ರೀತಿ ಸಹನೆಗಳನ್ನು ಅದು ಒಪ್ಪಿ ಆಲಂಗಿಸಿಕೊಳ್ಳುತ್ತದೆ. ಯಿದ್ದಿಶ್ ಮನೋಭಾವ ತೀರ ಒರಟಾದುದಲ್ಲ. ಯಶಸ್ಸನ್ನೂ ಅದು ಕೊಡುಗೆಯಾಗಿ ಪಡೆಯಲು ಸಿದ್ಧವಿಲ್ಲ. ಸಾಧನೆಯ ಮೂಲಕ ಗಳಿಸಿಕೊಳ್ಳಲು ಹಂಬಲಿಸುತ್ತದೆ. ಅದು ಯಾವುದನ್ನೂ ತನ್ನ ಹಕ್ಕೆಂದು ಪಡೆಯದೆ ಗೊಂದಲಗಳ ನಡುವೆ ಮೂಡುವ, ವಿನಾಶದ ಮಧ್ಯೆ ಅರಳುವ ಸೃಷ್ಟಿ ಶಕ್ತಿಯ ಬಗ್ಗೆ ಗಾಢ ವಿಶ್ವಾಸ ಹೊಂದಿದೆ ...... ಯಿದ್ದಿಶ್ ಇನ್ನೂ ಸತ್ತಿಲ್ಲ, ಜಗತ್ತು ಕಾಣದ ಅದ್ಭುತ ಸಂಪತ್ತು ಅದರಲ್ಲಿದೆ.

ಸ್ಮರಣಸಂಚಿಕೆಲು

1. 'ಪೊಲರ್ು' - 1983. (ತುಳು ಸಾಹಿತ್ಯ ಸಮ್ಮೇಳನ, ಬೆಂಗಳೂರು - 1983)
ಸಂಪಾದಕ ಮಂಡಳಿ - ವಿಶುಕುಮಾರ್, ಈಶ್ವರ ಭಟ್ ದೈತೋಟ ಮತ್ತಿತರರು.
ಪ್ರಕಾಶಕರು - ತುಳುಕೂಟ, ಬೆಂಗಳೂರು.
2. 'ಮದಿಪು' - 1984. ಕುಡ್ಲ ತುಳು ಕೂಟದ ಮೂಜಿನೇ ಸಮ್ಮೇಳನ.
ಮುಖ್ಯಸಂಪಾದಕರು - ಡಾ| ಬಿ. ಎ. ವಿವೇಕ ರೈ.
3. 'ಪನಿಯಾರ - 1989. ಅಖಿಲಭಾರತ ತುಳು ಸಮ್ಮೇಳನ, ಮೂಲ್ಕಿ.
ಸಂಪಾದಕೆ - ಕೆ. ಚಿನ್ನಪ್ಪಗೌಡ.
ಪ್ರಕಾಶಕರು - ತುಳುಕೂಟ (ರಿ), ಮಂಗಳೂರು.
4. 'ಕದಿಕೆ' - 1994. ವಿಶ್ವತುಳು ಸಮ್ಮೇಳನ, ಮಂಗಳೂರು.
ಸಂಪಾದಕಿ - ಕೆ. ಲೀಲಾವತಿ.
ಪ್ರಕಾಶಕರು - ಅಖಿಲಭಾರತ ತುಳು ಒಕ್ಕೂಟ (ರಿ), ಮಂಗಳೂರು.
5. 'ಪತ್ತಾಯೊ' - 1995. ಉಡುಪಿ ತುಳುಕೂಟದ ಪತ್ತನೇ ವರ್ಸದ ಪರ್ಬ.
ಪ್ರಧಾನಸಂಪಾದಕೆರ್ - ಡಾ| ಯು. ಪಿ. ಉಪಾಧ್ಯಾಯ.
ಪ್ರಕಾಶಕರು - ತುಳುಕೂಟ, ಉಡುಪಿ.
6. 'ಬೊಲ್ಲಿ' - 2000. ಬೆಂಗಳೂರು ತುಳುಕೂಟದೊ ಬೊಲ್ಲಿ ಪರ್ಬ.
ಮುಖ್ಯ ಸಂಪಾದಕಿ - ಕೆ. ಪಿ. ರೈ.
ಪ್ರಕಾಶಕರು - ತುಳು ಕೂಟ, ಬೆಂಗಳೂರು.
7. 'ಡಿಲ್ಲಿಡ್ ತುಳು ಬೊಲ್ಪು' - 2003.
ಸಂಪಾದಕರು - ಸ್ಮರಣಸಂಚಿಕೆ ಸಮಿತಿ.
ತುಳುನಾಡು ಡೆವೆಲಪ್ಮೆಂಟ್ ಫೋರಂ, ನವದೆಹಲಿ.
8. 'ಸಾಹಿತ್ಯಸಿರಿ' - 2004. ದಶಮಾನೋತ್ಸವ ನೆಂಪು ಸಂಚಿಕೆ.
ಪ್ರಧಾನ ಸಂಪಾದಕೆರ್ - ಡಾ| ವಾಮನ ನಂದಾವರ.
ಪ್ರಕಾಶಕರು - ಕನರ್ಾಟಕ ತುಳು ಸಾಹಿತ್ಯ ಅಕಾಡೆಮಿ, ಮಂಗಳೂರು.
9. 'ನಿಶಾನಿ' - 2007. ತುಳುವೆರೆ ಆಯನೊ ನೆಂಪುತ್ತಗೊ
ಸಂಪಾದಕೆರ್ - ಡಾ| ಕೆ. ಕಮಲಾಕ್ಷ ಮಧುರಕಾನನ ಗೋಪಾಲಕೃಷ್ಣ ಭಟ್, ಕೇಶವ ಶೆಟ್ಟಿ ಕೆ. ಆದೂರು.
ಪ್ರಕಾಶಕರು - ತುಳುವೆರೆ ಆಯನೊ ಸಮಿತಿ, ಬದಿಯಡ್ಕ, ಪೆರಪಾಲ - 671551. (ಕಾಸರಗೋಡು ಜಿಲ್ಲೆ)
10. 'ಅರ್ದಲ' - 2009. ತುಳುವೆರೆ ಆಯನೊ - ನೆಂಪುದ ಬೂಕು.
ಸಂಪಾದಕೆರ್ - ರಾಧಾಕೃಷ್ಣ ಕೆ. ಉಳಿಯತ್ತಡ್ಕ.
ಪ್ರಕಾಶಕರು - ತುಳುವೆರೆ ಆಯನ ಕೂಟ, ಬದಿಯಡ್ಕ, ಪೆರಡಾಲ - 671551.

Read Post | comments

ಎಣೆಲ್ ಪೊಸ ಕುರಲ್ ಇಲ್ಲ್ ದಿಂಜಾದ್ ಪೊಸರಿ ಪುದ್ದರಾನಗ

ಕೆ. ಮಹೇಂದ್ರನಾಥ್ ಸಾಲೆತ್ತೂರು 

ತುಳುನಾಡ ಆಚರಣೆಲೆನ ಪಿರವು ಒಂಜಿ ನಂಬೊಳಿಗೆ ಇತ್ತ್‍ಂಡ್. ನಂಬೊಳಿಗೆಗ್ ಆರಾಧನೆದ ಬಿಲೆಲ ಇಪ್ಪೆದ್‍ಂಡ್. ತುಳುವೆರೆಗ್ ಅರಿಬಾರೇ ಪೆÇಲಿಪೊಲ್ಸು. ಅರಿಬಾರೇ ಅಕ್ಲೆಗ್ ಲಚಿಮಿ. ಬುಳೆಬಾಗ್ಯೊನು ಪಕ್ಕಿ ಪಾಂತೆಲ್‍ನ್ ಗಿಡೆತ್‍ದ್, ಪತ್ತ್ ತಿಂದ್‍ನ ನಾಗನ್ ಕಂಡ ಪುಣಿತ ಬರಿಟ್ ನಂಬ್ಯೆರ್. ನಾಗಗ್ ಲತ್ತ್‍ಬಾರ್ ಮಾಂಟೆಗ್ ತಿನ್ರೆ ಕೊರಿಯೆರ್. ಬುಳೆಬಾಗ್ಯೊನು ರಚ್ಚನೆ ಮಲ್ದಿನ ನಾಗನ್ ಬನೊಟು ನಂಬ್ಯೆರ್. ಕಲ್ಲ್ ತಾಪನೆ ಮಲ್ತ್ ನಂಬ್ಯೆರ್ ವಿನಃ ಇನಿತಲೆಕ ಪ್ರತಿಷ್ಟೆಂದ್ ಮಲ್ದ್‍ಜೆರ್ ನಾಗನ್ ದೈವ, ಬೂತ ಆದ್ ತೂಯೆರೇ ವಿನಃ ಇನಿತಲೆಕ ದೇವೆರಾದ್ ತೂತ್‍ಜೆರ್. ಅಂಚನೆ ಬುಳೆಕ್ಲೆನ್ ನಾಶ ಮಲ್ತೊಂತಿ ಪಂಜಿದ ಕುರ್ಲೆಲೆನ್ ಪಂಜುರ್ಲಿ ದೈವ ಆದ್ ಮಾನಿತೊಂಡೆರ್. ನೇಮ ಕೋಲದಪಗ ಪಂಜುರ್ಲಿಗ್ ತಡ್ಪೆಡ್ ಬಾರ್, ಪೆÇರಿ ಪತ್ಯೆರ್. ಪಕ್ಕಿಲೆರ್ದ್ ಬಾರ್ ನಾಶ ಆವೆರೆ ಬಲ್ಲಿಂದ್ ಪುದೊಕ್ಲೆನ್ ಪುದಕ್ಲ್ಲಾಯ ದೈವ ಆದ್ ಪೂಕರೆದಪಗ ನೇರ್ಪು ಮಲ್ತೊಂಡೆರ್. ಕಾಡೆದಿನ್, ಅಂಗಡಿಜುಮಾದಿನ್, ಕುಲೆಕ್ಲೆ ಪೊಂಜೊವುನು, ಉರವನ್ ಇಂಚ ಬೆನ್ನಿ ಸಾಗೊಳಿಗ್ ಸಕಾಯ ಆಯಿನ ದೈವೊಲೆನ್ ನೆನವರಿಕೆ ಮಲ್ಪುನ ಒಟ್ಟೊಟ್ಟುಗು ಕೆಲವೊಂಜಿ ದೈವೊಲೆಗ್ ಪುದ್ದಾರ್ ಮೆಚ್ಚಿ, ಮಧುಪುದ್ದಾರ್ಲ ಕೊರ್ದು ನಂಬೊಂದು ಬತ್ತೆರ್. ಅರಿ ನಮಕ್ ಏತ್ ಪ್ರಧಾನ ಪಂಡ ಸಂತಾನದ ಆಣ ಸಗ್ತಿನ್ ಜೂವೊದರಿಯಾದ್ ತೂಯಿನಕುಲು, ಜೂವದಲ್ಲೆಯಾದ್ ತೂಯಿನಕುಲು ತುಳುವೆರ್. ಅರಿತ ದುನ್ನ ಏತ್ ಪಂಡ ನಮ ಅರಿತಾರಾಯಿ ಪನ್ಪ, ಅರಿ ಬಾರ್ ಪನ್ಪ. ಆಂಡ ಅರಿಡ್ದ್ ದುಂಬು ಕುಡುತ ಬುಳೆ ತುಳುನಾಡ್‍ಡ್ ಇತ್ತ್‍ನೆರ್ದಾತ್ರ ಕುಡು ಅರಿ ಪನ್ಪ. ಈ ಕುಡು ಅರಿನ್ `ನನ್ನೆರಿ'ಂದ್ ಕೆಡ್ಡಸದಪಗ ಬೂಮ್ಯಪ್ಪೆಗ್ ಅರ್ಪಣೆ ಮಲ್ಪುವ. ಜಗತ್ತ್‍ದ ವಾ ಜಾಗೆನ್ಲಾ ವಾ ನರಮಾನಿಲಾ ಉಂಡುಮಲ್ಪಂದೆ ಉಪ್ಪುನಗ ನಮ್ಮ ತುಳುನಾಡ್‍ನ್ ಪರಶುರಾಮೆ ಕುಡರಿ ದಕ್ಕ್‍ದ್ ಉಂಡು ಮಲ್ತೆ ಪಂಡ ಏರಾ ಪಂಡಿ ಪಾತೆರೊಗು ತುಳುವೆರ್ ತರೆ ಆಡಾದ್ ಕುಡು ಅರಿನ್ ಮದತೆರ್. ಕುಡರಿರಾಮನ್ ನೆನೆತೆರ್. ಒಂಜಿ ಕಜವುನೇ ಕಡಲ್ ದೀವೊನುಜಿ ಉಡಲ್ಡ್. ಬೊಕ್ಕ ನೆತ್ತೆರ್ ಕಲೆತ ಕುಡರಿನ್ ಕಡಲ್ ಒರಿತೊನೆರೆ ಸಾಧ್ಯನೇ?. ಕುಡು ಬಿತ್ತ್‍ದ್ ಕಾಡ ಎರ್ಲೆನ್ ಮಾದಾದ್ ದತ್ತ್‍ದ್, ಬಂಜಿ ಬಂಜಾರ ಅವೆಕ್ ಕುಡು ಕೊರ್ದು ಕಾಲಾನುಭಾಗೊಡು ಕಂಡ ಸಾಗೊಳಿ ಸುರುಮಲ್ತ್‍ದ್ ಅರಿಬಾರ್‍ನ್ ತುಳುವೆರ್ ನಾಡ್‍ಪತ್ಯೆರ್. ನಮಕ್ ನುಪ್ಪು ಕೊರ್ಯೆರೆ ಸಕಾಯಮಲ್ದಿನ ಎರ್ಲೆನ್ ಮೈಸಂದಾಯ ದೈವ ಆದ್ ಮಾನಿತೊಂದು ಸುರುತ ನೇಮ ಕೋಲ ಕೊರ್ದು ಮೈಸಂದಾಯಗ್ ಕುಡುತ ಆವಾರ ಕೊರ್ಯೆರ್. ತುಳು ಧರ್ಮೊಡು ಕುಡರಿಡ್ ಕಡ್ಪುನ ಬದಲ್ ಬುಳೆಬಾಗ್ಯೊನು ಒರಿಪುನವೇ ತುಳುವೆರೆ ಧರ್ಮ ಆದಿತ್ತ್‍ಂಡ್. 

ಕುರಲ ಪರ್ಬ, ಇಲ್ಲ್ ದಿಂಜಾವುನಿ:

ತುಳುವೆರೆಗ್ ಬೆನ್ನಿಬೆನ್ಕೆದ ಬೇನೆ ಬೆಸರ್ಪುನು ಮದಪಾವುನ ದಿನ ಇಲ್ಲ್ ದಿಂಜಾವುನ ದಿನ, ಕುರಲ ಪರ್ಬಂದ್ ಪಂಡಲ ತಪ್ಪಾವಂದ್, ಅವ್ವಕ್ಲೆಗ್ ಪೊಸ ಕುರಲ್ ಇಲ್ಲಗ್ ಕನತ್‍ದ್ ಪರ್ಬದ ಅಟ್ಟಣೆ ಮಲ್ಪುನ ಗೌಜಿದ ದಿನಲ ಅಂದ್. ಪರ್ಬ ಪಂಡ ಉಂದು ತುಡರ ಪರ್ಬ ಅತ್ತ್. ಧಾನ್ಯಲಚಿಮಿನ್ ಇಲ್ಲದುಲಯಿ ಕನಪುನ ದಿನಂದ್ ಪನೊಲಿ. ಎಣೆಲ್ ಬುಳೆ ತುಳುವೆರೆ ಸುರುತ ಬುಳೆ ಆದಿತ್ತ್‍ದ್ ಎಣೆಲ್ ಬುಳೆತ ಕುರಲ್‍ಡೇ ಇಲ್ಲ್ ದಿಂಜಾವುನ ಕಿರಮ ತುಳುನಾಡ್‍ಡುಂಡು. ನಿರ್ನಾಲ ತಿಂಗೊಲ್ದ ಸಿಂಗೊಡೆದಾನಿಯಾ, ನಿರ್ನಾಲದ ಸುರುತ ಸುಕ್ರಾರದಾನಿಯಾ ಇಲ್ಲ್ ದಿಂಜವೊಂತೆರ್. ಇಲ್ಲ್ ದಿಂಜಾವಂದೆ, ಕುರಲ್ ಇಲ್ಲ್‍ಗ್ ಕಟ್ಟಂದೆ ಪೊಸರಿ ಪುದ್ದರ್ ಮಲ್ಪುಲೆಕ ಇಜ್ಜಿ. ಕುರಲ್‍ನ್ ಬೊಲ್ಪುಗು ಕಟ್ಟ್‍ದ್ ಮದ್ದೆನ ಕೆಲವು ತಿಕ್‍ಡ್ ತೊಲ್ಲು ಪುದ್ದಾರ್‍ತ್, ಕೆಲವು ಕೋಡಿಡ್ ಪುದ್ದಾರ್ ಮಲ್ಪುನ ಕಿರಮೊಲ ಉಂಡು. ಇಲ್ಲ್‍ದಿಂಜಾವಂದೆ ಎಣೆಲ್ ಬುಳೆನ್ ಕೊಯ್ಪಿಲೆಕಲಾ ಇಜ್ಜಿ. ಕುರಲ್ ಸರಿಯಾದ್ ಬುಳೆಪುನ ದುಂಬು ಪಂಡ ಪೇರ್ ಗಟ್ಟಿಯಾದ್ ಪೊಟ್ಟೆ ಬಂಜಿಯಾದ್ ಬಾರುಪ್ಪುನ ಕುರಲ್‍ನ್ ಕೊಯ್ದ್ ಇಲ್ಲ್ ದಿಂಜಾವೆರ್. ನಿರ್ನಾಲ ತಿಂಗೊಲುದ ಕಡೆಕ್ ಕುರಲ್ ಕೊಯ್ಯೆರೆ ಪಾಯೊಗು ಬತ್ತಿಪ್ಪುಂಡು. ಬಾರ ಬುಳೆಕ್ ದೇವೆರೆ ಸಾನ ಕೊರಿನ ತುಳುವೆರ್ ಪುಲ್ಯಕಾಂಡೆನೆ ಲಕ್ಕ್‍ದ್ ದೈವ ದೇವೆರೆಗ್ ಕೈಮುಗಿದ್ ಪರ್ದತ್ತಿ ಪತೊಂದು ಕಂಡದಡೆ ಪೋನಗ ಕೊಡಿ ಬಾರೆದ ಇರೆಟ್ ಪದ್ಪೆದ ದಂಡ್, ಚೇವುದ ದಂಡ್, ತೆಕ್ಕರೆ, ಪೊಲಿ ಬಲ್ಲ್, ಬೂರು ಬಲ್ಲ್‍ಲೆನ್ ಕಂಡೊಗು ಲೆತೊಂದು ಪೋಪುನ ಜೋಕ್ಲೆ ಕೈಟ್ ಕೊರೊಂತೆರ್. ಇಲ್ಲದ ಯಜಮಾನಿ ಪೆಲತ ಇರೆತ ಚಿಲ್ಲಿಡ್ ತಾರಾಯ್ದ ಪೇರಾ, ಪೆತ್ತದ ಪೇರಾ ಪತ್ತೊಂದು ಕಂಡದಡೆ ಪೋವೊಂತೆರ್. ಅಂಚ ಕಂಡದಡೆ ಪೋನಗ ಎಲ್ಯಎಲ್ಯ ಎಗ್‍ತೆದ ಕುಕ್ಕು ತಪ್ಪು, ಪೆಲತ ತಪ್ಪು, ಪೊಲಿಬಲ್ಲ್, ದಡ್ಡಲ್‍ನಾರ್, ನಾಯಿಕಂರ್ಬು,ಇಟ್ಟೆವು, ಗೋಳಿದಿರೆ, ಅರ್ತಿದಿರೆ, ಬೆದ್ರ್‍ತಪ್ಪು, ಕೊರಗಪೂ, ತೌತೆದ ಮುಡಿ ಪೂರ ಕೊನೊವೊಂತೆರ್. ಕಂಡೊಗು ಪೋಯಿನಕುಲು ಜತ್ತ್‍ದ್ ಕೈಮುಗಿದ್ ಪ್ರಾರ್ಥನೆ ಮಲ್ತ್‍ದ್ ಮೂಜಿ ಸೂಡಿ ಕುರಲ್‍ನ್ ಕೊಯ್ಪೆರ್. ಕುರಲ್ ಕೊಯ್ನಗಲ ಮೂಜಿ ಸರ್ತಿ ಪೊಲಿ ಲೆತ್ತ್‍ದೇ ಕೊಯ್ಯೊಡು. ಕೈನ್ ಕೊನೊಯಿನ ಕೊಡಿ ಇರೆತ ಮಿತ್ತ್ ಮೂಡಾಯಿಪಡ್ಡೆಯಿಗ್ ಮೋನೆ ಪಾಡ್ದ್‍ದೀದ್ ಪೆಲತಿರೆತ ಐನ್ ಚಿಲ್ಲಿದ ಪೇರ್‍ನ್ ಮೈತ್‍ದ್ ಕುರಲ್‍ಗ್ ಬೊಕ್ಕ ಬೂಮ್ಯಪ್ಪೆಗ್ ಕೈಮುಗಿಪೆರ್. ಕಂಡೊಗು ಪೋಪುನ ಇಲ್ಲದ ಯಜಮಾನಿ ತರೆಕ್ ಮುಂಡಾಸ್, ಪುಗೆಲ್‍ಗ್ ಬೈರಾಸ್ ಪಾಡ್ದಿಪ್ಪುವೆರ್.ದೆತ್ತ್‍ನ ಮೂಜಿಸೂಡಿ ಕುರಲ್‍ಡ್ ಒಂಜಿ ಸೂಡಿ ಕುರಲ್‍ನ್ ಪಕ್ಕಿ ಪುದೊಕ್ಲೆಗಾದ್ ಬನೊಕು ಕಟ್ಟೊಂತೆರ್. ಬೊಕ್ಕ ಒರಿನ ಸೂಡಿ ಕುರಲ್‍ನ್ ಕೊನೊಯಿನ ಇರೆ, ಬೂರು, ನಟ್ಟಿಕಾಯಿದೊಟ್ಟುಗು ಕುರಲ್‍ನ್ ದೀದ್ ಕಂಡೊಡ್ದು ಪೊಲಿ ಲೆತ್ತೊಂದು ಕನತ್‍ದ್ ಇಲ್ಲಜಾಲ ಬರಿತ ಗುವೆಲ್ದ ಕಟ್ಟೆಡಾ, ತೊಲ್ಚಿ ಕಟ್ಟೆಡಾ, ಪೇರ್ ಬರ್ಪುನಮರತ ಗೆಲ್ಲ್‍ಡಾ ದೀಪೆರ್. ತೊಲಚಿ ಕಟ್ಟೆಗ್ ಸುತ್ತುಬತ್ತ್‍ದ್ ಇಲ್ಲದ ಪೊಂಜನಕ್ಲ್ ಯಜಮಾನನ ಕಾರ್ ದೆಕ್ಕ್‍ದಾಯಿಬೊಕ್ಕ ಯಜಮಾನಿ ಕುರಲ್‍ನ್ ಪತೊಂದು ಪೊಲಿಪೊಲಿ ಲೆತೊಂದು ದೈವ ದೇವೆರೆ ಕೋಣೆಗ್ ಬತ್ತ್‍ದ್ ಕುರುವೆಡಾ, ಕಲಸೆಡಾ, ದಾಲ ದಾಂತ್‍ಂಡ ಮಣೆತ ಮಿತ್ತಾ ಕುರಲ್ ದೀಪೆರ್ ಅವೆತ ಕೈತಲ್ ಉಜ್ಜೆರ್, ಪರ್ದತ್ತಿ ಪಾವು, ಕಲಸೆದೀದ್ ಅವೆಕ್ ಗಂಧ ಮುಟ್ಟಾದ್ ದೀಪೆರ್. ಒಂಜಿ ಪಾವು ಕಜೆ ಅರಿ (ಇತ್ತೆ ಬೊಳಂತೆ ದೀಪೆರ್) ತೆಕ್ಕರೆ, ಚೇವು, ಪದ್ಪೆ, ಐನ್ ಬಚ್ಚಿರೆ, ಒಂಜಿ ಬಜ್ಜೆಯಿ ದೀದ್ ಕುರಲ್‍ಗ್ ಕೈಮುಗಿದ್ ಒಂಜಿ ತಾರಾಯಿ ದರಿಪುವೆರ್. ತಾರಾಯಿದ ಗಡಿಕ್ ಗಂಧ ಮುಟ್ಟಾದ್, ಕುರಲ್‍ಗ್ ಗಂಧ ಮುಟ್ಟಾದ್, ಗೆಂಡತುಡರಾರತಿ ತೋಜಾದ್ ಕೈಮುಗಿದ್, ಮಾತೆರ್ಲ ಅಡ್ಡ ಬೂರ್ದ್ ಐನಾ, ಏಳಾ, ಒಂರ್ಬನಾ ಇಂಚ ಮುಗುಳಿ ಸಂಕೆಡ್ ಬಾರ್ ದೆತ್ತ್‍ದ್, ತೊಲ್ಲುದು ತುಡರ್‍ಗ್ ಪಾಡ್ವೆರ್. ಪಜಿಬಾರ್‍ರ್ದ್ ತೊಲ್ಲ್‍ದ್ ಅರಿದೆತ್ತ್‍ದ್ ಪೆತ್ತದ ಪೇರ್‍ಗ್ ಪಾಡ್ದ್ ಇಲ್ಲದಕುಲು ಪರ್ಪುನೆಕ್ ತೊಲ್ಲು ಪುದ್ದಾರ್ ಪನ್ಪೆರ್. ಅಲ್ತ್‍ರ್ದ್ ಬೊಕ್ಕ ಬಾರ್ಯಾತ್ ಕಾಲ ಒರಿಯುನ ದಡ್ಡಲ್‍ದ ನಾರ್‍ಡ್ ಮುಗುಲಿ ಸಂಕ್ಯೆಡ್ ಕುರಲ್‍ನ್ ಕಟ್ಟ್‍ದ್ ದೈವದ ಕೋಣೆಗ್, ದೇವೆರೆ ಕೋಣೆಗ್, ಜಗಲಿದ ಬಾಜಿರೊಗು, ಪೆತ್ತದ ಕಿದೆಕ್, ಗುವೆಲ್ದ ದಂಡೆಗ್, ನುಗ-ನಾಯೆರ್‍ಗ್, ಪೆಲತಮರಕ್, ತಾರೆಗ್ ಕುರಲ್ ಕಟ್ಟುವೆರ್.

ಪುದ್ದರುನ್ಪುಂಡಲಾ, ಕುರಲ್ ಕಟ್ಟ್‍ದ್ ಇಲ್ಲ್ ದಿಂಜಾವುಂಡಲಾ ಕಾವೇರಿ ಸಂಕ್ರಾಂತಿರ್ದ್ ದುಂಬೇ ಮಲ್ಪೊಡು. ಅಮೆ ಸೂತಕ ಬತ್ತ್‍ಂಡ ಕುರಲ್ ಪರ್ಬ ಮಲ್ಪುಲೆಕ ಇಜ್ಜಿ. ಕುರಲ್ ಕೊಯ್ಯೆರೆ ಇಲ್ಲದ ಯಜಮಾನಿ ಕಂಡೊಗು ಜಪ್ಪುನಗ ಬಚ್ಚಿರೆ ಪೂಳು ತಿಂದ್‍ದೇ ಜಪ್ಪೊಡು. ದೈವೊಲೆಗ್ಲಾ, ಬೆನ್ನಿಸಾಗೊಳಿಗ್ಲಾ ಸಮ್ಮಂದ ಇತ್ತ್‍ನೆರ್ದಾದ್ ಬಚ್ಚಿರೆ ಪೂಳು ತುಳುವೆರೆಗ್ ಪ್ರತಿಯೊಂಜೆಕ್ಲಾ ಬೋಡು. ದೈವದ ಚಾಕಿರಿಗ್ ಪಡಿಯರಿ, ಎಣ್ಣೆ ವೀಳ್ಯ ಕೊರ್ಪುನ ಕಿರಮೊಲಾ ಉಂಡು. ಈ ಬಚ್ಚಿರೆ ಎಂಚ ಬೂಳ್ಯಾಂಡ್‍ಂದ್ ತೆರಿಯಂದ್. ಕೆಲವು ಕೋಡಿಡ್ ಕುರಲ್‍ನ್ ದುಂಬುನಾನಿಯೇ ಕೊಯ್ದ್ ದೀವೊಂತೆರ್. ದಿಂಜ ಕಂಡ ಇತ್ತ್‍ನಕ್ಲ್ ಐನಾ, ಏಳಾ ಕಂಡದ ಕುರಲ್‍ನ್ ಕೊಯ್ದ್ ತೋಟದ ನಡುತ ಮರೋಟಾ, ಇಲ್ಲ ಕೈತಲ್ದ ಕಂಡದ ಕೈತಲ್ದ ಮರಟಾ ದೀವೊಂತೆರ್. ಕುರಲ್ ಕಟ್ಟುನ, ಇಲ್ಲ್‍ದಿಂಜಾವುನ ಮುಟ್ಟ ಕುರಲ್‍ನ್ ನೆಲಟ್‍ದೀವೆರೆ ಬಲ್ಲಿ. ಅಂಚನೆ ದೇಸೆಪಾಡುನ ಅರಿನ್ ಬಯಕೆದಾನಿ ತರೆಟ್ ಪುಡಪುನ ಎಂಗಾರ ಪುರ್ಪೊನು, ಉನ್ಪುನ ನುಪ್ಪುನು ಬಿರ್ಕೆರೆ ಬಲ್ಲಿ, ದೊಂಕೆರ್ಲಾ ಬಲ್ಲಿ. ಬಂಜಿನ ಪೊಣ್ಣನ ತರೆಟ್ ಬಯಕೆದಾನಿ, ದೈವದ ಕೈಟ್ ಕುಲೆ ಬುಡ್ಪಪುನಾನಿ ಪಿಂಗಾರ ಪಾಳೆನ್ ಪುಡಪುನಿ. ದುಂಬು ಪೂರಾ ಕೆಯ್ ಕೊಯ್ಪುನ ದುಂಬು, ತಾನ್ ನಂಬಿ ಸತ್ಯೊಲೆಗ್ ಬುಳೆಕಾಣಿಕೆದೀದ್ ಕಂಡೊಗು ಪೇರ್ ಮೈತ್‍ದ್ ಇಲ್ಲ್ ದಿಂಜಾವುನ ಕಿರಮೊನು ತುಳುನಾಡ ಕೆಲಬಾಗದ ಜನೊಕುಲು ನಡಪಾವೊಂತೆರ್. ಇಲ್ಲ್ ದಿಂಜವುನಾನಿ, ಇಲ್ಲದ ಏರಾಂಡಲಾ ತೀರ್ದ್ ಪೋಯೆರ್ಡ ಇಲ್ಲದ ಪೊಲಿ ಪೊಲ್ಸು ಪೋಪುಂಡುಗೆ. ಇಲ್ಲ್‍ದಿಂಜವುನಾನಿ ಇಲ್ಲದ ಉಲಯಿಡ್ದ್ ದಾದ ಅತ್ಯಾರ್‍ಲೆನ್ ಆವಡ್, ಪಣವುಲೆನ್ ಆವಡ್ ಪಿದಯಿ ಕೊರ್ಯೆರೆ ಬಲ್ಲಿ. ಆನಿ ಇಲ್ಲದ ನಿಚ್ಚ ಚಾಕಿರಿದಕ್ಲೆಗ್ಲಾ ಪಣವು ಕೊರ್ಯೆರೆ ಇಜ್ಜಿ. ಸಂಬಳ ¥ಡಿನ್‍ಲಾ ದುಂಬುನಾನಿ ಇಜ್ಜಾ ಮನದಾನಿ ಕೊರ್ಪುನಿ. ಕುರಲ್ ಕಟ್ಟ್‍ನಾನಿ ಇಲ್ಲದ ಬಾಕಿಲ್ ಮುಚ್ಚೆರೆ ಬಲ್ಲಿ. ಬುಡೆದಿ ತೀರ್ದ್ ಇತ್ತೆರ್ಡ ಕಂಡನಿ ಕುರಲ್ ತುಂಬೆರೆ ಬಲ್ಲಿ. ಇಲ್ಲಗ್ ಕುರಲ್ ಕಟ್ಟಿ ಬೊಕ್ಕ ಆ ಇಲ್ಲದಕುಲು ಬೇತೆ ಇಲ್ಲಲ್ ಕುಲ್ಲೆರೆ ಬಲ್ಲಿ. ಇನಿ ಕುರಲ್ ಕಟ್ಟುನ ಕಿರಮೊಲ ಪೊಸ ದೇಕಿಡ್ ತೋಜೊಂದುಂಡು. ಇನಿ ಎಚ್ಚಿನಕುಲು ಕಂಡಸಾಗೊಳಿದಾಂತೆ ದೈವಾಲ್ಯೊಡಾ, ದೇಲ್ಯೊಡಾ ಒಟ್ಟು ಸೇರ್ದ್ ಕುರಲ್‍ಗ್ ಪೂಜೆ ಮಲ್ತ್‍ದ್ ಮಾತೆರ್ಲ ಇಲ್ಲಿಲ್ಲಗ್ ಕೊನೊದು ಕುರಲ್ ಕಟ್ಟೊಂದುಲ್ಲೆರ್. ತುಳುವೆರೆ ಇಲ್ಲ್‍ದಿಂಜಾವುನ ಕಿರಮೊನು ತೂಯಿನ ಕಿರ್‍ಸ್ತಾನ್‍ದಕ್ಲು ಇಂಗ್ರೇಜಿರ್ ಮಾತೆರ್ ಸೇರ್ದ್ ಕುರಲ್‍ಗ್ ಪೂಜೆ ಕಂರ್ಬುನು ಕೊನೊಪುನಲಾಉಂಡು. ಸೆಪ್ಟೆಂಬರ್ 8ನಾನಿ ಕನ್ಯಾಮೇರಿನ ಪುಟ್ಟುದಿನತಾನಿ ಕುರಲ್ ಪರ್ಬೊನು ವರ್ಸಲಾ ಕಿರ್‍ಸ್ತಾನ್‍ದಕ್ಲು ಆಚರಣೆ ಮಲ್ಪುವೆರ್.

ಪೊಸರಿ ಪುದ್ದರುನ್ಪುನಿ:

ಕೂಡು ಕುಟುಮ ಪುಡದ್ ಇಲ್ಲದಕುಲು ಪೂರಾ ಪೇಂಟೆ ಸೇರಿಬೊಕ್ಕ ನರಮಾನ್ಯನ ಸಮ್ಮಂದದ ಗೋಡೆಲು ಪೂರಾ ಜರಿಯೊಂದು ಪೋದು ಇನಿಕಾನಗ ನಮ್ಮವು ಒವು ಪಿದಯಿರ್ದ್ ಬತ್ತ್‍ನ ಒವುಂದು ತೆರಿಯಂದಿ ಪರಿಸ್ಥಿತಿಗ್ ನಮ ಎತ್‍ದ. ಇನಿ ಕುರಲ್ ಪಂಡ ದಾದ, ಕುರಲ್ ಕಟ್ಟುನಿ ಪಂಡದಾದ, ಇಲ್ಲ್ ದಿಂಜಾವುನಿ ಪಂಡದಾದ ಪುದ್ದರುನ್ಪುನಿ ಪಂಡ ಎಂಚಿನಂದ್ ಕೇನುನಡೆ ಮುಟ್ಟ ತುಳುವ ಜನೊಕುಲು ಎತ್ತ್‍ದೆರ್. ದೈವಾಲ್ಯ ಸಂಸ್ಕøತಿಲುಪ್ಪುನ, ದೇಲ್ಯ ಸಂಸ್ಕøತಿ ಬರ್ಪುನ ದುಂಬೇ ತುಳುನಾಡ್‍ಡ್ ಬಾರ್ಯಾತ್ ಆಚರಣೆಲು ಇತ್ತ. ದೇವಾಲ್ಯ ಸಂಸ್ಕøತಿ ಬತ್ತಿ ಬೊಕ್ಕ ತುಳುವೆರೆ ಆರಾಧನೆಲು, ಆಚರಣೆಲು, ನಂಬೊಳಿಗೆಗ್ ಒಂಜಿ ರೀತಿದ ಪೆಟ್ಟ್ ಬೂರ್ದು ಪರತ್‍ನ್ ನಮ ಸಂಪೂರ್ಣ ಮದತ್‍ದ್ ನಮ್ಮ ಆಚರಣೆದೊಟ್ಟುಗು ನಮನ್ ನಮ ಕಳೆವೊಂದ. ಆ ಇಚಾರೊನು ತೆರಿಪಾಯೆರೆ ಪೋಂಡಲಾ ಇಂಚ ತುಳುವೆರ್ ಅವೆನ್ ನಂಬೆರೆ ತಯಾರಿಜ್ಜೆರ್. ನಮ್ಮವತ್ತಂದಿನ ಮಾತಾ ಆಚರಣೆಲೆನ್ ಮಲ್ಪುವೆರ್. ನಮ್ಮೆನ್ ಪೂರ ಮದತ್ ಬುಡ್ತೆರ್. ತುಳುವೆರೆಗ್ ಎಣೆಲ್ ಬುಳೆತ ಕುರಲ್‍ರ್ದ್ ದೆತ್ತ್‍ನ ಬಾರೇ ಪೊಸ ಕುರಲ್‍ದ ಬಾರ್, ಆ ಬಾರ್‍ರ್ದ್ ದೆತ್ತ್‍ನ ಅರಿಯೇ ಪುದು ಅರಿ ಪೋದು ಪುದ್ದರ್, ಪುದ್ವಾರ್ ಆತ್‍ಂಡ್. ತುಳುಟು `ಪುದು' ಪಂಡ ಪೊಸತ್. ಪುದು-ಬಾರ್-ಪುದ್ದರ್, ಪುದು ಅರಿರ್ದ್ ಉನ್ಪುನ ನುಪ್ಪು ಪುದ್ವಾರ್. ಈ ಅರಿಬಾರ್ ಕುಟುಮೊದ ಸಮ್ಮಂದೊಲೆನ್ ಗಟ್ಟಿ ಮಲ್ತೊಂತ. ಪೊಸರಿ ಪುದ್ದರ್‍ದಾನಿ ಏತ್ ದೂರ ಕುಟುಮೊಲು ಇತ್ತ್‍ಂಡಲ ಅವೆನ್ ಮುಟ್ಟ ಕನಪುನ ತಾಕತ್ತ್ ಬೆನ್ನಿಸಾಗೊಳಿಗಿತ್ತ್‍ಂಡ್. ನಿರ್ನಾಲ ಸಿಂಗೊಡೆಡ್ದ್ ಬೊಂತೆಲ್ದ ಕಾವೇರಿ ಸಂಕ್ರಾಂತಿ ದುಲಯಿ ಕುರಲ್ ಕಟ್ಟೊಡು, ಪುದ್ದರುನೊಡು ಪನ್ಪಿ ನಂಬೊಳಿಗೆ ಇತ್ತ್‍ಂಡ್. ನಿರ್ನಾಲ ತಿಂಗೊಲ್ದ ಸುರುತ ಸುಕ್ರಾರನಾ, ವಾರದ ಒರಿನ ಒಂಜಿ ಎಡ್ಡೆ ದಿನೊನು ತೂದು ಪುದ್ವರುನೊಂತೆರ್. ಎಣೆಲ್ ಬುಳೆತ ಕುರಲ್‍ಡ್ ಇಲ್ಲ್ ದಿಂಜಾಯಿ ಬೊಕ್ಕ ಪೊಸರಿ ಪುದ್ವರ್ ಮಲ್ಪುವೆರ್. ಅಂಚನೆ ಇಲ್ಲ್ ದಿಂಜಾಯಿ ಬೊಕ್ಕ ನಿರ್ನಾಲ ಕಡೆಮುಟ್ಟಲ ಪುದ್ವಾರ್ ಮಲ್ಪುವೆರ್. ಬಿಸುಕರಿದ್ ಸುರು ಮಲ್ಪುನ ಎಣೆಲ್‍ದ ಬಾರೇ ಪುದ್ದರ್‍ದ ಅರಿ ಮಲ್ಪೆರೆ ಗಲಸುನ ಬಾರ್. ಬಿಸುತಾನಿ ಕೈಬಿತ್ತ್ ಪಾಡ್‍ದ್, ಸಿರಿಪುಟ್ಟಿನ ದಿನ ಪಗ್ಗು 18ನಾನಿ ಪಂಡ `ಪಗ್ಗುಸಿಂಗೊಡೆ'ದಾನಿ ನೇಜಿ ಪಾಡ್‍ಂಡ ಪತ್ತನಾಜೆಗ್ ನಾಲ್ ಪನಿಯಾಂಡಲ ಬೂರೊಡುಗೆ ಪತ್ತನಾಜೆರ್ದ್ ಬೊಕ್ಕ ವಾ ದೈವದ ನೇಮನೆರಿಯಾವಡ್, ಒವ್ವೇ ಎಡ್ಡೆ ಕಜ್ಜೊಲಾವಡ್ ನಡತೊಂದಿಜ್ಜಾಂಡ್. ಎಚ್ಚಿನ ಜಾತ್ರೆದ, ನೇಮದ ದೈವಾಲ್ಯೊಲು ಇತ್ತ್‍ನ್ನೆ ಕಂಬುಲ ಕಂಡೊಡು. ತುಳುವೆರ್ ಬೆನ್ನಿ ಸಾಗೊಳಿಗ್ ಸುರು ಮಲ್ತಿ ಬೊಕ್ಕ ಅವು ಮುಗಿನೇಟ ವಾ ಕಜ್ಜೊಗ್ಲಾ ಕೈಪಾಡೊಂದಿಜ್ಜಾಂಡ್. 

ದುಂಬು ಪೆರಿಯ ತುಳುವೆರ್ ಎಚ್ಚಾದ್ ಎಣೆಲ್ ಬುಳೆಕ್ `ಕಯಮೆ' ಪನ್ಪಿ ಬಿದೆ ಬಿತ್ತೊಂತೆರ್. ಅವೆಟ್ ಬುಳೆ ಬರ್ಪುನಿ ಕಡೇಸ್, ಬುಳೆಲಾ ಕಡಮೆ. ಇನಿತಲೆಕ ಸರಕಾರದ ಪೊಸಪೊಸ ಬಿದೆಕುಲು ಆನಿದ ಕಾಲೊಡಿಜ್ಜಾಂಡ್. ದುಂಬು ಕಾಲ ಕಾಲೊಗು ಬರ್ಸ, ಬುಳೆಕುಲು ಬರೊಂತ. ಜನೊಕ್ಲೆಗ್ ದೈವೊಲೆನ ಮಿತ್ತ್ ಕಡಿಯಂದಿನಂಚಿ ಭಕ್ತಿ ಇತ್ತ್‍ಂಡ್. ಇನಿಕಾನಗ ಪೂರಾ ಆ ಮಣಭಕ್ತಿ ಮಯಕಾದ್ ಏಪಂದ್‍ಲೇಪದಲೆಕ ಬರ್ಸ ಬರೊಂದಿತ್ತ್‍ದ್ ಬುಳೆಸೆಲೆತ ಅಜತತ್ತ್‍ದ್ ಪೋವೊಂದುಂಡು. ದುಂಬು ಪೂರಾ ಕಾವೇರಿದಪಗ ಕೊಯ್ದ್ ಮುಗಿಯೊಂತ್‍ಂಡ್. ಇಲ್ಲ್‍ದಿಂಜದಾಯಿ ಬೊಕ್ಕ ಕುರಲ್‍ರ್ದ್ ಐನಾ, ಏಳಾ ಬಾರ್ ಗೆತ್ತ್‍ದ್ ಬಿರೆಲ್‍ಡ್ ತೊಲ್ಲ್‍ದ್ ಪರ ಅರಿತ ನುಪ್ಪು ದೀನ ಕರಕ್ ಆ ತೊಲ್ಲ್‍ನ ಪೊಸರಿನ್ ಪಾಡ್‍ದ್ ಉನ್ಪುನೆನ್ `ತೊಲ್ಲು ಪುದ್ದಾರ್' ಪನ್ಪೆರ್. ಬೊಕ್ಕ ಕೆಯ್ ಕೊಯ್ದ್ ಆಯಿ ಬೊಕ್ಕ ಪುದ್ದಾರ್ ಮಲ್ಪುವೆರ್. ಕಾವೇರಿ ಸಂಕ್ರಾಂತಿದ ಮನದಾನಿ ಸಿಂಗೊಡೆಗ್ ಪುಲ್ಯಕಲೊಡು ಜಾಲ್‍ಡ್ ದೀನ ಆನೆಪಡಿಕ್ ಕೆಯ್ ನೋತ್‍ದ್ ಪೊಲಿ ಲೆತ್ತೊಂದಿತ್ತೆರ್. ಬಿತ್ತ್‍ದ ಮುಡಿನ್ ಕಾವೇರಿ ಸಂಕ್ರಾಂತಿದಾನಿ ಕಟ್ಟ್‍ದ್ ಸಿಂಗೊಡೆದಾನಿ ಕಾಂಡೆ ಅಟ್ಟೊಡು ದೀವೊಂತೆರ್. ದುಂಬು ಸುಗ್ಗಿದ ಬುಳೆತ ಅಂಬೆರ್ಪುಡ್‍ದಾದ್ ಎಣೆಲ್ ಬುಳೆನ್ ಕೊಯ್ಪುನೆನ್ ಬೇಗ ಮುಗಿತೊಂತೆರ್. ಇನಿ ಸುಗ್ಗಿದ ಬುಳೆ ಮನ್ಪುನಕುಲು ಬಾರೀ ಕಮ್ಮಿಯಾತೆರ್. 

ದುಂಬು ಪುದ್ದರ್‍ಗ್‍ಂದೇ ಮಣ್ಣ್‍ದ ಕರಬಿಸೆಲೆನ್ ಪುದ್ದರ್ ಕರಿಬೊಕ್ಕ ಅಟ್ಟೊಡು ದೀವೊಂತೆರ್. ಉಂದೆಕ್ `ಪುದ್ದಾರ್‍ದ ಕರ', `ಪುದ್ದಾರ್‍ದ ಬಿಸಲೆ'ಂದ್ ಪನೊಂತೆರ್. ಇಲ್ಲದ ಯಜಮಾಂದಿನೊಟ್ಟುಗು ಮೂಜಾ, ಐನಾ ಪೊಂಜನಕುಲು ಪುದ್ದರ್‍ಗ್ ನೀರ್ ಕನಯೆರೆ ಬಾಯಿಡ್ ಬಚ್ಚಿರೆ ಪೂಳು ಅಗಿಯೊಂದು ಎರಿಯಾಕ್ಲೆಡ `ಪುದ್ದರ್‍ಗ್ ನೀರ್ ಕನಯೆರೆ ಪೋಪ'ಂದ್ ಮೂಜಿ ಸರ್ತಿ ಪಂಡ್‍ದ್ ಗುವೆಲ್ದ ಚಿಟ್ಟೆದ ಮಿತ್ತ್ ಬಚ್ಚಿರೆ ಬಜ್ಜೆಯಿ ದೀದ್ ಪುದ್ದರ್‍ದರಿಕ್ ನೀರ್ ದೆಪ್ಪುವಂದ್ ಗುವೆಲ್‍ಗ್ ಪುಡ್ಯೊಂತೆರ್. ಕೆಲವುತಿಕ್‍ಡ್ ಗುವೆಲ್ದ ಚಿಟ್ಟೆಗ್, ಪುದ್ದರ್‍ಗ್ ನೀರ್ ದೀಪುನ ದಿಕ್ಕೆಲ್‍ಗ್ ಸೇಡಿಡ್ ಚಿತ್ರ ಬುಡ್ಪಾವೊಂತೆರ್. ಪುದ್ದರ್‍ಗ್ ಯಜಮಾನ್ದಿನೊಟ್ಟುಗು ನೀರ್ ಕಡ್ಯೊಡು ಕನನಗ ಪೊಂಜನಕುಲು ಪೊಲಿ ಲೆತ್ತೊಂದು ಅಡ್ಪಿಲ್ಲಗ್ ಬರೊಂತೆರ್. ಪೂಕರೆ ಪಾಡ್ನಗಲ ಕಂಡದ ಪುಣಿತ ಸುತ್ತಲುಪ್ಪುನ ತಾರೆಲೆಗ್ ಸೇಡಿಕಮ್ಮಟೆ ಬರೆಯೊಂತೆರ್. ಪುದ್ದರ್‍ದ ಕರೊಕು ನೀರ್ ಮೈಪುನಗ ಎರಿಯಾಕ್ಲೆಡ `ಪುದ್ದರ್‍ಗ್ ನೀರ್ ದೀಪ'ಂದ್ ಮೂಜಿ ಸರ್ತಿ ಪನೊಂತೆರ್. ಅರಿ ಪಾಡ್ನಗಲ `ಪುದ್ದರ್‍ಗ್ ಅರಿ ಪಾಡ್ವ'ಂದೇ ಮೂಜಿ ಸರ್ತಿ ಪಂಡ್‍ದ್ ಅರಿಪಾಡೊಂತೆರ್. ಪುದ್ದರ್‍ಗ್ ಪೊಸ ಅರಿಟೇ ಅಟಿಲ್ ಮಲ್ತೊಂತೆರ್. ಒಂಜಿ ಮುಡಿ ಬಾರ್ ಬೆಯ್ಪುನ ಚೆಂಬುದ ಮಂಡೆಡ್ ಪೊಸಬಾರ್‍ನ್ ಬೊದ್‍ಲ್ರೆ ದೀದ್ ಮಂಡೆದನಾಲಿಗ್ ತೆಕ್ಕರೆದ ಬೂರಾ, ಪೊಲಿ ಬಲ್ಲಾ ಕಟ್ಟ್‍ದ್ ಸುತಾಲ ಸೇಡಿದ ಬೊಟ್ಟ ಪಾಡೊಂತೆರ್. ಅಡೆ ಇನಿ ಗಂಧ ಕುಂಕುಮ ಬೈದ್‍ಂಡ್. ಮಂಡೆಗ್ ಬೊಟ್ಟ ಪಾಡ್‍ದ್ ಮಾತೆರ್ ಕೈಮುಗಿದ್ ಬಾರ್‍ನ್ ಬೆಯ್ಪಾದ್ ಜಾಲ್‍ಡ್ ನುಂಗಾದ್ ಬಾರ್‍ನ್ ಬರಕಲೊಡು ಇರ್ವೆರ್ ಉಜ್ಜೆರ್ಡ್  ಎಡ್ಪುನಗ ಒರ್ತಿ ಬಾರ್‍ನ್ ಕೂಟೊಂತಲ್. ಅಂಚ ಮೂಜಿ ಜನ ಸೇರ್ದ್ ಅರಿ ಮಲ್ಪೊಡು. ಅವೆರ್ದ್ ಬೊಕ್ಕ ಪುದ್ದರ್‍ದ ಅಗೊಲಿಡ್/ ಕರಟ್ ಪುದ್ದರ್‍ದ ನುಪ್ಪು ಬೆಯ್ಪಾವೊಂತೆರ್.

ಪುದ್ದರ್‍ದಪಗ ಊರ್ದ ನಟ್ಟಿಕಾಯಿಗ್ ಮಾನಾದಿಗೆ. ಅವ್ಲಾ ಪುದ್ದರ್‍ಗ್ ತೆಕ್ಕರೆದ ಚಲ್ಲಿ ಬೋಡೇ ಬೋಡು. ಇನಿ ಪೇಂಟೆದ, ಗಟ್ಟದ ತೆಕ್ಕರೆಲು ಬತ್ತ್‍ದ್ ಊರ್ದ ತೆಕ್ಕರೆಲು ತೂವೆರ್ನೇ ತಿಕ್ಕೊಂದಿಜ್ಜ. ಪುದ್ದರ್‍ದಾನಿ ತೇವು, ಪದ್ಪೆದ ದಂಟ್‍ದ ಕೊದ್ಯೊಲು ಆವೊಡೆ. ಉಮಿಲತ್ತನೆದ ಉಪ್ಪುಕರಿಲ ಮಲ್ತೊಂತೆರ್. ಪುದ್ದರ್ ಬಲಸ್‍ನಗ ಕೊಡಿ ಇರೆಟೇ ಬಲಸೊಡು. ಕೆಲವು ತಿಕ್‍ಡ್ ಪೊಸರಿ ಪಾಡ್‍ದ್ ಪುದ್ದಾರ್‍ದ ಪಾಯ್ಸ ಮಲ್ತೊಂತೆರ್. ಅಂಚನೆ ಪುದ್ದರ್ ಉನ್ಪುನ ದುಂಬು ಅಗ್ಗಿಗ್ ಜಾರಾವುನ ಕಿರಮ ಇತ್ತ್‍ಂಡ್. ಪುದ್ದರ್‍ದ ಅಟಿಲ್ ಆಯಿ ಬೊಕ್ಕ ದಿಕ್ಕೆಲ್‍ದ ಎದುರು ಕೊಡಿರೆಟ್ ಅಟಿಲ್‍ಡ್ ಒಂತೆ ಬಲಸ್‍ದ್ ಅಪ್ಪೆ, ಅಮ್ಮೆ ಬೊಕ್ಕ ಕಡೀರಮಗೆ ದಿಕ್ಕೆಲ್ದ ಎದುರು ಬತ್ತ್‍ದ್ ಮಾತೆರ್ಲ ಕೈಮುಗಿದ್ ಇರೆತ ಅಡಿಕ್ ಸಟ್ಟ್‍ಗ ದೀದ್ ಆ ಬಲಸ್‍ನ ಇರೆನ್ ದಿಕ್ಕೆಲ್‍ಗ್ ಜಾರಾವೊಂತೆರ್. ಅವು ಪೊತ್ತ್‍ದ್ ಭಸ್ಮ ಆವೊಂತ್‍ಂಡ್. ಮಾತೆರ್ಲ ಇಲ್ಲದಕ್ಲು ಪುದ್ದರುಂಡಿ ಬೊಕ್ಕ ದಿಕ್ಕೆಲ್‍ಡ್ದ್ ಭಸ್ಮೊನು ದೆತ್ತ್‍ದ್ ಒಂಜಿ ಕರಟ್ ದೆತ್ತ್ ದೀಪೆರ್. ಪುದ್ದರುನ್ಪುನ ದುಂಬು ಅಗ್ಗಿಗ್ ಜಾರಾಯಿ ಬೊಕ್ಕ ಕುಲೆಕ್ಲೆಗ್, ಎರಿಯಾಕ್ಲೆಗ್ ಬಲಸ್‍ದ್ ಕೈಮುಗಿದ್ ಅವೆರ್ದ್ ಬೊಕ್ಕ ಮಾತೆರ್ಲ ಪುದ್ದರುನ್ರೆ ಕುಲ್ಲೊಂತೆರ್.  ದೆತ್ತ್‍ದೀನ ಭಸ್ಮೊನು ಎಣೆಲ್‍ದ, ಸುಗ್ಗಿದ ಬಾರ್‍ದ ರಾಸಿಗ್ ಪೊಲಿಪತ್ತಾಯರೆ ಗಲಸೊಂತೆರ್. 

ಪುದ್ದರ್ ಬಲಸ್‍ನಗಲ ಮೂಜಿ ಸರ್ತಿ ಬಲಸುನ ಕಿರಮಲುಂಡು. ಪ್ರತಿ ಕೈಲ್ ನುಪ್ಪು ಬಲಸ್‍ನಗಲ ಉನ್ಪುನಕುಲು ಬಲಸುನ ಕೈಲ್‍ಗ್ ಪುಡ್ಯೊಂತೆರ್. ಮಾತೆರೆಗ್ ನುಪ್ಪು ಬಲಸ್‍ದ್ ಆಯಿ ಬೊಕ್ಕ ಬಲಸಿ ನುಪ್ಪುಗು ಮಾತೆರ್ ಕೈಮುಗಿದ್ ಪುದ್ದರುನ್ಪೆರ್. ಕೆಲವು ಕೋಡಿಡ್ ಆಂಜನಕ್ಲು ತರೆಕ್ ಮುಂqಸ್ ಕಟ್ಟ್‍ದ್ ಅಡ್ಪಿಲ್ಲಡ್ ಸುರುಕಾದ್ ಪುದ್ದರುನ್ಪೆರ್. ಪುದ್ದರುಂಡಿನ ನುಪ್ಪು ಉಂಡಿಬೊಕ್ಕ ಇರೆಟ್ ಒರಿಯೆರೆ ಬಲ್ಲಿ. ಬೋಡಯ್ನಾತೇ ದೆತೆನೊಡು. ಯಾವುಂದು ಪನ್ರೆಲಾ ಬಲ್ಲಿ. ಪುದ್ದರ್‍ದಾನಿ ಬಂಜಿ ದಿಂಜಿಜಿಂಡ ಇಡೀ ವರ್ಸ ಅಕ್ಲೆನ ಬಂಜಿ ದಿಂಜುಜಿಗೆ. ಕಿನ್ಯ ಜೋಕ್ಲು ಪೆರಿಯಾಕ್ಲೆಗ್, ಪೆರಿಯಾಕ್ಲು ಮಾತೆರೆಗ್ ಮೂಜಿ ಮೂಜಿ ಸರ್ತಿ ಪುದ್ದರುನ್ಪೆ ಪುದ್ದರುನ್ಪೆಂದ್ ಪಂಡೊಂದು ಪೊಸರಿ ಪುದ್ದರುನೊಂತೆರ್. ಕೆಲವೆರ್ ಪುದ್ದರುಂಡಿ ಬೊಕ್ಕ ಬಚ್ಚಿರೆ ಬಜ್ಜೆಯಿ ಬಾಯಿಗ್ ಪಾಡೊಂತೆರ್. ಕುಟುಮದಕುಲು ಒಟ್ಟು ಸೇರ್ದ್ ಪುದ್ದರುನ್ಪುನೆಟ ಬೇತೆತಿಕ್‍ಡ್ ಪುದ್ದರುನ್ರೆ ಬಲ್ಲಿ. ಕಂಡಸಾಗೊಳಿದಕುಲು ತನ್ನ ಇಲ್ಲಲ್ ಪುದ್ದರ್ ಉನ್ನೇಟ ಬೇತೆತಿಕ್‍ಡ್ ಪುದ್ದರ್ ಉನ್ರೆ ಬಲ್ಲಿ. ದುಂಬು ಒಂಜಿ ಕುಟುಮೊಡು ಪೆÇಸ ಬಾಲೆ ಪುಟ್ಟ್‍ಂಡ ಆ ವರ್ಸದ ಪುದ್ದರ್‍ದಾನಿ ಬಾಲೆದ ಅಪ್ಪೆ, ಅಮ್ಮೆ, ಕುಟುಮದಕುಲು ಬಾಲೆಗ್ ನುಪ್ಪುದ ಪರೆಲ್ ಕೊರೊಂತೆರ್. ಉಂದೆನ್ ಬಾಲೆಗ್ ಪೇರ್ ನುಪ್ಪು ಕೊರ್ಪುನಿ, ಬಾಲೆಗ್ ನುಪ್ಪು ಕೊರ್ಪುನಿ ಪನ್ಪೆರ್. ಪೊಸತಾದ್ ಮದಿಮೆಯಾದ್ ಬತ್ತ್‍ನ ಪೊಣ್ಣನ್ ಪುದ್ದರ್‍ದಾನಿ ನುಪ್ಪು ಪಾಡುನೆಕ್ ಪೊಸರಿ ಪುದ್ದರ್‍ಂದ್ ಪನ್ಪೆರ್. ಇನಿ ದೇಲ್ಯೊಡು ಆಣ್‍ಪೊಣ್ಣು ಕಂಟೆಲ್‍ಗ್ ಮಾಲೆಪಾಡ್ದ್ ಕರಿಮಣಿ ಕಟ್ಟ್‍ದ್ ಮದ್ಮೆ ಆಯಿಬೊಕ್ಕ ಪೆದ್ದಿ ಬಾಲೆಗ್ ದೇಲ್ಯೊಡೇ ನುಪ್ಪು ಕೊರೊಂದುಲ್ಲೆರ್. ದುಂಬು ತುಳುನಾಡ್‍ಡ್ ಕರಿಯಣಿ ಇತ್ತ್‍ಂಡ್. ತಾಳಿ ಬಿರಣೆರೆ ಒಟ್ಟುಗು ತುಳುನಾಡ್‍ಗ್ ಬತ್ತ್‍ಂಡ್. ಬಾಲೆನಾವಡ್, ಮದ್ಮಲೆನಾವಡ್ ಪೊಸರಿ ಪುದ್ದರ್ ಉನ್ಪಾದ್ ಅಕ್ಲೆನ ಕುಟುಮೊಗು ಸೇರಾವೊಂತೆರ್.

ದುಂಬು ಎರಿಯಾಕ್ಲು ಪೂರಾ ಪಿರಯ ಆದೇ ತೀರ್ದ್ ಪೋವೊಂತೆರ್. ಪಿರಯದ ಕಾಲೊಡು ಅಕುಲು ಜೆತ್ತ್‍ನೌಲಾಂಡ ಅಕುಲು ಈತ್ ದಿನೊಟು ತೀರ್ದ್ ಪೋಪೆರ್‍ಂದ್ ಸೊಸ್ಟೊವಾದ್ ತುಳುವೆರೆಗ್ ತೆರಿದಿತ್ತ್‍ಂಡ್. ಅಂಚಾದ್ ಪುದ್ದಾರ್ ಆಪುನ ತಿಂಗೊಲುಡು ಅಕುಲು ಅಂಚ ಜೆತ್ತ್‍ನೌಲು ಇತ್ತೆರ್ಡ ಪುದ್ದಾರ್ ಮಲ್ಪೆರೆ ಬಂಙ. ಮಲ್ಪಂದೆ ಉಪ್ಪೆರ್ಲಾ ಆಪುಜಿ. ಅಪಗ ಇಲ್ಲದಕ್ಲು ಸೋಣೊಡಾ ನಿರ್ನಾಲೊಡಾ ಪಜಿ ಕುರಲ್‍ದ ಪಜಿ ಪೇರ್ ಬಾರ್ ದೆತ್ತ್‍ದ್, ಅವೆನ್ ಕೈಟ್ ತೊಲ್ಲ್‍ದ್ ಪೆತ್ತದ ಪೇರ್‍ಗ್ ಬಾರ್‍ದ ಪೇರ್‍ನ್ ಬಿರಾದ್ ಕರಿದ್ ಪೋಪುನಕ್ಲೆನ ಬಾಯಿಗ್ ಪರ್ಪಾವೆರ್. ಬೊಕ್ಕ ಮಾತೆರ್ಲಾ ಆ ಪೇರ್‍ನ್ ಪರ್ಪೆರ್. ಅವೆನ್ `ಪೇರ್ ಪುದ್ದಾರ್' ಪನ್ಪೆರ್. ಬೊಕ್ಕ ಆ ವರ್ಸ ಪುದ್ದಾರ್ ಮಲ್ಪುಜೆರ್. ನೀರ್‍ಗ್ ಬತ್ತ್‍ನಾಯಗ್ ಪುದ್ದರುನು ್ಪತಿಕ್ಕ್‍ಲೆಕ, ಪುದ್ದರ್ ದಾನಿ ಬಾಲೆಗ್ ಪುದರೆಂಚಿನಂದ್ ಪೊದ್ದೆರೆಡ ಕೇನೊಡು ಇಂಚಿಗಾದೆಲಾ ಪುದ್ದರ್‍ದ ಬರುವಾದ್ ಉಂಡು. ಪುದ್ದರುಂಡಿ ಬೊಕ್ಕ ಬಾಯಿಗ್ ಬಚ್ಚಿರೆ ಪೂಳು ಪಾಡ್‍ಜಿಂಡ ಬಾಯಿಗ್ ಕುದುಕೆ ನೂರುಂಡುಗೆ ಪನ್ಪಿ ಇಚಾರಲ ಪುದ್ದರ್‍ದ ಇಚಾರದ ಪಿರವುಂಡು. ಕೆಲವು ತಿಕ್‍ಡ್ ಮದ್ದೆನ ಪುದ್ದರ್ ಇತ್ತ್‍ಂಡ ವಿೂನ್ ರೆಸೊತ ಮಧುಪುದ್ದಾರ್ ಇರ್ಲ್ ಇಪ್ಪುಂಡು. ಕೆಲವುತಿಕ್‍ಡ್ ಇರ್ಲ್ ಪುದ್ದಾರ್ ಮಲ್ಪುನಕುಲ್ಲಾ ಉಲ್ಲೆರ್. ಅಂಚನೆ ದೈವೊಲೆಗ್ ಪುದ್ದಾರ್‍ಮಚ್ಚಿ ನೇಮ ನಡಪುನಲಾ ಉಂಡು. ನುಪ್ಪುನುದಕ್ಕ್‍ಂಡ ಒಂಜಿದಿನ ಅವ್ವೇ ನುಪ್ಪುಗಾದ್ ನಟ್ಟುನ ಪರಿಸ್ಥಿತಿ ಬರು. ಅಂಚೆನೇ ನಮ ಉಂಡುದು ಲಕ್ಕುನೇಟ ತಿರ್ತ್ ಬೂರ್ನ ನುಪ್ಪುಡು ಕುರೆ ಆವಂದ್. ಅಂಚಾದ್ ಉನ್ಪುನ ನುಪ್ಪುನು ನಮ ಕಾರ್‍ಗ್ ಮದಿಮೆದವ್ಲು ದೇಸೆದರಿಪಾಡ್ನಗ ದೊಂಕಂದೆ ಆ ನುಪ್ಪುಗು ಬಿಲೆ ಕೊರ್ನ ಕುಟುಮ ಸಮ್ಮನ್ದೊಲೆನ್ ಗೋಡ್ಯಾವುನ ಪುದ್ದರ್‍ದ ಆಚರಣೆನ್ ನನಾಂಡಲಾ ನಮ ದುಂಬುದ ಪೀಳಿಗೆಗ್ ಒರಿಪುಗ.

Read Post | comments

ತುಳು ಕಾವ್ಯಯಾನ ಭಾಷೆಯ ಬೆಳವಣಿಗೆಗೆ ಪೂರಕ : ಹರಿಕೃಷ್ಣ ಪುನರೂರು (ಕೆದಂಬಾಡಿ ಜತ್ತಪ್ಪ ರೈಗಳ ಅಸನಿಯಾಗ ಕಾಂತಗ ಜೋಗಿ ಕಾವ್ಯದ ವಾಚನ ಮತ್ತು ಪ್ರವಚನ)

ವಿಜಯಕುಮಾರ್ ಕೊಡಿಯಾಲಬೈಲ್ ಅವರಿಗೆ ತುಳು ವರ್ಲ್ಡ್ ಸಮ್ಮಾನ್

ಡಾ. ಆರ್. ಕೆ. ನಾಯರ್ ಅವರಿಗೆ ತುಳು ವರ್ಲ್ಡ್ ಸಮ್ಮಾನ್

        ತುಳುವರ್ಲ್ಡ್ ಸಂಸ್ಥೆಯು ತುಳು ಕಾವ್ಯಯಾನವನ್ನು ಆರಂಭಿಸಿರುವುದು ಶ್ಲಾಘನೀಯ ತುಳು ಕಾವ್ಯಗಳ ಅಧ್ಯಯನ ಮತ್ತು ವಾಚನ ಪ್ರವಚನಗಳಿಂದ ತುಳುಭಾಷೆಯ ವ್ಯಾಕರಣ ಮತ್ತು ಶಬ್ದಭಂಡಾರ ಗಳ ಪರಿಚಯ ಆಗುತ್ತದೆ ಎಂದು ಹರಿಕೃಷ್ಣ ಪುನರೂರು ಅವರು ಅಭಿಪ್ರಾಯಪಟ್ಟರು.ಅವರು ತುಳುವಿನ ಮಹಾ ಕವಿಗಳಲ್ಲಿ ಒಬ್ಬರಾದ ಕೆದಂಬಾಡಿ ಜತ್ತಪ್ಪ ರೈಗಳ ಅಸನಿ ಯಾಗ ಕಾಂತಗ ಜೋಗಿ ಕಾವ್ಯದ ವಾಚನ ಮತ್ತು ಪ್ರವಚನ ಕಾರ್ಯಕ್ರಮವನ್ನು ಮಂಗಳೂರಿನ ಪೊಲೀಸ್ ಲೇನ್ನಲ್ಲಿರುವ ಮುನೇಶ್ವರ ಮಹಾಗಣಪತಿ ದೇವಸ್ಥಾನದಲ್ಲಿ ತುಳುವರ್ಲ್ಡ್ ಮಂಗಳೂರು ನೇತೃತ್ವದಲ್ಲಿ ನಡೆದ ತುಳು ಕಾವ್ಯಯಾನ ೨ ಮತ್ತು ಪ್ರಜ್ವಲ್ ಆಕ್ಟಿಂಗ್ ಕ್ಲಾಸಿನ ಸಮಾರೋಪ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ಪ್ರವೀಣ್ ಕುಮಾರ್ ಕೊಡಿಯಲ್ ಬೈಲ್, ಸದಸ್ಯರು ತುಳು ಅಧ್ಯಯನ ಪೀಠ ಮಂಗಳೂರು ವಿಶ್ವವಿದ್ಯಾನಿಲಯ ಇವರು ಮಾತನಾಡಿ ತುಳು ಭಾಷೆಯ ಬಗ್ಗೆ ಮಾತನಾಡುವವರು ಜಾಸ್ತಿ ವಿನಹ ಕಾರ್ಯಪ್ರವೃತ್ತರಾಗುವ ಸಂಖ್ಯೆ ಬಹಳ ಕಡಿಮೆ, ಪ್ರತಿಯೊಬ್ಬರೂ ಒಮ್ಮತದಿಂದ ಹೋರಾಟ ಮನೋಭಾವದಿಂದ ಕಾರ್ಯಪ್ರವೃತ್ತರಾದರೆ ಮಾತ್ರ ತುಳು ಭಾಷೆಯನ್ನು ಎಂಟನೇ ಪರಿಚ್ಛೇದಕ್ಕೆ ಸೇರಿಸಲು ಸಾಧ್ಯವಾಗುತ್ತದೆ ಎಂದರು. ಮುಖ್ಯ ಅತಿಥಿಗಳಾಗಿ ಖ್ಯಾತ ತುಳು ವಿದ್ವಾಂಸ ಡಾ. ವೈ ಎನ್ ಶೆಟ್ಟಿ ಮಾತನಾಡಿ ತುಳುವಿನ ಲಿಪಿ ಮತ್ತು ಸಂಸ್ಕೃತಿಯನ್ನು ಎರಕಹೊಯ್ದ ಕೇರಳ ಇಂದು ಜಗತ್ತಿನಲ್ಲಿ ಶ್ರೇಷ್ಠ ನಾಗರೀಕತೆಯನ್ನು ಹೊಂದಿದೆ. ನಮ್ಮ ತಂಞನ (ತಂಗಳನ್ನ) ಮಲಯಾಳದಲ್ಲಿ ಪಯಾಂಕಂಜಿ ಅದಕ್ಕೆ ಯುನೆಸ್ಕೊ ಜಗತ್ತಿನ ಅತ್ಯಂತ ಶ್ರೇಷ್ಠ ಉಪಹಾರ ಎಂದು ಮಾನ್ಯತೆ ನೀಡಿದೆ. ಇಂದು ತುಳು ಭಾಷೆ ಯುವಜನರನ್ನು ತುಂಬಾ ಆಕರ್ಷಿಸುತ್ತಿದೆ ಇಂಗ್ಲೀಷ್‌ ಬಿಟ್ಟು ತುಳುವಲ್ಲಿ ಮಾತನಾಡಲು ಅಭಿಮಾನ ಪಡುತ್ತಿದ್ದಾರೆ ಇದು ತುಳು ಭಾಷೆಯ ಬೆಳವಣಿಗೆಯ ಲಕ್ಷಣ ಎಂದರು.

ಸಿನಿಮಾ ನಿರ್ದೇಶಕ ಇಸ್ಮಾಯಿಲ್ ಮೂಡುಶೆಡ್ಡೆ,, ಸಿನಿಮಾ ನಟ ಪ್ರಣವ್ ಹೆಗ್ದೆ, ಕಲಾವಿದ ಕುಮಾರ್ ಸಾಲ್ಮಾರ್, ಕಾಸರಗೋಡು ಗಡಿನಾಡ ಸಾಂಸ್ಕೃತಿಕ ಅಕಾಡೆಮಿಯ ಝೆಡ್. ಎ. ಕೈಯಾರ ಕಲಾವಿದ ಶರತ್ ಆಳ್ವ ರಾಷ್ಟ್ರೀಯ ಕನ್ನಡಸಿರಿ ಉತ್ಸವದ ಪ್ರಧಾನ ಕಾರ್ಯದರ್ಶಿ ಭಾಸ್ಕರ ಕಾಸರಗೋಡು, ಜಾನಪದ ಪರಿಷತ್ ಬೆಂಗಳೂರು ಇದರ ಕಾಸರಗೋಡು ಗಡಿನಾಡ ಘಟಕದ ಅಧ್ಯಕ್ಷ ಎ.ಆರ್ ಸುಬ್ಬಯ ಕಟ್ಟೆ, ಮಾಧವ ಭಂಡಾರಿ, ಮುರಳಿ ಉಪ್ಪಂಗಳ ಮೊದಲಾದವರು ಉಪಸ್ಥಿತರಿದ್ದರು.

ತುಳುವರ್ಲ್ಡ್ ಸಮ್ಮಾನ್

ಫಾರೆಸ್ಟ್ ಅಂಡ್ ಎನ್ವಿರೋ ಕ್ರಿಯೇಟರ್ಸ್ ಫೌಂಡೇಶನ್ ಗುಜರಾತ್ ಇದರ ಸ್ಥಾಪಕ. ಭಾರತದಾದ್ಯಂತ ಸುಮಾರು ನಲವತ್ತಕ್ಕೂ ಹೆಚ್ಚು ಬಂಜರು ಭೂಮಿಗಳಲ್ಲಿ ಕಾಡುಗಳನ್ನು ಬೆಳೆಸಿದ ಪರಿಸರಸ್ನೇಹಿ, ಗುಜರಾತಿನಲ್ಲಿ ಸುಮಾರು 16 ಸಾವಿರಕ್ಕಿಂತ ಹೆಚ್ಚು ಮಂದಿಗೆ ಉದ್ಯೋಗ ಅವಕಾಶ ಮಾಡಿಕೊಟ್ಟ. ತುಳುನಾಡಿನ ಮುಟ್ಟಾಳೆಯನ್ನು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರಚಾರ ಪಡಿಸಿದ ಡಾ. ಆರ್. ಕೆ. ನಾಯರ್ ಹಾಗೂ ತುಳು ರಂಗಭೂಮಿಯ ಭೀಷ್ಮ. ಪ್ರಸ್ತುತ ಸಾಲಿನ ಕರ್ನಾಟಕ ನಾಟಕ ಅಕಾಡೆಮಿ ಪ್ರಶಸ್ತಿ ಸನ್ಮಾನಿತ ವಿಜಯಕುಮಾರ್ ಕೊಡಿಯಾಲಬೈಲ್ ಅವರಿಗೆ ತುಳು ವರ್ಲ್ಡ್ ಸಮ್ಮಾನ್ ನೀಡಿ ಗೌರವಿಸಲಾಯಿತು.

‌        ತುಳುವರ್ಲ್ಡ್ ಪ್ರಜ್ವಲ್ ಆಕ್ಟಿಂಗ್ ಕ್ಲಾಸ್ ತರಬೇತುದಾರರಾದ ಡಾ. ಅಶೋಕ್ ಕುಮಾರ್ ಕಾಸರಗೋಡು, ಜಿ. ಎ. ಬೋಳಾರ್, ಪ್ರಜ್ವಲ್ ಪೂಜಾರಿ, ರೂಪೇಶ್ ರೋಹಿತ್ ಶೆಟ್ಟಿ, ಅನ್ವಿತಾ ಅರವಿಂದ್ ಇವರನ್ನು ಅಭಿನಂದಿಸಲಾಯಿತು. ಕೆದಂಬಾಡಿ ಜತ್ತಪ್ಪ ರೈಗಳ ಅಸನಿಯಾಗಿ ಕಾಂತಗ ಜೋಗಿ ಕಾವ್ಯದ ವಾಚನವನ್ನು ಪ್ರಶಾಂತ್ ರೈ ಪುತ್ತೂರು ಮತ್ತು ಅಮೃತಾ ಅಡಿಗ ಪಾಣಾಜೆ ಇವರ ಸುಶ್ರಾವ್ಯ ಕಂಠದಲ್ಲಿ ವಾಚಿಸಿದರೆ, ತುಳುನಾಡಿನಲ್ಲಿ ನಡೆದ ಘಟನೆಯಂತೆ ಇರುವ ಈ ಕಾವ್ಯದ ಪ್ರವಚನವನ್ನು ಭಾಸ್ಕರ್ ರೈ ಕುಕ್ಕುವಳ್ಳಿ ಮನೋಜ್ಞವಾಗಿ ಮನವರಿಕೆ ಮಾಡಿದರು ಮತ್ತು ಮದ್ದಳೆಯಲ್ಲಿ ಕೌಶಲ್ ಮೂಡಬಿದ್ರೆ ಸಹಕರಿಸಿದರು. ಈ ಸಂದರ್ಭದಲ್ಲಿ ತುಳು ವರ್ಲ್ಡ್ ಚಾನಲ್ ನಲ್ಲಿ ಪ್ರಸಾರವಾಗುವ ಅನಾವರಣ ಕಾರ್ಯಕ್ರಮದ ಬಿಡುಗಡೆ ನಡೆಯಿತು. ಪತ್ರಕರ್ತ ರವಿ ನಾಯ್ಕಾಪು ಕಾರ್ಯಕ್ರಮ ನಿರೂಪಿಸಿದರು. ಡಾ. ರಾಜೇಶ್ ಆಳ್ವ ಸ್ವಾಗತಿಸಿದರು.

Read Post | comments

ತುಳುನಾಡಿನ ಸಂಸ್ಕೃತಿಗೆ ವ್ಯವಸ್ಥಿತ ಧಾರ್ಮಿಕ ಚೌಕಟ್ಟು ಇದೆ: ಎ.ಕೆ.ಜಯರಾಮ ಶೇಖ

ಮಂಗಳೂರು: 'ತುಳುನಾಡಿನ ಪ್ರತಿಯೊಂ ದು ಸಾಂಸ್ಕೃತಿಕ ಜನಪದ ವೈವಿಧ್ಯತೆಗಳಿಗೆ ಧಾರ್ಮಿಕ ಚೌಕಟ್ಟಿನ ಅಡಿಪಾಯ ಇದೆ. ಆದುದರಿಂದಲೇ ಅಮೇರಿಕದಂತಹ ದೇಶಗಳಲ್ಲಿ ನಮ್ಮ ಯಕ್ಷಗಾನವನ್ನು ಪ್ರದರ್ಶಿದಾಗ ಸಭಾಂಗಣ ತುಂಬಿ ತುಳುಕಿ ಜನರು ಆಸಕ್ತಿಯಿಂದ ವೀಕ್ಷಿಸುತ್ತಿದ್ದಾರೆ. ಹಾಗೆಯೇ ಪ್ರತಿಯೊಬ್ಬರೂ ಇಲ್ಲಿನ ಜಾನಪದ ಸಾಹಿತ್ಯ ಮತ್ತು ಸಾಂಸ್ಕೃತಿಕತೆಯನ್ನು ಅರಿತು ಅಳವಡಿಸಿಕೊಳ್ಳುವುದು ಒಳಿತು'  ಎಂದು ಇತ್ತೀಚೆಗೆ ಅಮೇರಿಕಾ ಪ್ರವಾಸ ಮಾಡಿ ಬಂದ ಹಿರಿಯ ಸಮಾಜಸೇವಕರು ಹಾಗೂ ಸಾರಿಗೆ ಉದ್ಯಮಿಗಳಾದ ಎ.ಕೆ.ಜಯರಾಮ ಶೇಖ ಹೇಳಿದರು.
    ತುಳು ವರ್ಲ್ಡ್ ಮತ್ತು ತುಳುವೆರೆ ಕೂಟ ಶಕ್ತಿನಗರ ಇವುಗಳ ಜಂಟಿ ಆಶ್ರಯದಲ್ಲಿ ಜರಗಿದ 'ಏಳದೆ ಮಂದಾರ ರಾಮಾಯಣ ಸುಗಿಪು-ದುನಿಪು ' ಕಾರ್ಯಕ್ರಮದ ಆರನೇ ದಿನದ ಪ್ರವಚನಕ್ಕೆ ದೀಪ ಬೆಳಗಿ ಚಾಲನೆ ನೀಡಿ ಅವರು ಮಾತನಾಡಿದರು.ಸಮಾರಂಭದಲ್ಲಿ ಮುತ್ತಪ್ಪ ಸೇವಾ ಸಮಿತಿಯ ಶಂಕರ್ ನಾಯರ್ ದಂಪತಿಗಳನ್ನು ಗೌರವಿಸಲಾಯಿತು. ಪದವು ಕ್ಲಬ್ಬಿನ ಅಧ್ಯಕ್ಷ ಕುಶಾಲ್ ಕುಮಾರ್, ತುಳುವೆರೆ ಕೂಟದ ಭಾರತಿ ಜಿ. ಅಮೀನ್, ಸುಧಾಕರ್ ಜೋಗಿ, ವಿಶ್ವನಾಥ್, ಹರ್ಷ ರೈ ಪುತ್ರಕಲ, ಭೂಷಣ್ ಕುಲಾಲ್ ಮೊದಲಾದವರು ಉಪಸ್ಥಿತರಿದ್ದರು.
       ಮಂದಾರ ರಾಮಾಯಣ ಸಪ್ತಾಹದ ಸಂಚಾಲಕ ಪ್ರೊ.ಭಾಸ್ಕರ ರೈ ಕುಕ್ಕುವಳ್ಳಿ ಸ್ವಾಗತಿಸಿ ಪ್ರಸ್ತಾವನೆಗೈದರು. ತುಳುವರ್ಲ್ಡ್ ಅಧ್ಯಕ್ಷ ಡಾ.ರಾಜೇಶ್ ಆಳ್ವ ಬದಿಯಡ್ಕ ವಂದಿಸಿದರು, ಶೃತಿ ಹರ್ಷ ಕಾರ್ಯಕ್ರಮ ನಿರ್ವಹಿಸಿದರು ‌

ತೆಲಿಪುನಡೆ ಬುಲಿಪು
  ‌   ಮಂದಾರ ರಾಮಾಯಣದ ಆರನೇ  ಅಧ್ಯಾಯ 'ತೆಲಿಪುನಡೆ ಬುಲಿಪು' ಕಾವ್ಯಭಾಗದ ವಾಚನವನ್ನು ಹರಿದಾಸ ಮಹಾಬಲ ಶೆಟ್ಟಿ ಕೂಡ್ಲು ಮತ್ತು ಆಕಾಶವಾಣಿ ಕಲಾವಿದೆ ಸಿದ್ದಕಟ್ಟೆ ಮಲ್ಲಿಕಾ ಅಜಿತ್ ಶೆಟ್ಟಿ ಹಾಗೂ ಪ್ರವಚನವನ್ನು ಜಾನಪದ ತಜ್ಞ ದಯಾನಂದ ಕತ್ತಲ್ ಸಾರ್ ನಡೆಸಿಕೊಟ್ಟರು.

Read Post | comments

ಏಳದೆ ಮಂದಾರ ರಾಮಾಯಣ: ಸುಗಿಪು - ದುನಿಪು' ಉದ್ಘಾಟನೆ ಮಂದಾರ ರಾಮಾಯಣ ತುಳುನಾಡಿನ ಅಸ್ಮಿತೆಯನ್ನು ಸಾರುವ ಮಹಾಕಾವ್ಯ : ಡಾ. ಪ್ರಭಾಕರ ಜೋಶಿ

ಮಂಗಳೂರು: 'ಮೂಲ ರಾಮಾಯಣದ ಕಥೆಯನ್ನೇ ಆಧರಿಸಿ ಮಂದಾರ ಕೇಶವ ಭಟ್ಟರು ರಾಮಾಯಣ ಬರೆದಿದ್ದರೂ ಸನ್ನಿವೇಶಗಳೆಲ್ಲವೂ ಮನಸ್ಸಿಗೆ ಮುಟ್ಟುವಂತೆ ಹಾಗೂ ಸುಲಭವಾಗಿ ಅರ್ಥವಾಗುವಂತೆ ಮಂದಾರ ರಾಮಾಯಣ ಮೂಡಿಬಂದಿದೆ. ಮೂಲತಹ ಕರಾಡ ಭಾಷಿಕರಾಗಿದ್ದರೂ ಅವರ ತುಳುವಿನ ಪ್ರೇಮ ಈ ಗ್ರಂಥದಲ್ಲಿ ಪ್ರಜ್ವಲಿಸುತ್ತಿದೆ. ತುಳುವಿನ ಭಾಷಾ ಪ್ರೌಢಿಮೆ ಶಬ್ದ ಭಂಡಾರಗಳು ಹಾಗೂ ತುಳುನಾಡಿನ ಆಚಾರ ವಿಚಾರ,ಪ್ರಕೃತಿ ಸೌಂದರ್ಯ ಈ ತುಳು ಮಹಾಕಾವ್ಯದಲ್ಲಿ ಎದ್ದು ತೋರುವುದರಿಂದ ಇದು ತುಳುನಾಡಿನ ಅಸ್ಮಿತೆಯನ್ನು ಸಾರುವ ಮೇರು ಕೃತಿ' ಎಂದು ಹಿರಿಯ ಯಕ್ಷಗಾನ ಅರ್ಥಧಾರಿ ಮತ್ತು ವಿದ್ವಾಂಸ ಡಾ.ಎಂ.ಪ್ರಭಾಕರ ಜೋಶಿ ಹೇಳಿದ್ದಾರೆ. 

          ತುಳುವರ್ಲ್ಡ್ ಕುಡ್ಲ ಹಾಗೂ ತುಳುವೆರೆ ಕೂಟ ಶಕ್ತಿನಗರ ಇವುಗಳ ಸಂಯುಕ್ತ ಆಶ್ರಯದಲ್ಲಿ ಶಕ್ತಿನಗರದ ತುಳುವೆರೆ ಚಾವಡಿಯಲ್ಲಿ ನಡೆಯುತ್ತಿರುವ 'ಏಳದೆ ರಾಮಾಯಣ: ಸುಗಿಪು - ದುನಿಪು' ಕಾರ್ಯಕ್ರಮದ ಉದ್ಘಾಟನಾ ಸಮಾರಂಭದಲ್ಲಿ ಮಂದಾರ ಕೇಶವ ಭಟ್ಟರ ಕುರಿತು ಅವರು ಮಾತನಾಡಿದರು. 'ಪ್ರತಿಯೊಂದು ಅಧ್ಯಾಯಕ್ಕೂ ತುಳುವಿನ ಸೂಕ್ತವಾದ ಶಿರೋನಾಮೆಯನ್ನು ನೀಡುವಲ್ಲಿ ಕೇಶವ ಭಟ್ಟರು ತನ್ನ ಸಾಹಿತ್ಯ ಪ್ರೌಢಿಮೆಯನ್ನು ತೋರಿಸಿದ್ದಾರೆ. ಇಂತಹ ಮಹಾನ್ ಗ್ರಂಥವು ಯಾವುದೇ ಭಾರತೀಯ ಮಹಾಕಾವ್ಯಗಳಿಗೆ ಕಡಿಮೆಯಲ್ಲ. ಮಂದಾರ ಕೇಶವ ಭಟ್ಟರ 101ನೇ ಜನ್ಮ ವರ್ಷದಲ್ಲಿ ಇಂತಹ ಕಾರ್ಯಕ್ರಮವನ್ನು ಹಮ್ಮಿಕೊಂಡಿರುವುದು ನಿಜವಾಗಲೂ ಶ್ಲಾಘನೀಯ,' ಎಂದವರು ಸಂಘಟಕರನ್ನು ಅಭಿನಂದಿಸಿದರು.

      ಕಾರ್ಯಕ್ರಮವನ್ನು ಕರ್ನಾಟಕ ತುಳು ಸಾಹಿತ್ಯ  ಅಕಾಡೆಮಿಯ ಅಧ್ಯಕ್ಷರಾದ ಎ ಸಿ ಭಂಡಾರಿ ಉದ್ಘಾಟಿಸಿದರು. ತುಳುವೆರೆ ಆಯನ ಕೂಟ ಮಂಗಳೂರು ಇದರ ಗೌರವಾಧ್ಯಕ್ಷ ಡಾ. ಆರೂರು ಪ್ರಸಾದ್ ರಾವ್ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ನಮ್ಮ ತುಳುನಾಡು ಟ್ರಸ್ಟ್ ಇದರ ಗೌರವಾಧ್ಯಕ್ಷ ಹರಿಕೃಷ್ಣ ಪುನರೂರು ದೀಪ ಬೆಳಗಿಸಿ ವಾಚನ ಪ್ರವಚನ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಕಾರ್ಯಕ್ರಮದಲ್ಲಿ ಡಾ. ಜಯಚಂದ್ರ ವರ್ಮಾ ರಾಜ ಮಾಯಿಪ್ಪಾಡಿ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯರಾದ ಶಿವಾನಂದ ಕರ್ಕೇರ, ಸಂಘಟಕ ನವನೀತ ಶೆಟ್ಟಿ ಕದ್ರಿ, ಮಂದಾರ ಶಾರದಾಮಣಿ, ಅಖಿಲ ಭಾರತ ತುಳು ಒಕ್ಕೂಟದ ಕೋಶಾಧಿಕಾರಿ ಕರುಣಾಕರ ಶೆಟ್ಟಿ ಮುಲ್ಕಿ, ಬಿಕರ್ನಕಟ್ಟೆ ವೀರಾಂಜನೇಯ ವ್ಯಾಯಾಮ ಶಾಲೆಯ ಅಧ್ಯಕ್ಷ ಚಂದ್ರಶೇಖರ ಕರ್ಕೇರ, ತುಳುವೆರೆ ಕೂಟದ ಉಪಾಧ್ಯಕ್ಷ ಯನ್  ವಿಶ್ವನಾಥ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಸದಸ್ಯ ದುರ್ಗಾ ಮೆನನ್, ಮೊದಲಾದವರು ಮುಖ್ಯ ಅತಿಥಿಗಳಾಗಿ ಉಪಸ್ಥಿತರಿದ್ದರು.

ಮಂದಾರ ಸಮ್ಮಾನ್

 ಈ ಸಂದರ್ಭದಲ್ಲಿ ಡಾ. ಆರೂರು ಪ್ರಸಾದ್ ರಾವ್, ಎ ಸಿ ಭಂಡಾರಿ, ಡಾ. ಎಂ. ಪ್ರಭಾಕರ ಜೋಶಿ, ಹರಿಕೃಷ್ಣ ಪುನರೂರು, ಡಾ. ಜಯಚಂದ್ರ ವರ್ಮ ರಾಜ ಮಾಯಿಪ್ಪಾಡಿ ದಂಪತಿ  ಇವರನ್ನು ಮಂದಾರ ಸಮ್ಮಾನ್ ನೀಡಿ ಗೌರವಿಸಲಾಯಿತು. ಮಂದಾರ ರಾಮಾಯಣ ಸಪ್ತಾಹ ಸಂಚಾಲಕ ಪ್ರೊ.ಭಾಸ್ಕರ ರೈ ಕುಕ್ಕುವಳ್ಳಿ ಆಶಯ ಭಾಷಣ ಮಾಡಿ ಸನ್ಮಾನಿತರನ್ನು ಅಭಿನಂದಿಸಿದರು.

      ತುಳು ವರ್ಲ್ಡ್ ಅಧ್ಯಕ್ಷ ಡಾ. ರಾಜೇಶ್ ಆಳ್ವ ಬದಿಯಡ್ಕ ಪ್ರಾಸ್ತಾವಿಕವಾಗಿ ಮಾತನಾಡಿದರು. ತುಳುವೆರೆ ಕೂಟ ಶಕ್ತಿನಗರದ ಅಧ್ಯಕ್ಷೆ ಭಾರತಿ ಜಿ. ಅಮೀನ್ ಸ್ವಾಗತಿಸಿದರು. ತುಳುವೆರೆ ಕೂಟದ ಕಾರ್ಯದರ್ಶಿ ಸುಧಾಕರ ಜೋಗಿ ವಂದಿಸಿದರು. ದಯಾನಂದ ಕತ್ತಲ್ ಸಾರ್ ಕಾರ್ಯಕ್ರಮ ನಿರೂಪಿಸಿದರು.

ನಾಂದಿ ವಾಚನ: ಪುಂಚದ ಬಾಲೆ

       ಉದ್ಘಾಟನಾ ಸಮಾರಂಭದ ಬಳಿಕ ನಾಂದಿ ವಾಚನಕ್ಕಾಗಿ  ಮಂದಾರ ರಾಮಾಯಣ ಗ್ರಂಥದ ಪ್ರತಿಯನ್ನು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷ ಎ ಸಿ ಭಂಡಾರಿ ಪ್ರವಚನಕಾರರಿಗೆ ಹಸ್ತಾಂತರಿಸಿದರು. ನಂತರ 'ಏಳದೆ ಮಂದಾರ ರಾಮಾಯಣ'ದ ಪ್ರಥಮ ಅಧ್ಯಾಯ 'ಪುಂಚದ ಬಾಲೆ'  ಸುಗಿಪು - ದುನಿಪು ನಡೆಯಿತು. ಪ್ರೊ.ಭಾಸ್ಕರ ರೈ ಕುಕ್ಕುವಳ್ಳಿ ಪ್ರವಚನ ನಡೆಸಿಕೊಟ್ಟರು;   ತೋನ್ಸೆ ಪುಷ್ಕಳ ಕುಮಾರ್ ಹಾಗೂ ಮಂಜುಳಾ ಜಿ. ರಾವ್ ಇರಾ ಕಾವ್ಯವನ್ನು ವಾಚಿಸಿದರು.

Read Post | comments

ಜುಲೈ 25ರಿಂದ 31ರ ವರೆಗೆ “ಏಳದೆ ಮಂದಾರ ರಾಮಾಯಣ ಪಾರಾಯಣ”

ಆಟಿ ತಿಂಗಳು ತುಳುನಾಡಿನ ಧಾರ್ಮಿಕ ಸಂಸ್ಕøತಿಯಲ್ಲಿ ಪ್ರಧಾನ ಪಾತ್ರ ವಹಿಸಿದೆ. ಆಟಿ ತಿಂಗಳು ಅನಿಷ್ಠಗಳ ಕಾಲ, ರೋಗರುಜಿನಗಳ ಕಾಲ, ಪ್ರಾಕೃತಿಕ ವಿಕೋಪಗಳು ಉಂಟಾಗುವ ಕಾಲ. ಈ ಸಮಯದಲ್ಲಿ  ಜನರ ಕಷ್ಟಕಾರ್ಪಣ್ಯಗಳನ್ನು ಕಳೆಯಲು ಮತ್ತು ಧೈರ್ಯ ಯಶಸ್ಸು ಲಭಿಸಲು ಪ್ರತಿ ಮನೆಗಳಲ್ಲಿ ರಾಮನಾಮ ಜಪ- ರಾಮಾಯಣ ಪಾರಾಯಣಗಳು ನಡೆಯುತ್ತಿತ್ತು. ಈಗಲೂ ಹಲವು ಕಡೆ ಈ ಸಂಪ್ರದಾಯ ನಡೆದು ಬರುತ್ತಿದೆ. ಅದರೆ ಅನ್ಯ ಭಾಷಾ ವ್ಯಾಖ್ಯಾನ-ವಾಚನಗಳು ತುಳುನಾಡಿಗರಿಗೆ ಅರಗಿಸಿಕೋಳ್ಳಲು ಕಷ್ಟ. ಈ ನಿಟ್ಟಿನಲ್ಲಿ ತುಳುವ ವಾಲ್ಮೀಕಿ ಎಂದೇ ಪ್ರಸಿಧ್ಧರಾದ ಮಂದಾರ ಕೇಶವ ಭಟ್ಟರು ಬರೆದ ಪ್ರಸಿದ್ದ ತುಳು ಕಾವ್ಯ ಮಂದಾರ ರಾಮಾಯಣ ತುಳುನಾಡಿಗೆ ದೊಡ್ಡ ಕೊಡುಗೆ. ಅಲ್ಲದೆ ಮಂದಾರ ಕೇಶವ ಭಟ್ಟರ ಜನ್ಮ ಶತಮಾನೋತ್ಸವದ ಈ ಸಂದರ್ಭದಲ್ಲಿ ಅವರ ಮಹಾ ಕಾವ್ಯಕ್ಕೆ ಮನ್ನಣೆ ನೀಡಬೇಕೆಂಬ ಉದ್ದೇಶದಿಂದ  ತುಳುವರ್ಲ್ಡ್ ಕುಡ್ಲ ತುಳುವೆರೆ ಕೂಟ ಶಕ್ತಿನಗರ ಇದರ ಸಹಯೋಗದೊಂದಿಗೆ (ಏಳದೆ ಮಂದಾರ ರಾಮಾಯಣ) ಮಂದಾರ ರಾಮಾಯಣ ಪಾರಾಯಣ ಸಾಪ್ತಾಹ ತುಳು ವ್ಯಾಖ್ಯಾನ-ವಾಚನ ಆಯೋಜಿಸಲಾಗಿದೆ.

ಜುಲೈ 25ರಿಂದ 31ರ ವರೆಗೆ ತುಳುವ ಚಾವಡಿ -ತುಳುವೆರೆ ಕೂಟ ಶಕ್ತಿನಗರದಲ್ಲಿ ಜರಗುವ “ಏಳದೆ ಮಂದಾರ ರಾಮಾಯಣ”ದಲ್ಲಿ ನಾಡಿನ ಹೆಸರಾಂತ ವಿವಿಧ ವಾಚನಕಾರರು ಮತ್ತು ವ್ಯಾಖ್ಯಾನಕಾರರಿಂದ ವ್ಯಾಖ್ಯಾನ-ವಾಚನ ನಡೆಯಲಿದೆ, ಜುಲೈ 25ರಂದು ಉದ್ಘಾಟನಾ ಸಮಾರಂಭ ನಡೆಯಲಿದ್ದು  ಜುಲೈ 31ರಂದು ಸಮಾರೋಪಗೊಳ್ಳಲಿದೆ, ಸಮಾರಂಭದಲ್ಲಿ ಧಾರ್ಮಿಕ, ಸಾಹಿತ್ಯಿಕ ಚಿಂತಕರಾದ ವಿವಿಧ ಗಣ್ಯರು ಪಾಲ್ಗೊಳ್ಳಲಿದ್ದಾರೆ. ಹಾಗೂ ಮಂದಾರ ರಾಮಾಯಣದ ಪ್ರಸಾರಕ್ಕೆ ಶ್ರಮಿಸುತ್ತಿರುವವರಿಗೆ ಮಂದಾರ ಸನ್ಮಾನ ನೀಡಿ ಗೌರವಿಸಲಾಗುವುದು. ಈ ಬಗ್ಗೆ ಶಕ್ತಿನಗರ ತುಳುವೆರೆ ಚಾವಡಿಯಲ್ಲಿ ನಡೆದ ಸಮಾಲೋಚನಾ ಸಭೆಯ ಅಧ್ಯಕ್ಷತೆಯನ್ನು ಶ್ರೀಮತಿ ಭಾರತಿ ಜಿ. ಅಮಿನ್ ವಹಿಸಿದರು, ಡಾ. ರಾಜೇಶ್ ಆಳ್ವ ಅವರು ಕಾರ್ಯಕ್ರಮದ ರೂಪುರೇಷೆಗಳನ್ನು ನೀಡಿದರು. ಸಭೆಯಲ್ಲಿ ಎನ್. ವಿಶ್ವನಾಥ್, ಎಸ್. ಸುಧಾಕರ ಜೋಗಿ, ರಮೇಶ್ ಕುಮಾರ್, ಶ್ರೀಮತಿ ಸುಂದರಿ, ಶ್ರೀಮತಿ ವಿಮಲ, ಉದಯ ಕುಮಾರ್ ನಾಯ್ಕ್, ಸುರೇಶ್ ಕುಕ್ಯಾನ್ ಮೊದಲಾದವರು ಉಪಸ್ಥಿತರಿದ್ದರು.

Read Post | comments

ಬ್ಯಾಂಕಾಕ್‌ನಲ್ಲಿ ಮೇಳೈಸಿದ ತುಳುವರೆ ಮಿನದನ ವಿಶ್ವತುಳು ಸಮ್ಮೇಳನಕ್ಕೆ ಬುನಾದಿ : ನವೀನ್ ರೋಶ್ ಪಿಂಟೋ

ಭಾಷೆ ಮತ್ತು ಸಂಸ್ಕೃತಿಯ ಹೆಸರಲ್ಲಿ ಜಗತ್ತಿನಲ್ಲಿ ಎಲ್ಲೇ  ಇದ್ದರೂ ಸಂಘಟಿತರಾಗುವಲ್ಲಿ ಮೊದಲಿಗರು ತುಳುವರು. ನಂಬಿಕೆ, ಧರ್ಮ, ಆಹಾರ ಪದ್ದತಿ, ಧಿರಿಸು, ಸಾಮಾಜಿಕ, ಅರ್ಥಿಕ ಸ್ಥಾನಮಾನಗಳ ನಡುವೆ ಅಂತರವಿದ್ದರೂ ತುಳು ಎಂದು ಹೇಳುವಾಗ ಒಗ್ಗಟ್ಟಾಗುತ್ತಾರೆ. ಬ್ಯಾಂಕಾಕ್ ತುಳುಕೂಟ ನೇತೃತ್ವದಲ್ಲಿ ನಡೆದ ತುಳುವೆರೆ ಮಿನದನವು ತುಳುನಾಡಿನ ಸಂಸ್ಕೃತಿ, ಸಾಮರಸ್ಯದ ಪ್ರತೀಕವಾಗಿದೆ ಮತ್ತು ಈ ಸಮಾರಂಭವು ಮುಂದೆ ಬ್ಯಾಂಕಾಕ್‌ನಲ್ಲಿ ವಿಶ್ವತುಳು ಸಮ್ಮೇಳನನ ಪ್ರೇರಣೆ ಹಾಗೂ ತಿ್ ಇತ್ತೀಚೆಗೆ ಬ್ಯಾಂಕಾಕ್‌ನಲ್ಲಿ ತುಳುವರ್ಲ್ಡ್ ಮಂಗಳೂರು ನಡೆಸಿದ ತುಳು ಕನ್ನಡ ಸ್ನೇಹ ಸಮ್ಮೇಳನ ನಮ್ಮಲ್ಲಿ ಇಲ್ಲಿ ಕಾರ್ಯಕ್ರಮ ನಡೆಸುವ ಧೈರ್ಯ ತುಂಬಿತ್ತು ಎಂದು ಬ್ಯಾಂಕಾಕ್ ತುಳುಕೂಟದ ಅಧ್ಯಕ್ಷ  ನವೀನ್ ರೊಶ್ ಪಿಂಟೋ ಹೇಳಿದರು. ಅವರು ಬ್ಯಾಂಕಾಕ್ ತುಳುಕೂಟ ನೇತೃತ್ವದಲ್ಲಿ ನಡೆದ ತುಳುವರೆ ಮಿನದನ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ಮುಖ್ಯ ಅತಿಥಿಗಳಾಗಿ ಮ್ಯಾಜಿಷ್ಯನ್ ಕುದ್ರೋಳಿ ಗಣೇಶ್, ಸಕಲಕಲಾ ವಲ್ಲಭ ಉಮೇಶ್ ಮಿಜಾರ್, ಕುಸಲ್ದ ಬಿರ್ಸೆ ಸಂದೀಪ್ ಶೆಟ್ಟಿ ಮಾಣಿಬೆಟ್ಟು  ಭಾಗವಹಿಸಿ ಕಾರ್ಯಕ್ರಮದ ಮೆರುಗು ಹೆಚ್ಚಿಸಿದರು ಮತ್ತು ವಿವಿಧ ಕಾರ್ಯಕ್ರಮಗಳನ್ನು ನೀಡಿ ರಂಜಿಸಿದರು. ಶ್ರೀಮತಿ  ಅಕ್ಷಾತ ಪ್ರವೀಣ್ ಮತ್ತು ಪ್ರಮೀತಾ ಆನಂದ ಅವರ ಪ್ರಾರ್ಥನೆಯೊಂದಿಗೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು. ಬ್ಯಾಂ
ತುಳುಕೂಟದ ಪದಾಧಿಕಾರಿಗಳಾದ ವಿನಯ್ ರೈ, ವಿನ್ಸೆಂಟ್ ಡೇನಿಯಲ್ ಪಿಂಟೋ, ಸತೀಶ ಶೆಟ್ಟಿ, ಹಭೀಬುಲ್ಲಾ ಸಾಹೇಬ್ ಕಟಪ್ಪಾಡಿ , ಸತೀಶ್ ಶೆಟ್ಟಿ ಮತ್ತು ನಯಿಂ ಮುಹಮ್ಮದ್  ಯವರು ಜಂಟಿಯಾಗಿ ದೀಪ ಬೆಳಗಿಸಿದರು.

ಮ್ಯಾಜಿಷ್ಯನ್ ಕುದ್ರೋಳಿ ಗಣೇಶ್ ರವರಿಗೆ ಮೈಕಲ್ ವೇಗಸ್, ರವೀಂದ್ರ ಅಮೀನ್ ಮತ್ತು ಶಿವ ಪೂಜಾರಿ ಅವರು ಉಮೇಶ್ ಮಿಜಾರ್ ರವರಿಗೆ ನಿತಿನ್ ಪ್ರಭು, ಶಿವ ಪ್ರಸಾದ್, ಗುರು ಪ್ರಸಾದ್  ರವರು ಗೌರವಿಸಿದರು. ಲಾರ್ಸನ್ ಟೌರೋ , ಶರೀಕ್ ಹುಸೇನ್,ಮತ್ತು ಜೀವನ್ ಲೋಬೊ ಇವರು ಸಂದೀಪ್ ಶೆಟ್ಟಿ ಮಾಣಿ ಬೆಟ್ಟು ಇವರನ್ನು ಗೌರವಿಸಿದರು. ಈ ಸಂದರ್ಭದಲ್ಲಿ ಇತ್ತಿÃಚೆಗೆ ನಿಧನರಾದ ರೊಬರ್ಟ್ ಕಿರಣ್ ಬರೇಟ್ಟೊ ಅವರಿಗೆ ಮೌನ ಪ್ರಾರ್ಥನೆಯೊಂದಿಗೆ ಸಂತಾಪ ಸೂಚಿಸಲಾಯಿತು.

 ಕೂಟದ ಸದಸ್ಯರಿಗೆ ಕಾರ್ಯಕ್ರಮದಲ್ಲಿ ತುಳುನಾಡಿನ ಪ್ರಸಿದ್ದ ಕುಣಿತವಾದ ಪಿಲಿ ನಲಿಕೆ ಸ್ಪರ್ಧೆ ಏರ್ಪಡಿಸಲಾಗಿತ್ತು. ಸ್ಪರ್ಧೆಯ ನಿರ್ಣಾಯಕರಾಗಿ ಶ್ರೀಮತಿ ಡೆಲೋರ ಲೋರೆನ್ ಪಿಂಟೊ, ಶ್ರೀಮತಿ ಸುಪ್ರಭಾ ಶೆಟ್ಟಿ , ಶ್ರೀಮತಿ ಮಾರ್ಗರೆಟ್ ಟಾರೊ ಭಾಗವಹಿಸಿದರು.. ಶ್ರೀಮತಿ ಡೆಲೊರಾ ಲೋರೈರ್ ಪಿಂಟೊ ಮತ್ತು ವಿನೋಲ್ ಡಿ. ಸೋಜ ಅವರು ಮಕ್ಕಳಿಗೆ ವಿವಿಧ ಸ್ಪರ್ಧೆಗಳನ್ನು ಆಯೋಜಿಸಿದರು. ಶ್ರೀಮತಿ ಜಾನ್ ವಿಲ್ಸನ್ ಪಿಂಟೊ ಛಾಯಾಗ್ರಾಹಕರಾಗಿ ಸಹಕರಿಸಿದರು.  ತುಳು ಹಾಡು, ನೃತ್ಯಗಳೊಂದಿಗೆ ಕಾರ್ಯಕ್ರಮ ವರ್ಣರಂಜಿತವಾಗಿ ಮುಕ್ತಾಯಗೊಳ್ಳುವಾಗ ಯಶೋಧರ ಪೂಜಾರಿಯವರು ತಯಾರಿಸಿದ ತುಳುನಾಡಿನ ಆಹಾರ ಉಪಚಾರಗಳೊಂದಿಗೆ  ಅವಿಸ್ಮರಣೀಯವಾಯಿತು. ಪ್ರವೀಣ್ ಕುಮಾರ್  ಧೊಳ್ಟ್ಯಾತ್ತ   ಕಾರ್ಯಕ್ರಮವನ್ನು ನಿರೂಪಣೆ ಮಾಡಿದರು

Read Post | comments

ಆನಂದ ಚಲನಚಿತ್ರ ಚಿತ್ರಿಕರಣಕ್ಕೆ ಕೇರಳದ ಪೊಟ್ಟಂ ತೆಯ್ಯಂ ಕೋಲ ಮತ್ತು ಕೆಂಡಸೇವೆ.

ಶಿವರಾಜ್ ಕುಮಾರ್ ಮತ್ತು ರಚಿತಾ ರಾಮ್ ಅಭಿನಯದ ಆನಂದ ಚಿತ್ರೀಕರಣಕ್ಕೆ ಕೇರಳದ ಪೊಟ್ಟಂ ತೆಯ್ಯಂಮೀನ ಕೋಲ ನಡೆಸಿ ಚಿತ್ರೀಕರಣದ ಒಂದು ಭಾಗವನ್ನು ಪೊಳಲಿ ರಾಜರಾಜೇಶ್ವರಿ ದೇವಸ್ಥಾನದ ಬಳಿ ಚಿತ್ರೀಕರಿಸಲಾಯಿತು. ಕರ್ನಾಟಕ ಜನಪದ ಪ್ರಶಸ್ತಿವಿಜೇತ ಕೇರಳದ ತೆಯ್ಯಂ  ನರ್ತಕ ಮನು ಪಣಿಕರ್ ಮತ್ತು ಬಳಗದವರಿಂದ ಪೊಟ್ಟಂ ತೆಯ್ಯಂ ಕೋಲ ಮತ್ತು ಕೆಂಡಸೇವೆ ನಡೆಸಲಾಯಿತು.

ನಟಿ ರಚಿತಾ ರಾಮ್ಗೆ ಅಗ್ನಿಯ ಬಗ್ಗೆ ಇರುವ ಭಯವನ್ನು ಹೋಗಲಾಡಿಸುವ ದೃಶ್ಯವನ್ನು ನೈಜ ದೈವ ಸೇವೆಯನ್ನು ನೀಡಿ ಚಿತ್ರೀಕರಿಸಲ್ಪಟ್ಟದ್ದು ದೈವಾರಾಧನೆಗೆ ನೀಡಿದ ಗೌರವವಾಗಿತ್ತು. ಚಿತ್ರಿಕರಣದ ದೈವಾರಾಧನೆಯ ವ್ಯವಸ್ಥೆಯನ್ನು ತುಳುವರ್ಲ್ಡ್ ಮಂಗಳೂರು ವಹಿಸಿ ಚಿತ್ರತಂಡದ ಶ್ಲಾಘನೆಗೆ ಪಾತ್ರವಾಯಿತು.

ನಿರ್ಮಾಪಕ ದ್ವಾರಕೀಶ್ ಯೋಗೇಶ್ ನಿರ್ದೇಶಕ ಪಿ ವಾಸು ಸಂಗೀತ ನಿರ್ದೇಶಕ ಗುರುಕಿರಣ್ ಚಿನ್ನರ ಲೋಕ ಟ್ರಸ್ಟಿನ ಮೋಹನದಾಸ ಕೊಟ್ಟಾರಿ ತುಳುವರ್ಲ್ಡ್ ಅಧ್ಯಕ್ಷ ಡಾ. ರಾಜೇಶ್ ಆಳ್ವ ತುಳುವರ್ಲ್ಡ್ ಸದಸ್ಯರಾದ ನಿಶಾಂತ್ ಬದಿಯಡ್ಕ ಹರ್ಷ ರೈ ಪುತ್ರಕಳ ಮೊದಲಾದವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

Read Post | comments