ಆನೆಯೇ ಆರ್....!
ಆರೆಗಾರೇ ಸಮ....!
*ಆನಂದ ಕೃಷ್ಣ*
ತುಳುಬದ್ ಕ್ ದ ನಂದಾದೀಪ...!
ತೆಕ್ಕ್ಂಡತ್ತೇ....!
ಕರಿಯವಜ್ಜೆರ್ ಕತೆ ಪನ್ಪಿನೆನ್ ಉಂತಾಯೆರ್
ಪಿಲಿಪತ್ತಿ ಗಡಸ್ ಬುಲ್ತುಂಡ್....!
*ಮಿತ್ತಬೈಲ್ ಯಮುನಕ್ಕ* ತುಳುರಾಜ್ಯೊಡು ರಾಜಮಲ್ತೊಂದೇ ದುಕ್ಕೊಡು ಬಿಕ್ಕಿಯಲ್..!
ನಾಟಕೊದ ಗದ್ದಿಗೆ, ಬೆನ್ನಿದ ಕಂಡ, ಬುಲೆಯಿ ಬಜ್ಜೆಯಿ, *ಮುಂಗಾರು* ದ ನೇಸರ್ ಕಂತ್ಂದಾಂಡ್....!
ನೈಜೀರಿಯೊಡ್ದು ಕೊನಬತ್ತಿ ಸೊತ್ತುನು ಬಿತ್ತ್ ಬುಲೆದ್ ತುಳುವಪ್ಪೆನ ಸಿರಿಮುಡಿನ್ ಬಂಗಾರ್ ಕುರಲ್ಡ್ ಮುಡಿಪಾಯಿನಾರೆನ ಮುಗಿತಲತ ಪರದೆ ಪಾಡಿಯರತ್ತೇ....!
ವಾವೊಂಜಿ ಗತ್ತ್ ಗಮ್ಮತ್ತ್...!
ಏತೊಂಜಿ ಸೊತ್ತು ಇತ್ತ್ಂಡ್ಲಾ ಮುತ್ತು ಕೋತಿಲೆಕ ಮದಿಪು ಕೊರೊಂದಿತ್ತೆರತ್ತೇ...!
ಆಣೊರಿ ಮಗೆ ರಾಗಲೋಕೊಡಾಂಡ ಪೊಣ್ಣೊರ್ತಿ ಆನೆ ಕಟ್ಟೊಂದು ಮಲ್ಲವೆಪೊಲಾ ಕಾಡ್ ಕಂಡಡೊಂದು ಮೆರೆಯರತ್ತೇ....!
ದರ್ಬೆ ಕೃಷ್ಣಾನಂದ ಚೌಟೆರ್ ಮಾಜಿಯೆರಾಂಡಲಾ ಮಾಜಂದಿ *ಅಕ್ಷರ* ವಾದ್
ಓ ಅವುಲು......
ಬಾನೊದ ನಡುಟ್....
ತುಳು ಜೂವೊನದಂಗ ಬೆನ್ನಿಉದಿತ್
ಬಂಗಾರ್ದ ಕುರಲ್ ಕಟ್ಟಿ ತುಳುಗೋಪುರವಾಯರತ್ತೇ...!!
ಬೆರಿಪೂಜಿನವು ನನಲಾ ಪುಲ್ಲರೊಂದುಂಡು....
ಬುದ್ದಿ ಪಂಡಿನವು ಕೆಬಿಕ್ ಕೋನೊಂದುಂಡ್....
ಸುದ್ದಿ ಕೇನಿನವು ಮನಸ್ ಗ್ ತೂದೀದ್ ಪೊತ್ತಾದ್ ಕಣ್ಣ್ ತೆರಯಂದಿಲೆಕೊ ಉರ್ಕಾರೊಂದು ಬುಲಿತ್ಂಡ್....
ಕಾಲ ಬದ್ಕ್ಂದ್ ತೆರಿಪಾದ್ ಕಿಸ್ಕ ತೆಲಿತ್ಂಡ್....!
ಡಾ.ಉದಯ ಧರ್ಮಸ್ಥಳ
