Incha Tulunaduda Karla seemeda Vishwakarma samajada bada kutumbad puuttiyer ee Thage-Thangadi. bhari badaver aayina 'Eeramma Acharthi' bokka 'Shambu Narayana Kalkuda' moklena 6ne mage aadh Beere (Kalkuda) bokka 7ne Magal aad Kalamma (Kallurti) puttina ee Thage-thangadi akleg uppuna daivee shakthi theriyande, bhari kashtodu jeevana malthonditther. elya prayodu Ammeren kaleyonyer. bhari malla shilpi aadittina Ammerna belene kalthina Beere (Kalkuda) bhari malla Shilpi aape.
Karla seemeda Arasena saayodu Karlad onji malla Gommatana moorthi ketthdh, avu Karla seemeda pudarnu prasiddhi malthnd...! Incha Karlada ee Gommata bhari pugarthen padeyinerdaavara Arase 'Bailasuddarasu' inchina gommata bethe olla aayere balli panpi nanjid Beerana (Kalkuda) Onji Kaar bokk onji Kai kadpuve...! incha malpandina thappugu shikshe anubhavisina Beere kalkude bhanga batthd 'Venur' panpi oorugu pope. angavaikalyada nadute pironji Gommatana moorthi ketthere suru malpuve..! inchidina poyilakane palaye barandinen thooyina Kaalamma (kallurti) seedha appen burdu Karlag popal. aulu megge ijjandinen thoodu ayen naadondu povonduppuval. incha Venur muttina Kalamma Palayana avasthen thoodu bulipuval. poora vishayonu theriyondal. apaga ee Thage- Thangadi Arase 'Bailasuddarasu' na mitth pagge theerpaavuna Shapatha malpuver...! avve porthudu akashordu onji ashareeravaani kenundu. "Beere bokka Kalamma"na dumbuda kathen pandudu aklena Daivee shakthida bagge nempu malthnd. incha aklena Daivee shakthilen theriyonina aa Thage-Thangadi seeda Venur Mahalingeshwara devasthanag podhu, Bhoothanaathag pooje malthdh, altha pavithra Guveg laagyuver..! Incha Guvelg laagina Beere bhayankara roopodu "Veera Kalkuda' aadh, kappu moned boldhu botta, onji kai, kaar kadthudina roopodu, kait dhondhi pathondu mitth barpe..! Kalamma nanalaath bhayankara roopodu, kappu moned, onji kait dhondhi, pironjikait nagara bettha pathondu mitth barpal...! incha bhayankara roopodu mitth batthina Thage-Thangadig lokoda appe-amme aayina Parashiva bokka parvathi anugraha korper..!
Incha pidadina 'Thage-Thangadi' suruku Ubar panpi oorugu podu, bokka 'Bailur'gu poper. avlu 'Bailasuddarasu'gu chithrahimse korper. daala malpere aavandina arasu Jyothishinade podu prashne paadunaga , Tulunadugu "Kalkuda-Kallurti" panpi 2 posa Daivoleda aagamana aathnd. avu arasuda kai-kaar kadthonina Beere bokka ayena thangadi 'Kalamma' pandudu gotthaand..! incha aye malthina thappugu akleda maapu kenudu, akleg onji Daivasthana malthu kordu, aa Daivolen nambondu, varshamprathi Kola seven korondu barpe. ee jaagene dumbag "Palli mangaldi matta'' aapundu..!
Incha ee Thage-Thangadi nambudu batthinakleg rakshakeraadh, thappu malpunakleg Shikshakeraadh,idee Tulunadudu Karnikan thojpaaver. Kulkuda daiva 'Kallu kutika, Pashana moothi' aadh, kallurti appe "Sathyog Sathyadevathe aadh, Dharmag Dharmadevathe aadh, Kruthimogu Kruthimadevathe aadh, kapatogu, pashana moorthi
kallurti appe' aadh" kaathondu barondullal..! Incha ee Karnikada Thage-Thangadi ini muttala nambondu baidinaklen kai budande naadun, samskruthin rakshane malthondu, kelav kadet pradhana daiva aadh, kelav kadet parivara daiva aadh nile aather. Kalkuda Neelavara, mandarthi bokka kelav Durgelna Mage aadh, Shankaranarayanad "Veera Kallu kutika" aadh janaklena rakshaneda javabdari dethonda, Kallurti "Panoli Bali" kshethrad nile aadh, Tuluveren kathondu barondullal.....!
