Google

ICHARO

YEDDE PATHERA
Nama enchina Alochane Malpuvana Aven Prakrthi Korpundu

Translate

APPADA BARSA... BELLADA BARSA…



Onjanonji  uru. Ourudorthi parabbu. Parabbagori mage. Parabbu appe bari buddhivanthedi. Mage mathra baari malla hedde. Moodaai paddai theriyandinaye. Mage benpuje anda unare thinare barthi bodu. Encha kelasa ejjande mage thirguna, appeg sari thojuji. Yenna magela naal kaas sampaadane malpad panpi aase appeg. Aikathra onji dina saamaan poora konathd chakkuli maltholu. Magan lethd chakkulida cheeraun  korudu yedde reethida bera malpula pand’dh kadapudiyolu.

Dadda mage chakkulida cheerau pathondu chakkuli bode chakkuli, pand’dh bobbe paadondu maargodu povondithe. Yedurudu ongi naayi barondithend.Naayig chakkulida parimala bathend.EE daddana kaithade bathed –kuyi kuyi pandend.Naayi yenata chakkulida berogu baidend.Naayi anna eereg chakkuli bode panded kende. Naayi beela beejad kuyi kuyi pand. Chakkuli poora nayig padiye.Naayiyanna yenna chakkulida kaas kordu budle pande.Naayi kuda kuyi kuyi panded bulthnd. Haa… eereda panau ejje yelle korparaa? Aau panded baji kait ellade bathe.Manadaanila anchene chakkuli pathondu penteg poye.Kudala naayi thiknda,chakkuli naayig paadiye.Kaali kaite ellade bathe.
Chakkuli yeth malth korndala maard popundu.Aan kaas dada malpuve? ellade mukkal’la konarpuje. Unden pareekshe malpodu pand’d appe maganottige pidadiyolu.
Saadit naayi thiknd. Embyan thoodu kuyi kuyi pand. Hedde mage nikk chakkuli bodaa pand’d poora chakkuli nayig paadiye. Naayi baari santhesodu chakkuli thind’nd.Parabbu appeg magana berada kathe therind.Kopa netthigernd. Nikk yenna jeeva uppunaga buddi barand. Yaan saithi bokkane buddi baru.Berogundu korina chakkulin naayig paaduvana pand’d punkeda adard sari pett paadiyolu.Mage joru bulthe.

Naayiyanna naayiyanna eeredaavere yaan eeth pett thinde, ee kashta bathnd pande.Naayi daala podiyada yennottugu bala pand’d ayana kuntu pathd  oyithnd. Hedde naayidottugu doora… doora… baari doora poye. Kaad seriye. Kaad’da naduk podu naayi kaard kerethnd.Bangaarada panauda baajana thiknd. Naayi  Aven thank chakkuli korina heddeg korundu.Baari santhosa aand…Balthondu ellade  bathe.Appeda nadathina kathe pande.Panauda baajana koriye. Ee suddin mage guttudu deeyonaye.Thaan saala konathinakuleg therinda thanka malla thondare pand’d parabbu yenniyolu.

Mage nidre malthe.Appe appa maltholu.Rathri onjonge apponu magana baayig deeyolu.Undu dada pand’d appeda mage kende? Dalajji maga eni appada barsa batthnd.Aven nikk korpini pandolu.Vanthe porthu aayi bokka appe magana baayig bellada thundu deeyolu. Kuda mage kende? Undu dada.Ejji magaa eni bellada barsa bathnd avve ninna baayi cheepe aapuni pandolu.

Manadaani hedde mage maatheredala thank kopparige thikknd.Bellada barsa baidnd.Appada barsa baidnd panere suru malthe.Saaladakulu ori oriye barre suru malther.Parabbuda kinder ninna magak kopparige thikdendge! Attha? Dethondina saala pira koru pander. Parabbu saaladakuleda pandolu.Nikululaa hedda Magana paathera nambuvarattha? Yepa kopparige thikadina? Kenle pandolu. Mage pande thoole aani bellada barsa appada barsa baidend athe aani pande.Saala korthinakulu banjara thelther.Bellada barsa appada barsa yepa baidini?Ee heddag kana katdini thojundu pand’d yenniyer.Parabbu pandolu kopaarige thikndigi panda nambujara. Gothandaa? Bellada barsa appada barsa yepaandalaa barpunda? Aaye hedde. Sullu panpini. Nikululaa nambuvaratha? Unden kend’d saala korthinakuleg hedde panpini sullu. Prabbu appe panpina sthya pand’d therind.Appada barsalaa baidiji.Bellada barsalaa baidji. Heddag bangaarada kopparigela thikdiji. Undu poora sullu pand’d mande kirmbondu pira poyer. 
Share on :

SUDDI

 

Copyright © 2011 Tuluworld - All Rights Reserved