ತುಳು ಕ್ರಾಂತಿಗ್ ಕ್ಷಣಗಣನೆ...?!!
ಅಂದ್..! ತುಳುನಾಡ್'ಡ್ ಇತ್ತೆ ತುಳು ಭಾಷೆದನೇ ಪಾತೆರ. ನಿಡ್ದೋಡಿ ಯೋಜನೆ, ಆನೆ ಕಾರಿಡಾರ್ ಯೋಜನೆ, ನೇತ್ರಾವತಿ ತಿರುವು ಯೋಜನೆ.. ಇಂಚಿತ್ತಿನ ತುಳುನಾಡ್ ವಿರೋಧಿ ಕಾರ್ಯಕ್ರಮೊಲು ತುಳು ಜನಕ್ಲೆನ್ ನಿದ್ರೆರ್ದ್ ಲಕ್ಕಾದ್oಡ್..! ಸಂಕಟ ಬನ್ನಗ ವೆಂಕಟರಮಣ ಪಂಡಿಲೆಕ್ಕ ಇತ್ತೆ ಜನಕ್ಲೆಗ್ ತುಳುವಪ್ಪೆನ ನೆನಪಾವೊಂದುಂಡು..! ತೆಲಂಗಾಣ ರಾಜ್ಯ ರಚನೆ 'ತುಳುನಾಡ್' ಪನ್ಪಿ ಕಲ್ಪನೆನ್ ಜನಕ್ಲೆನ ಮನಸ್ಸ್'ಡ್ ಮೊಡಾವೋoದುಂಡು..! ಯಾನಾಂಡ್..ಎನ್ನ ಬೇಲೆ ಆಂಡ್.. ಪನ್ಪುಲಕ ಇತ್ತಿನ ತುಳುವಗ್ ಒರನ್ನೇ ತುಳುವಪ್ಪೆನ್ ತಾಂಕುನ ಮನಸ್ಸಾವೊಂದುಂಡು..! ತುಳು ಪರ ಸಂಘಟನೆಲು ಜಾಸ್ತಿ ಆವೊಂದುಂಡು..! ತುಳುವೆರ್ ಒಗ್ಗಟ್ಟಾವೊಂದುಲ್ಲೆರ್. ತುಳುಕಾದ್ ಹೋರಾಟ ಮಲ್ಪೆರೆ ಕೆಲವ್ ಸಂಘಟನೆಲು ತಯಾರ್ ಆದುಂಡು..! ತುಳು ಸಿನಿಮಾಲು ಜಾಸ್ತಿ ಆವೊಂದುಂಡು..! ತುಳು ಕಾರ್ಯಕ್ರಮೊಲು ಟಿವಿಡ್ ಜಾಸ್ತಿ ಬರೊಂದುಂಡು..! ತುಳು ಭಾಷೆಡ್ ವಾರಪತ್ರಿಕೆ ಬರೊಂದುಂಡು..! ಫೇಸ್ಬುಕ್'ಡ್ ತುಳು ಭಾಷೆದ ಪರ ಪಾತೆರುನಕುಲು ಜಾಸ್ತಿ ಆವೊಂದುಲ್ಲೆರ್..! ಜನಪ್ರತಿನಿಧಿಲೆನ ಬಾಯಿಡ್ 'ತುಳು' ಪನ್ಪಿ ಪದ ಅಪಗಪಗ ಕೇನೊಂದುoಡು..! ಇಂದೆನ್ ಪೂರ ತೂನಗ ತುಳುನಾಡ್'ಡ್ ಒಂಜಿ ಮಲ್ಲ ಕ್ರಾಂತಿ ಆಪುನ ದಿನ ದೂರ ಇಜ್ಜಿ ಪಂದ್ ತೋಜುಂಡು..! ದಾದ ಪನ್ಪರ್...?
