Nataka Rangada Merunate P B Raig Akshara Namana

Badiadka: Natanene jeevana pand ennid thanna sarvasvanla natakogu bodad thyaga maltina,nataka rangonu bulepayere jeevanavidee bended nataka badked sukhad shikharanla kastoda paathalanla thuyina nataka rangoda merunate P B Rai panded prasiddi padeyina Peruvaje Babu Rai theerpoyer.Nataka nateyad,nirdeshake aad, nataka thandada yajamaane aad pugarte padeyina P B Rai october 8 g kunjatthuruda ellad therpoyer.Elya prayode natakada  marld ell buded pidadina raikulu karnatakada prathishtitha nataka thando aayina gubbiveeranna thandodu gate keeper aad naataka rangogu pajje deeyer. Thikkina avakashan porlude upayoga malthondu nataka rangodu samartha nate aad buleyer.1984d udupid raikulu svanthavaad nandikeshvara nataka thandonu katted halli hallidla natakada ruchin pattyer.Buss cunductor, Anna thanda atthige, Gaoudra gaddala, Mudukana maduve enchitthi kannada natakalu atthande Bayya mallige, Aggigerla ejji, Gange guori enchitthi tulu natakonu janaklena dumbu deed pugarthen padeyinaar.1936 d bellare kaithalda peruvajed puttina raikulu, nataka kalavide Sumithra Rai n madime aad mage Ragavendre bokka magal Shobha Rai muklenottugu rangabhoomine ell malthd samsaroda kasta sukhoda sarthakathen thuyinaar.Embereg karnataka nataka academy prashasthi atthande avvetho sanmana prashasthilu sandayitha aathnd.
  Nataka rangada merunate Tuluvappena mokeda mage Peruvaje Babu Rai embereg tuluworld.com da akshara namana.