ಗುತ್ತುದ ಬಂಟೆದಿನ ಗತ್ತ್ ಗ್ ನನಾತ್ ಐಸ್ರ ದಿಂಜಾವುನ ಒಡ್ಡಿ ಉಂಗಿಲ. ಬಂಟೆರೆ ಪಾಲ್ಗ್ ಗುರ್ತ ಪತ್ತುನ ಸೂಚಿಲಾ ಅಂದ್, ಪ್ರತಿಷ್ಠೆಲಾ ಅಂದ್. ಒಡಿದ್ ಅತಂಡ ಮೋನೆ ಮೋನೆ ಒಡ್ಡ್ ದ್ ಅತಂಡ ಬಗ್ಗ್ ದ್ ಉಪ್ಪುನೆಡ್ದಾದ್ ಒಡ್ಡಿ ಉಂಗಿಲ ಪನ್ಪೆರ್. ತಾರಾಯಿದ ಅತ್ತಂಡ ಪೆತ್ತದ ಪೇರ್ ಡ್ ಪಾಡ್ದ್ ದೀದ್ ಮದಿಮಲ್ ಪೊಣ್ಣಗ್ ದೀಪಿನೆಡ್ ಪೇರ್ ಉಂಗಿಲ ಪನ್ಪೆರ್.
ಅಳಿಯಕಟ್ಟ್ ದ ಬಂಟೆರೆನ ಪೊಣ್ಣು ಮಗಳ್ ಪಂಡ ಆಲ್ ಅಪ್ಪೆ ಇಲ್ಲ್ ಬೊಕ್ಕ ಕುಟುಂಬ ಬೆಳಗವುನ ದೀಪ. ಆಲ್ ಪುಟ್ಟಿ ಇಲ್ಲ್ ಬುಡ್ದ್ ಕಂಡನಿಲ್ಲಗ್ ಪೋಂಡಲಾ ಆಲೆಗ್ ಅಪ್ಪೆ ಇಲ್ಲಡ್ ಅಪ್ಪೆ ಕುಟುಮಡ್ ಪರಿಪೂರ್ಣ ಹಕ್ಕ್ ಉಂಡು. ಆಲ್ನ, ಆಲ್ನ ಜೋಕುಲ್ನ ಕುಟುಮ ಅಪ್ಪೆನವೇ ಆದುಪ್ಪುಂಡು.
ದುಂಬು ಮದಿಮೆ ಆಣನ ಇಲ್ಲಡ್ ನಾಡತೊಂದು ಇತ್ತ್ ದ್, ಅಲ್ಪ ಕಾಲಿ ದಾರೆ ಏರಾವುನ ಕ್ರಮ ಮಾತ್ರ ಇತ್ತಿನಿ.
ಅದಗ ಪೊಣ್ಣು ಮಗಳ್ ಅಪ್ಪೆ ಇಲ್ಲ್ ಜತ್ತ್ ದಿಬ್ಬಣ ಪಿಡಾಡ್ದ್ ಪೋಪಿನ ಪೊರ್ತುಡು ಇಲ್ಲ್ ಜತ್ತ್ ಮಾಡಡಿ ಕಡತ್ ಆನಗ ದುಂಬು ಆಲ್ನ ಸೋದರ ತಮ್ಮಲೆನ ಬೊಡೆದಿ ಅತಂಡ ತಮ್ಮಲೆ ಮಗಳ್ ಪೇರ್ ಡ್ ಪಾಡ್ದ್ ದೀತಿನ ಒಡಿದ್ ಉಪ್ಪುನ ಉಂಗಿಲ, ಕರ್ಯನಿ ಬೊಕ್ಕ ಕಾರುಂಗಿಲ ದೀದ್ ಒಂಜಿ ಕೊಂಡೆ ಪೇರ್ ಪರ್ಪದ್ ಕದಪುಡ್ವೇರ್. ನೆತ್ತ ಅರ್ಥ ದಾದ ಪಂಡ ಆ ಪೊಣ್ಣು ಮಗಲ್ ಈ ಇಲ್ಲ್ ಬುಡ್ದ್ ಕುಡೊಂಜಿ ಇಲ್ಲಗ್ ಪೋಂಡಲಾ ಆಲ್ ಈ ಇಲ್ಲ ಮಗಳೇ. ಅತ್ತಂದೆ ಆಲ್ನ ಕಷ್ಟ ಸುಖ ಈ ಇಲ್ಲಗ್ ಸಂಬಂದ ಪಟ್ಟಿನವೇ ಆದುಂಡು. ಆನಿ ಈ ಇಲ್ಲ ಮಗಲಾದ್ ಪೇರ್ ಪರ್ದ್ ತೆಲಿಕೆ ಪಟ್ಟಿನ ಈ ಇಲ್ಲ್ ಜತ್ತ್ ಪೋನಗಲ ಪೇರ ಸಂಬಂದ ಒರಿತೊಂದು ಉಪ್ಪೊಡು. ಅಯಿಕ್ಕಾದ್ ಪೇರ್ ಒಯ್ತೋನ್ನ ಪೇರ ಉಂಗಿಲ ನಿನಡ ಉಪ್ಪಡ್. ಈ ರಡ್ಡ್ ಇಲ್ಲಗ್ ಒಡಿ(ಪಾಂಪು) ಆಪಿನಾಲ್ ಅಂಚಾದ್ ಈ ಉಂಗಿಲ. ಆತೇ ಅತ್ತ್ ಪೋಯಿನ ಇಲ್ಲಡ್ ಆ ಉಂಗಿಲದಂಚನೆ ತಗ್ಗ್ ಬಗ್ಗ್ ದ್ ಬದ್ಕೊಡು ಪನ್ಪಿನ ಅರ್ಥಲಾ ಕೊರ್ಪುಂಡು.
ಆತೆ ಅತ್ತ್ ಬಂಟೆರ್ ನಾಗವಂಶಿ ಕ್ಷತ್ರಿಯೆರ್. ತುಳುನಾಡ್ ಡ್ ನಾಗಾರಾಧನೆ ಮಲ್ತೊಂದು ಬೈದಿನಕುಲು. ಆ ನಾಗನ ಜಿಡೆತಂಚ ಉಪ್ಪುನ ಒಡ್ಡಿ ಉಂಗಿಲ ಪೊಣ್ಣು ಮಗಳೆನ ಪಾಲ್ ಗ್ ನಾಗನ ರಕ್ಷೆ ಏಪಲಾ ಉಂಡು, ನಾಗಾರಾಧನೆ ನಮ್ಮ ಮೂಲ. ಆಯಿನ್ನ್ ಒರಿಪುನ ಮಲ್ಲ ಜಬದರಿ ನಿಕ್ಕುಂಡು ಪಂದ್ ನೆನೆಪು ಮಲ್ತೊಂದು ಉಪ್ಪುನ ಸಾಧನಲಾ ಅಂದ್.
ಏಪ ಆ ಪೊಣ್ಣು ಕಂಡನಿ ಕಳೆವೊನ್ವಲ ಆನಿ ಆಲ್ ಮಾಮಿಲ್ಲದ ಹಕ್ಕ್ ಲಾ ಕಳೆವೊನ್ವಳ್. ಆ ಇಲ್ಲ್ ಡ್ ಆಲೆಗ್ ಸಂಬಂಧ ಕಡಿನಾನಿ ಅಪ್ಪೆ ಇಲ್ಲಗ್ ಬರ್ಪಿ ಮಗಳ್ ಬೊಕ್ಕ ಒಡ್ಡುಂಗಿಲ ಪಾಡೊಡು ಪಂದ್ ಇಜ್ಜಿ.
ಕಂಡನಿ ಕರಿನ್ನೇ ಗೆಪ್ಪುನ
ಒಡ್ಡಿ ಉಂಗಿಲ ಬಂಟ ಪೊಣ್ಣನ ಮುತ್ತೈಸಿ ಲಕ್ಷಣಲಾ ಅಂದ್. 2 ಇಲ್ಲದ ಕೊಂಡಿ ಒರಿಪವುನ ಸಂಪ್ರದಾಯಲ ಅಂದ್. ಅಪ್ಪೆ ಇಲ್ಲಡ್ದ್ ಬಳುವಳಿಯಾದ್ ಬತ್ತಿ ನೆನೆಪುದ ಕೊಂಡಿಲಾ ಅಂದ್. ನೆಲ ಮೂಲದ ಸಂಸ್ಕೃತಿನ್ ತೆರಿಪಾವುನ ಪರಿಪಾಡ್ ಲಾ ಅಂದ್.
ಬಂಟ ಪೊಣ್ಣನ ಪ್ರತಿಷ್ಠೆ ಆಯಿನ ಒಡ್ಡಿ ಉಂಗಿಲ ಕರಿನ 250 ವರ್ಷಡ್ದಿಂಚಿ ಮಾತ ಜಾತಿದ ಪೊಂಜೋವಲ್ನ ಕೈಟ್ ಲಾ ತೋಜೊಂದು ಉಂಡು. ಅವ್ವಿತ್ತೆ ತುಳುನಾಡ ನೆಲ ಮೂಲದ ಅಳಿಯಕಟ್ಟ್ ಆಚರಿಪುನ ಮಾತೆರೆನ ಪಾಲ್ ಗ್ ಮುತ್ತೈಸಿ ಬೊಕ್ಕ ಪ್ರತಿಷ್ಠೆನ್ ತೋಜಾವುನ ಪದ್ದೋಯಿ ಆದುಂಡು.
ದುಂಬು ಒಡ್ಯುಂಗಿಲಡ್ ಒವ್ವೆ ಕಲ್ಲ್ ಕುಸುರಿ ಕಲೆ ಇಜ್ಜಂದೆ ಕಾಲಿ ಬಂಗಾರ್ಡ್ ಒಡಿದ್ ಮಾತ್ರ ಇತ್ತ್ಂಡ್. ಅತ್ತಂದೆ ಆಯಿನ್ನ್ ಮದಿಮೆಗ್ ದುಂಬು ಆವಡ್, ಕಂಡನಿ ಕರಿಬೊಕ್ಕ ಆವಡ್ ಪಾಡುನ ಕ್ರಮ ಖಂಡಿತವಾದ್ಲಾ ಇಜ್ಜಂಡ್. ಆಂಡ ಇತ್ತೆ ಬಗೆ ಬಗೆತ ಕಲ್ಲ್ ವಿನ್ಯಾಸೊಡು ಉಪ್ಪುನ ಒಡ್ಡುಂಗಿಲ ಪೊಂಜೋವುಲ್ನ ಕೈಕ್ ಪೊರ್ಲು ದಿಂಜಾವೊಂದು ಉಂಡು.
ಕೆಲವೊರ ಕಂಡನಿ ಕರಿಪೋಯಿ ಪೊಂಜೋವುಲುಲಾ ಒಡ್ಡಿ ಉಂಗಿಲ ಪಾಡುನ ತೂನಗ ಉಡಲ್ ಡ್ ಸಂಕಟ ಆಪುಂಡು. ಪರದೇಶಿ ಸಂಸ್ಕೃತಿನ್ ಪಾಲಿಪುನ ನಮ್ಮಕ್ಲ್ ನಮ್ಮ ನಾಡ್ದ ಉಲೈದ ಸಂಸ್ಕೃತಿನ್ ಪಾಲಿಪುನಗ ಅವೆನ್ನ್ ಸರಿಯಾದ್ ತೆರಿಯೊನೊಡು. ಒಡ್ಡಿ ಉಂಗಿಲ ಕಾಲಿ ಪದ್ದೋಯಿ ಅತ್ತ್, ಅವ್ವು ಮುತ್ತೈಸಿತನತ ಸಂಕೇತ ಪಂದ್ ತೆರಿಯಂದಿ ಜನ ಅವೆತ ಉಲೈದ ತಿರ್ಲ್ ತೆರಿಯೊಂಡ ಒಡ್ಡಿ ಉಂಗಿಲದ ಘನತೆ ಗೌರವ ನನಾತ್ ಜಾಸ್ತಿ ಆವು.
✍🏻ಶ್ರೀ ಸುಧಾ ತುಳುನಾಡ್
ಅಳಿಯಕಟ್ಟ್ ದ ಬಂಟೆರೆನ ಪೊಣ್ಣು ಮಗಳ್ ಪಂಡ ಆಲ್ ಅಪ್ಪೆ ಇಲ್ಲ್ ಬೊಕ್ಕ ಕುಟುಂಬ ಬೆಳಗವುನ ದೀಪ. ಆಲ್ ಪುಟ್ಟಿ ಇಲ್ಲ್ ಬುಡ್ದ್ ಕಂಡನಿಲ್ಲಗ್ ಪೋಂಡಲಾ ಆಲೆಗ್ ಅಪ್ಪೆ ಇಲ್ಲಡ್ ಅಪ್ಪೆ ಕುಟುಮಡ್ ಪರಿಪೂರ್ಣ ಹಕ್ಕ್ ಉಂಡು. ಆಲ್ನ, ಆಲ್ನ ಜೋಕುಲ್ನ ಕುಟುಮ ಅಪ್ಪೆನವೇ ಆದುಪ್ಪುಂಡು.
ದುಂಬು ಮದಿಮೆ ಆಣನ ಇಲ್ಲಡ್ ನಾಡತೊಂದು ಇತ್ತ್ ದ್, ಅಲ್ಪ ಕಾಲಿ ದಾರೆ ಏರಾವುನ ಕ್ರಮ ಮಾತ್ರ ಇತ್ತಿನಿ.
ಅದಗ ಪೊಣ್ಣು ಮಗಳ್ ಅಪ್ಪೆ ಇಲ್ಲ್ ಜತ್ತ್ ದಿಬ್ಬಣ ಪಿಡಾಡ್ದ್ ಪೋಪಿನ ಪೊರ್ತುಡು ಇಲ್ಲ್ ಜತ್ತ್ ಮಾಡಡಿ ಕಡತ್ ಆನಗ ದುಂಬು ಆಲ್ನ ಸೋದರ ತಮ್ಮಲೆನ ಬೊಡೆದಿ ಅತಂಡ ತಮ್ಮಲೆ ಮಗಳ್ ಪೇರ್ ಡ್ ಪಾಡ್ದ್ ದೀತಿನ ಒಡಿದ್ ಉಪ್ಪುನ ಉಂಗಿಲ, ಕರ್ಯನಿ ಬೊಕ್ಕ ಕಾರುಂಗಿಲ ದೀದ್ ಒಂಜಿ ಕೊಂಡೆ ಪೇರ್ ಪರ್ಪದ್ ಕದಪುಡ್ವೇರ್. ನೆತ್ತ ಅರ್ಥ ದಾದ ಪಂಡ ಆ ಪೊಣ್ಣು ಮಗಲ್ ಈ ಇಲ್ಲ್ ಬುಡ್ದ್ ಕುಡೊಂಜಿ ಇಲ್ಲಗ್ ಪೋಂಡಲಾ ಆಲ್ ಈ ಇಲ್ಲ ಮಗಳೇ. ಅತ್ತಂದೆ ಆಲ್ನ ಕಷ್ಟ ಸುಖ ಈ ಇಲ್ಲಗ್ ಸಂಬಂದ ಪಟ್ಟಿನವೇ ಆದುಂಡು. ಆನಿ ಈ ಇಲ್ಲ ಮಗಲಾದ್ ಪೇರ್ ಪರ್ದ್ ತೆಲಿಕೆ ಪಟ್ಟಿನ ಈ ಇಲ್ಲ್ ಜತ್ತ್ ಪೋನಗಲ ಪೇರ ಸಂಬಂದ ಒರಿತೊಂದು ಉಪ್ಪೊಡು. ಅಯಿಕ್ಕಾದ್ ಪೇರ್ ಒಯ್ತೋನ್ನ ಪೇರ ಉಂಗಿಲ ನಿನಡ ಉಪ್ಪಡ್. ಈ ರಡ್ಡ್ ಇಲ್ಲಗ್ ಒಡಿ(ಪಾಂಪು) ಆಪಿನಾಲ್ ಅಂಚಾದ್ ಈ ಉಂಗಿಲ. ಆತೇ ಅತ್ತ್ ಪೋಯಿನ ಇಲ್ಲಡ್ ಆ ಉಂಗಿಲದಂಚನೆ ತಗ್ಗ್ ಬಗ್ಗ್ ದ್ ಬದ್ಕೊಡು ಪನ್ಪಿನ ಅರ್ಥಲಾ ಕೊರ್ಪುಂಡು.
ಆತೆ ಅತ್ತ್ ಬಂಟೆರ್ ನಾಗವಂಶಿ ಕ್ಷತ್ರಿಯೆರ್. ತುಳುನಾಡ್ ಡ್ ನಾಗಾರಾಧನೆ ಮಲ್ತೊಂದು ಬೈದಿನಕುಲು. ಆ ನಾಗನ ಜಿಡೆತಂಚ ಉಪ್ಪುನ ಒಡ್ಡಿ ಉಂಗಿಲ ಪೊಣ್ಣು ಮಗಳೆನ ಪಾಲ್ ಗ್ ನಾಗನ ರಕ್ಷೆ ಏಪಲಾ ಉಂಡು, ನಾಗಾರಾಧನೆ ನಮ್ಮ ಮೂಲ. ಆಯಿನ್ನ್ ಒರಿಪುನ ಮಲ್ಲ ಜಬದರಿ ನಿಕ್ಕುಂಡು ಪಂದ್ ನೆನೆಪು ಮಲ್ತೊಂದು ಉಪ್ಪುನ ಸಾಧನಲಾ ಅಂದ್.
ಏಪ ಆ ಪೊಣ್ಣು ಕಂಡನಿ ಕಳೆವೊನ್ವಲ ಆನಿ ಆಲ್ ಮಾಮಿಲ್ಲದ ಹಕ್ಕ್ ಲಾ ಕಳೆವೊನ್ವಳ್. ಆ ಇಲ್ಲ್ ಡ್ ಆಲೆಗ್ ಸಂಬಂಧ ಕಡಿನಾನಿ ಅಪ್ಪೆ ಇಲ್ಲಗ್ ಬರ್ಪಿ ಮಗಳ್ ಬೊಕ್ಕ ಒಡ್ಡುಂಗಿಲ ಪಾಡೊಡು ಪಂದ್ ಇಜ್ಜಿ.
ಕಂಡನಿ ಕರಿನ್ನೇ ಗೆಪ್ಪುನ
ಒಡ್ಡಿ ಉಂಗಿಲ ಬಂಟ ಪೊಣ್ಣನ ಮುತ್ತೈಸಿ ಲಕ್ಷಣಲಾ ಅಂದ್. 2 ಇಲ್ಲದ ಕೊಂಡಿ ಒರಿಪವುನ ಸಂಪ್ರದಾಯಲ ಅಂದ್. ಅಪ್ಪೆ ಇಲ್ಲಡ್ದ್ ಬಳುವಳಿಯಾದ್ ಬತ್ತಿ ನೆನೆಪುದ ಕೊಂಡಿಲಾ ಅಂದ್. ನೆಲ ಮೂಲದ ಸಂಸ್ಕೃತಿನ್ ತೆರಿಪಾವುನ ಪರಿಪಾಡ್ ಲಾ ಅಂದ್.
ಬಂಟ ಪೊಣ್ಣನ ಪ್ರತಿಷ್ಠೆ ಆಯಿನ ಒಡ್ಡಿ ಉಂಗಿಲ ಕರಿನ 250 ವರ್ಷಡ್ದಿಂಚಿ ಮಾತ ಜಾತಿದ ಪೊಂಜೋವಲ್ನ ಕೈಟ್ ಲಾ ತೋಜೊಂದು ಉಂಡು. ಅವ್ವಿತ್ತೆ ತುಳುನಾಡ ನೆಲ ಮೂಲದ ಅಳಿಯಕಟ್ಟ್ ಆಚರಿಪುನ ಮಾತೆರೆನ ಪಾಲ್ ಗ್ ಮುತ್ತೈಸಿ ಬೊಕ್ಕ ಪ್ರತಿಷ್ಠೆನ್ ತೋಜಾವುನ ಪದ್ದೋಯಿ ಆದುಂಡು.
ದುಂಬು ಒಡ್ಯುಂಗಿಲಡ್ ಒವ್ವೆ ಕಲ್ಲ್ ಕುಸುರಿ ಕಲೆ ಇಜ್ಜಂದೆ ಕಾಲಿ ಬಂಗಾರ್ಡ್ ಒಡಿದ್ ಮಾತ್ರ ಇತ್ತ್ಂಡ್. ಅತ್ತಂದೆ ಆಯಿನ್ನ್ ಮದಿಮೆಗ್ ದುಂಬು ಆವಡ್, ಕಂಡನಿ ಕರಿಬೊಕ್ಕ ಆವಡ್ ಪಾಡುನ ಕ್ರಮ ಖಂಡಿತವಾದ್ಲಾ ಇಜ್ಜಂಡ್. ಆಂಡ ಇತ್ತೆ ಬಗೆ ಬಗೆತ ಕಲ್ಲ್ ವಿನ್ಯಾಸೊಡು ಉಪ್ಪುನ ಒಡ್ಡುಂಗಿಲ ಪೊಂಜೋವುಲ್ನ ಕೈಕ್ ಪೊರ್ಲು ದಿಂಜಾವೊಂದು ಉಂಡು.
ಕೆಲವೊರ ಕಂಡನಿ ಕರಿಪೋಯಿ ಪೊಂಜೋವುಲುಲಾ ಒಡ್ಡಿ ಉಂಗಿಲ ಪಾಡುನ ತೂನಗ ಉಡಲ್ ಡ್ ಸಂಕಟ ಆಪುಂಡು. ಪರದೇಶಿ ಸಂಸ್ಕೃತಿನ್ ಪಾಲಿಪುನ ನಮ್ಮಕ್ಲ್ ನಮ್ಮ ನಾಡ್ದ ಉಲೈದ ಸಂಸ್ಕೃತಿನ್ ಪಾಲಿಪುನಗ ಅವೆನ್ನ್ ಸರಿಯಾದ್ ತೆರಿಯೊನೊಡು. ಒಡ್ಡಿ ಉಂಗಿಲ ಕಾಲಿ ಪದ್ದೋಯಿ ಅತ್ತ್, ಅವ್ವು ಮುತ್ತೈಸಿತನತ ಸಂಕೇತ ಪಂದ್ ತೆರಿಯಂದಿ ಜನ ಅವೆತ ಉಲೈದ ತಿರ್ಲ್ ತೆರಿಯೊಂಡ ಒಡ್ಡಿ ಉಂಗಿಲದ ಘನತೆ ಗೌರವ ನನಾತ್ ಜಾಸ್ತಿ ಆವು.
✍🏻ಶ್ರೀ ಸುಧಾ ತುಳುನಾಡ್
