ಚನಿಲಣ್ಣ

ಜೋಕುಲೆ ಪದ 

ಈ ಓಲು ಪುಟ್ಯನಂಬೆ ಚನಿಲಣ್ಣ 

ಈ ಓಲು ಬಲತ್ತಂಬೆ ಚನಿಲಣ್ಣ 

ಮರಟ್ಟಿತ್ತಿ ತೊರಮೆಡ್ ಪುಟ್ಟಿಯೆಂದೇ

ಗೆಲ್ಲ್ ಗೆಲ್ಲ್ ಬಲಿತೊಂದು ಬಲತೆಂದೇ

ನಿಕ್ಕ್ ದಾದ ಬಾರ್ನೆಂಬೆ ಚನಿಲಣ್ಣ 

ಆಂಗಲಪ್ಪುಗೆಂಚಿನ ತಿನ್ಪಣ್ಣ 

ಪೆಲಕಾಯಿ ಪರ್ಂದ್ ಕುಕ್ಕು ಬಾರ್ನೆಂದೇ

ತಾರೆಡಿತ್ತಿ ಬನ್ನಂಗಾಯಿ ತಿನ್ಪೆಂದೇ

ಈ ಅಂಚಿ ಪೋಲಯ ಚನಿಲಣ್ಣ 

ಈ ಇಂಚಿ ಬಲಯಾ ಮರಿಯಣ್ಣ 

ಈ ಓಲು ಪುಟ್ಟಿಯ ಮರಿಯಣ್ಣ 

ಈ ಓಲು ಬಲತ್ತ ಮರಿಯಣ್ಣ 

ಪುಂಚೊಡಿತ್ತಿ ಬೆಪ್ಪು ಗುಡೆಟ್ಟ್ ಪುಟ್ಟಿಯೆಂದೇ

ಎಲ್ಯ ಮಲ್ಲ ಪುದೆಲ್ಲೆಡ್ ಬಲತೆಂದೇ 

ನಿಕ್ಕೆಂಚಿನ ಬಾರ್ನೆಂಬೆ ಮರಿಯಣ್ಣ 

ಈ ಎಂಚಿನ ತಿನ್ಪಂಬೆ ಮರಿಯಣ್ಣ 

ಕಾಡ್ ಡಿತ್ತಿ ಕಿಚ್ಚೆಲಿ ಬಾರ್ನೆಂದೇ

ಪಕ್ಕಿಲೆನ ತೆತ್ತಿಲೆನ್ ತಿನ್ಪೆಂದೇ

ಈ ಅಂಚಿ ಪೋಲಯ ಮರಿಯಣ್ಣ 

ಈ ಇಂಚಿ ಬಲಯ ಕುದುಕಣ್ಣ

ಈ ಓಲು ಪುಟ್ಟ್ಯನಂಬೆ ಕುದುಕಣ್ಣ 

ಈ ಓಲು ಬಲತ್ತಂಬೆ ಕುದುಕಣ್ಣ

ಗುಡ್ಡೆ ಬರಿತ್ತ ಮಾಟೆಡ್ಯಾನ್ ಪುಟ್ಯೆಂದೇ 

ಕಾಡ ಕುಚ್ಚಿ ಬಲ್ಲೆಲೆಡ್ ಬಲತೆಂದೇ

ನಿಕ್ಕೆಂಚಿನ ಬಾರ್ನೆಂಬೆ ಕುದುಕಣ್ಣ 

ಬಾಯ್ದಂಗಲಪುಗೆಂಚಿನ ತಿನ್ಪಣ್ಣ 

ಕಾಡಕೋರಿ ಪುಂಡದಲ್ಲು ಬಾರ್ನೆಂದೇ 

ತೋಡುಡಿತ್ತಿ ಮೀನ್ ಲೆನ್ ತಿನ್ಪೆಂದೇ

ಈ ಅಂಚಿ ಪೋಲಯ ಕುದುಕಣ್ಣ 

ಈ ಇಂಚಿ ಬಲಯ ಪಿಲಿಯಣ್ಣ 

ಈ ಓಲು ಪುಟ್ಟಿಯ ಪಿಲಿಯಣ್ಣ 

ಈ ಓಲು ಬಲತ್ತ ಪಿಲಿಯಣ್ಣ 

ಬಂಡೆ ಕಲ್ಲ ಗುಡೆತ್ತುಲಾಯಿ ಪುಟ್ಟಿಯೆಂದೇ 

ಮಲ್ಲ ಕಾಡ ಗುಡ್ಡೆನಡುಟು ಬಲತ್ತೆಂದೇ 

ನಿಕ್ಕ್ ದಾದ ಬಾರ್ನೆಂಬೆ ಪಿಲಿಯಣ್ಣ

ಬಡವು ಬಾಜೆಲಾಂಡ ದಾದ ತಿನ್ಪಣ್ಣ 

ಬಲಿತ್ತ್ ಪಾರು ಪಾರಣೆಲು ಬಾರ್ನೆಂದೇ 

ಪಡವು ಬರಿತ್ತ ಉರೆಕುಲೆನ್ನ ತೆನಸ್ಂದೇ

ಈ ಅಂಚಿ ಪೋಲಯ ಪಿಲಿಯಣ್ಣ 

ಈ ಇಂಚಿ ಬಲಯ ಗಿಳಿಯಣ್ಣ

ಈ ಓಲು ಪುಟ್ಯನಂಬೆ ಗಿಳಿಯಣ್ಣ

ಈ ಓಲು ಬಲತ್ತ ಗಿಳಿಯಣ್ಣ 

ಮಲ್ಲ ಮರತ್ತ ಗೂಡುಡ್ಯಾನ್ ಪುಟ್ಟಿಯೆಂದೇ 

ಗುಡ್ಡೆಡಿತ್ತಿ ಗೆಲ್ಲ್ ದಿಡೆಟ್ ಬಲತ್ತೆಂದೇ

ನಿಕ್ಕೆಂಚಿನ ತೆನಸ್ಂಬೆ ಗಿಳಿಯಣ್ಣ 

ಬಂಜಿಗಾತ್ರ ಪಾರ್ವ ಓಡೆ ಗಿಳಿಯಣ್ಣ 

ಕಾಯಿ ಪರ್ಂದ್ ಪೇರಂಗಾಯಿ ತೆನಸ್ಂದೇ

ದೋಟೊಡಿತ್ತಿ ಕಾಯಿಮುಂಚಿ ಇಟ್ಟಂದೇ.

ದೇಜು ಶೆಟ್ಟಿ ಪೆಜೆತ್ತಿಮಾರ್ 

22.01.2026

ಆಧಾರ; ಜನಪದೊಕ್ಕುಲು