.jpg)
ಇತ್ತೆ ಗಾಂಧಾರಿ ಮುನ್ಚಿ/ಜೀರಿಗೆ ಮೆಣಸಿನಕಾಯಿ/ಕಾಡು ಮೆಣಸಿನಕಾಯಿಗ್ ಭಾರೀ ಬೇಡಿಕೆ ಉಂಡು. ಕಾಡು, ತೋಟೊಲೆಡ್ ಒವ್ವೇ ಆರೈಕೆ ಇಜ್ಜಂದೆ ತನ್ನಾತೆಗೆ ಬುಳೆವೊಂದಿತ್ತಿನ ಈ ಮುನ್ಚಿದ ದೈಕ್ ಇತ್ತೆ ಮಾತೆರೆನಲಾ ದಿಟ್ಟಿ ಬೂರೊಂದುಂಡು.
ಊರುಡು ಅಡಿಗೆ ಮಲ್ಪೆರೆ ಸಾಧಾರಣವಾದ್ ಗಳಸೊಂದಿತ್ತಿನ ಈ ಮುಂಚಿ ದುಂಬು ಏರೆಗ್ಲಾ ಮಾರೊಂದು ಇಜ್ಜಾಂಡ್. ಆಂಡ ಇನಿ, ಜನಕುಲು ಅಯಿತ ಎಡ್ಡೆ ರುಚಿ ಬೊಕ್ಕ ಅದ್ಭುತ ಆರೋಗ್ಯ ಪ್ರಯೋಜನೊಲೆನ್ ತೆರಿಯೊನೊಂದುಲ್ಲೆರ್, ಬೊಕ್ಕ ಮಾರ್ಕೆಟ್ ಡ್ ಅಯಿತ ಮೌಲ್ಯಲಾ ಏರ್ದ್ಂಡ್.
ಇತ್ತೆದ ಕಾಲೊಡು, 100 ಗ್ರಾಂ ಗಾಂಧಾರಿ ಮುನ್ಚಿದ ಬೆಲೆ ₹650–₹700 ನಡುಟು ಉಂಡು ಬೊಕ್ಕ ಗ್ರಾಹಕೆರೆನ ನಡುಟು ಮಸ್ತ್ ಬೇಡಿಕೆ ಉಂಡು.
ಗಾಂಧಾರಿ ಮುನ್ಚಿ – ಪರಂಪರೆದ ರುಚಿ, ಆರೋಗ್ಯದ ಪರಿಮಳ! ಗಾಂತ+ಯೆರಿ
ಈ ಮುನ್ಚಿಗು ನೈಸರ್ಗಿಕ ಜೀರಿಗೆದ ರುಚಿ, ಮೃದುವಾಯಿನ ಚೋಲಿ, ಬೊಕ್ಕ ಎರಿಯುನ ಸ್ವಭಾವ ಉಂಡು. ಸಾಮಾನ್ಯ ಮುನ್ಚಿಲೆಡ್ದ್ ಸಂಪೂರ್ಣ ಬೇತೆ ರುಚಿನ್ ಕೊರ್ಪುಂಡು. ಗಾಂಧಾರಿ ಮುನ್ಚಿಡ್ ಮಲ್ತಿನ ಸಾರ್, ಸಾಂಬಾರ್, ಪುಳಿ ಸಾರ್, ಉಪ್ಪುಮುಂಚಿ,ಅತ್ತ್ಂಡ ಚಟ್ನಿನ್ ತಿನ್ಪುನವು ನಮ್ಮ ಅಪ್ಪೆ ನಂಕ್ಕಾದ್ ಅಡುಗೆ ಮಲ್ತಿನ ಪೊರ್ತುದ ನೆಂಪು ಪುಟ್ಟವುಂಡು ಬೊಕ್ಕ ತಿಂದಿನ ತೃಪ್ತಿದ ಭಾವನೆನ್ ಕೊರ್ಪುಂಡು.
ತಿಂದಿನಕುಲು ಖಂಡಿತಾ ಕೇನುವೆರ್ – "ಉಂದು ಎಂಚಿನ ಮುಂಚಿ? ರುಚಿ ಮಸ್ತ್ ಎಡ್ಡೆ ಉಂಡು!"
ಗಾಂಧಾರಿ ಮುಂಚಿದ ಮರ್ದ್ ದ ಗುಣ:
✅ ಜೀರ್ಣಕ್ರಿಯೆಗ್ ಭಾರಿ ಎಡ್ಡೆ.
✅ ಕೂಲಿ ಗಟ್ಟಿ ಮಲ್ಪುನು: ಕೂಲಿ ಬೇನೆಗ್ ಇಲ್ಲದ ಮರ್ದ್ ಆದ್ ಬಳಕೆ ಮಲ್ಪುವೆರ್.
✅ ಸಂಧಿವಾತ ಬೊಕ್ಕ ನರದೋಷ ನಿವಾರಣೆ ಮಲ್ಪುಂಡು.
✅ ರಕ್ತದೊತ್ತಡ ನಿಯಂತ್ರಣ ಮಲ್ಪೆರೆ ಸಹಾಯ ಮಲ್ಪುಂಡು.
✅ ಆಂಟಿಬಯೋಟಿಕ್- ಶರೀರೊಗು ಬರ್ಪುನ ರೋಗಾಣು ಸೂಕ್ಷ್ಮ ಜೀವಿಲೆನ್ ಎದುರಿಸಾವುಂಡು.
✅ ಕೈ ಕಾರ್ ದರ್ಪು, ಪೊಕುಲ ಬರ್ಪಿನಯಿಕ್ ಇಲ್ಲ ಮರ್ದ್.
✅ ಹೃದಯದ ಆರೋಗ್ಯಗ್ ಎಡ್ಡೆ.
✅ ಬೊಜ್ಜು ನಿಯಂತ್ರಣ – ತೂಕ ಕಮ್ಮಿ ಮಲ್ಪೆರೆ ಸಹಾಯ ಮಲ್ಪುಂಡು.
✅ ಸಕ್ಕರೆ ಕಾಯಿಲೆ ನಿಯಂತ್ರಣೊಗು ಸಹಾಯ ಮಲ್ಪುಂಡು.
ಉಂದು ಖಾಲಿ ದೈ ಅತ್ತ್, ಉಂದು ತುಳುನಾಡ್‌ದ ಪ್ರಾಕೃತಿಕ ಸಂಪೊತ್ತು.
ಉಂದು ನಿಕ್ಲೆನ ಅಡುಗೆಗ್ ತಾತ್ಕಾಲಿಕ ರುಚಿನ್ ಮಾತ್ರ ಅತ್ತ್, ಶಾಶ್ವತ ಆರೋಗ್ಯೊನುಲಾ ಕೊರ್ಪುಂಡು.
